|
موتة الطير
يوم الاحد جاني خبر موتة الطير وهلة ادموع العين من ما دهاني وقضية ليلي حايرن بالتفاكير وغصة البحور وجبت جزل المعاني مرحوم يالي وافين بالتشابير راع الوصوف النادرات الزياني افجح وصافي شوق كل الصقاقير ويلحق لحوق ام العشر والثماني عوق الطيار الهاربات المعاشير ودايم يكسبني بفعله رهاني من شان هده ما نحسب المشاوير وكم مرتن لجله انا رحت عاني عقب الوسم يم الفياض المخاضير نلقابها اجوال الحباري عواني الله يعوضني بعفاس بالخير ف اول حلول الوسم هاذا الزماني بشقر ولافي ريشته اي توسير ولافرخوه اهل العشش ف المباني من ضلع فارس ماكره يومه اصغير ومشبوك في حد البلد ثم جاني هاذي طرات العمر لابو المخاسير ومقيولتن قبلي ترى العمر فاني |
صح لسانك حتى ترضى
جزل كعادتك لالاهنت |
العتيبي
صح بدنك وكلامك اجزل من جميع الابيات طال عمرك ولاهنت على المرور تحياتي |
احسن الله عزاك في طيرك يالغناوي
وابشر بالعوض .. صح السانك تحياتي,, |
اقتباس:
والعوض شوفتك طال عمرك ولاهنت على المرور العطر الى نور المتصفح تحياتي |
الله يعوضني بعفاس بالخير ف اول حلول الوسم هاذا الزماني الله يعوضك ياااااالغناوي صح لسانك |
اقتباس:
ويعوضك بالجنه وصح بدنك طال عمرك ولاهنتي على المرور العطر تحياتي |
الغناوي
من طول الغيبات جاب القصايد أولا: وبعد أذنك أضفتها عندي بالمفضله ثانيا : تاكد اني من المتابعين لك ثالثا :صح كلك والله يبعد عنك الحزن نص يلجمنا عن وصفه لاهنت |
اقتباس:
وانتي تامرين على الروح ومايحتاج تستاذنين ومتابعتك طال عمرك اكبر شرف لي ولشعري واعتبرها وسام على صدري وشهاده افتخر فيها ولاهنتي على المرور تحياتي |
الغناوي
صح السانك معوض خير بعفاس والله يرزقك باللي اطيب منه |
| الساعة الآن 01:06AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية