بسم الله أبدا وأصخر القاف تصخير=وأكتب حروف(ن) غاليات(ن) ثمينه
وأصور الموقف على خير تصوير=والقلب ممـا فيـه زايـد حنينـه
البارحـه جتنـا علـوم وتباشيـر=وعم الفرح بأطراف كـل المدينـه
قالوا ترى الجمعه من ديار أغادير=الحجـز لأميـر الوفـاء مأكدينـه
والدار غنت قبـل لايقـدم الخيـر=وأبن الوطن بقدومكم سـرّ عينـه
مرت سنه وقلوبنـا معـك ياأميـر=ندعي برجوعك كل وقت(ن) وحينه
يامرحبـا عـداد ماغـرد الطيـر=وعـداد دورات الزمـان وسنينـه
باالغالي اللي جيتـه عندنـا غيـر=مثل الفرح عند القلـوب الحزينـه
ولي عهد ولـه سياسـه وتفكيـر=صارم وحازم والكرم فـي يمينه
والشعب غنّا له من صغيـر وكبيـر=خـلال كـل الرحلـه مشاركينـه
واليـوم صفقنـا محبـه وتقديـر=من يوم شفنـا ضحكـة الطمأنينـه
على محيّا سيـدي صـدق تعبيـر=نحمدك يااللي قلوبنـا لـك رهينـه
وعاش الأمير اللي يفك المعاسيـر=سلمان عضـده فاالمواقـف يعينـه
آل السعود تسطر المجـد تسطيـر=طبع(ن) لهـم والعـز متوارثينـه
يحفظهم الله من سهـوم المقاديـر=بحكمهـم دار السعـودي أميـنـه
والمعذره أن كان فالهرج تقصيـر=تعبير صـادق والمشاعـر دفينـه