منامي و الاحلام
((منامي و الأحلام)) الله يسـامح يا حبيبي منامي ***** كل مانسيتك شفت زولك بالاحلام كل ليلةٍ داخل عيوني تنامي ***** وكل ليلةٍ داخل عيونك أنا انام ماودي أصحى لين أخلص كلامي ***** وأنهي حديثًٍ في خفوقي له أعوام ياكيف أنا بوصل نهاية مرامي ***** مقسى من فراقك سوى مر الأيام لو شفتني عقب الفراق أمترامي ***** يمكن تلملم مابقى لي من حطام العود ناحل والبقايا عضامي ***** وجهٍ غشاه من التعب سهد وعتام والشعر ماله في حياتي مقامي ***** عقبك فنت كل الصحايف والأقلام بشد وأطوي عن ربوعك خيامي ***** لو كان مرباعه نواوير وخزام الى متى برجي وجود العدامي ***** العمر مره والأماني لي أسقام هاذي نهاية ياحبيبي غرامي ***** صار ألقى حلمٍ تصوُّره الأوهام كل ماذكرت انك تجيني بمنامي ***** ماقول غير لله يسامح هالأحلام |
الله الله .. صح السانك شاعرنا / وليد السلطان
صراحه قصيده غايه في العذوبه .. اشبعتنا شعراً بها يعطيك الف الف عافيه |
هلابك اخوي شبيب ومشكور على المرور واتمنى من المسؤلين تنسيق النص عن طرقهم لاني لا امتلك صلاحية التعديل الان لكي تظهر القصيده بشكل الائق
|
بشد وأطوي عن ربوعك خيامي ***** لو كان مرباعه نواوير وخزام
الى متى برجي وجود العدامي ***** العمر مره والأماني لي أسقام هاذي نهاية ياحبيبي غرامي ***** صار ألقى حلمٍ تصوُّره الأوهام كل ماذكرت انك تجيني بمنامي ***** ماقول غير لله يسامح هالأحلام وليد السلطان صح بوحك ولاهنت تحياتي,, |
الغالي
الشاعر وليد السلطان الله انه يسعدك ويوفقك بجميع اوقاتك ولقد اسعدني ان اكون ضمن المصافحين لهذه القصيده الاجمل من جميله والاروع من رائعه وصح لسانك وعلا شانك ولاهنت وتقبل تحياتي |
صح الله لسانك وأجــدت في بيانك وبقي التمـــيز والاقتـــدار عنوانك وأعلى الرحمــن شــــــأنك وكيانك |
صح لسانك ولاهنت
تحياتي |
الساعة الآن 01:29AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية