حذفة شعر
ياهاجسي وان بغيت اضرب ولا تستشير = وان ضاعت الاوله فالثانيه مابدت خابرك لا تشحذ المعنى ولا تستعير = أما تجي من صميم الذات والا بردت الجاش شال الكثير وحط عنه الكثير = وما حركه غير يوم ان القلوب فسدت تطير والا عسى جنحانها ماتطير = احرقت معلوقها الفخار يا ما صدت من حسرة(ن) بالضلوع وحسرة(ن) بالضمير = لبستها الثوب الاسود غصب لين هجدت ليه المجامل وحد العلم سيف(ن) شطير = منه القلوب الضريره من هلعها جمدت الشعر لو ما يعنى ما يجيب العسير = والفارس اللي يهاب الخيل عنه شردت وانا اتمثل وامثل كل معنى غزير = والناس ماهي غريبه يا مدحت ونقدت الشيخ وان مازهد باللي عطاه الوزير = يزهد بعلمه وزيره دام نفسه ردت يا كثرهم والكبير اليا تردى صغير = والهامه ان دنقت مره تراها سجدت عذب القراح المصفى عند جال الغدير = يوم النفوس الخبيثه عن صفاه رقدت مشكاي لله عسى العقبى لنا بالف خير = وعسى الرجال العزيزه تفتخر يا حصدت بيبرس يذبح قطز ويبايعونه أمير = شر المصايب يحل اليا الرجال حسدت والمهدي المنتضر شبه عليه الغرير = وده يجي غير يوم ان الرجال قصدت بعض الرجال التجى في خام شبه الحرير = وبعض الرجال التجى به خلق فيه نشدت المرجله والمعزه واحترام الفقير = قدوه يعل البشر تطريه لو ما اقتدت شاعر حفيد البلد يرقص على كل زير = بغوه يمدح ولكن العيون رمدت ضرب بهم عرض حايطهم وصوب كسير = وخابت وجيه(ن) عليه السالفه سندت شاعر نور يحسب ان الشعر قرض الشعير = وقناته اللي تذود استكبرت وهصدت يا هاجسي وان بغيت الشور لا تستثير = وقف وخل المعاني تنتحر يا بدت |
صباح الشعر ..
الشاعر القدير / عبدالعزيز العدواني سلم بنانك وسلم بوحك تمنياتي لك بالسعادة في الدارين.. تحياتي http://www.s111t.com/up/uploads/imag...4d83fe6b03.gif |
الغالي
الشاعر عبدالعزيز العدواني الله انه يسعدك ويوفقك لما فيه الخير اسعدني مروري على متصفحك ومصافحة هذه القصيده الجميله و المعبره والرائعه وصح لسانك وعلا شانك ولاهنت تقبل تحياتي |
عبدالعزيز العدواني
هكذا الشعر وألأ فلا صح لسانك ملاييييييين يالغالي تحياتي |
عبدالعزيز
قصيده من العيار الثقيل بمعناها صح لسانك |
عبدالعزيز عبيد العدواني
جزل\ جزل \ جزل عبدالعزيز العدواني.ليس بمستغرب عليك هذه الجزاله وانت حفيد \الشاعرمريبد العدواني رحمة الله عليه الذي له بصمه فكرومأثرحميده في نجد والجزيره العربيه لم تمحوها السنون. هنا رسالة فكر. لمن يحاول العبث بموروثنا. والمتاجره به هناكلمة(( قف ))لكل نشاز.توغل باالوحل مابين الغايه والوسيله هنا الكثير والكثير لازلت كسابق عهدك لاترضى الا باالصفوف الأولى معك حلقنا في فضاء الأبداع . هنا نفس مارد وضرب من ضروب الفكر. حاولت ان اقتبس منها الا...انهابنظري قصيده كل بيت منها بيت قصيده. هنا تم انقاذ الذائقه وانعاشها بأخر رمق. فلذائقه روح كما تعلم. وما اجملها من حذفه. فسمحلي ان اسميها (أنعاش الفكر) تقبل مروري المتكرر هنا. وأطيب التحايا |
سلمت ولاهنت ياعبدالعزيز صحيت كلك ولاعدمناك دام نبضك سلامي |
العدواني
سلمت على هذه القصيده وصح لسانك |
الساعة الآن 11:32PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية