يـاصـاحـبـي ولــّى زمــان الــذيــابـه !!
عطني ورق مابه لغيري كتابه = عطني زمن مابه لغيري مواعيد
عطني أمل يحفظ لعمري شبابه = وعيون عـمـياء ماتشوف التجاعيد تعبت من طول المدى والصبابه = وأنا على وقع الخطأ أطوي البيد بيـعِ العمر كان الغلا ينهقى به = وأجيك كلي حـْـب من دون تحديد ماكل دافع للمهآبه .. مهآبه = الخوف يأس ليا بقى الخوف ترديد حنا زمنا جنته في عذابه = لو الاماني في نظرنا عناقيد مافيه صعبٍ يستحق المجآبه = مدام واقعنا للاحلام تأبيد ياصاحبي ولــّى زمان الذيابه = ناظر سراحين الزمن ذا ملابيد لو أنتظرنا أشوْي للغد أجابه = يمضي علينا الوقت من دون تأكيد يسوى التكتم والحذر والغرابه = في بوحنا اللي مايخدش المناقيد وأيـّـا طموحٍ كان لاصار مابه = صبر وتعب ماله حـلاوة مواعيد " " " |
اقتباس:
صح لسانك على الابيات الشامخه ولاهو غريب عليك الاخ منصور لك تحياتي وتقديري وكل عام وانت بخير . |
الرائع والراقي دوما ً / منصور الرويلي صح كلك على هذا الالق وهذه الروعه ولُغتك الشعريه وفلسفتك الفكريه واضحه على ملامح النص فأنت صاحب عطنـي ورق مـابـه لغـيـري كتـابـه عطني زمـن مابـه لغيـري مواعيـد عطنـي أمـل يحفـظ لعمـري شبـابـه وعيون عمياء ماتشـوف التجاعيـد ، ، بصمه معهوده هُنا شعر وإرواء للذائقه لا عجب في كل ما قرأت فأنت منصور إسمح لي بتشهيرها دام بهاءك :) |
منصور صح لسانك
كل عام وانت بخير نص رائع وملامس الواقع بصدق ومواسأه للانقياءمثلك ابدعت رائع احترامي لك خ |
الغالي الشاعر منصور الرويلي اسعدك الله بجميع اوقاتك شرفني حضوري لمتصفحك ومصافحة قصيدتك الباذخه انت شاعر متمكن وكل شعرك درر ثمينه لما تحمله من معاني وصح لسانك وعلا شانك يا الغالي وتقبل تحياتي |
منصور الرويلي
هذا الاسم الشامخ الذي اكن له كل الاحترام والتقدير هذا الاسم الذي كل مامر اسمع صدى قصيدة( بغداد) اسم لشاعر وجداني ابداعي يفخر به منصور الرويلي تفبل مروري ولك تحية فدعانيه اتنومس بها اخوك-محمدالسويلم |
منصور الرويلي صح لسانك واحساسك كتبت وابدعت لي شرف المرور وتسجيل اعجابي بروعة بوحك دمت بخير تحياتي رهب |
صح لسانك قصيدة جميلة ومضمون رائع ..
|
حنا زمنـا جنتـه فـي عذابـه 000 لو الاماني فـي نظرنـا عناقيـد
مافيه صعـبٍ يستحـق المجآبـه 000 مـدام واقعنـا للاحـلام تأبيـد الشاعر المبدع المتألق منصور الرويلي نص رائع في غايت الروعه نص شامخ يدل على التمكن الشعري اشكرك على هذا النص صح الله السانك وبيض الله وجهك وتقبل مروري ... |
صديق قديم والتقينا
صح لسانك منصور عدد شعر راسك قصيدة جزله من راس شاعر جزل الابداع سمه من سماتك يامنصور تحياتي ابوفاااارس |
الساعة الآن 05:06AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية