انتظاااار..عالماسنجر!
 

انتظرتك ياغلاتي..
وعيني شابت بانتظارك
إن قفلت هوايا صعبة
ومن أظل تاكلني نارك
انت موذاك القلتلي:
تفتح بتالي نهارك!
ليش عيني تغيبت
ليش روحي مادخلت
خوف قلبي تبدلت
وانو موبيدك قرارك
.
.
.
اسأل عيوني حبيبي
ال..بانتظارك ذبلتها
شاشة قامت تشتكيني
وهالزراير مارحمتها
هذا (نبع) وهذي(ماسة)
وفكري بيك احتاس طاسه
آني شايفك ب..(شوادر)
انت متواجد حبيبي
انت متواصل حبيبي
انت (متخفي)حبيبي
وتدري روحي حرقتها!
.
.
.
تقلي : عالم إفتراضي
وخوفي آني الإفتراضي
شاكو ماكو ماعنالي
انت حالة اعتراضي
رحمة بأحوالي حبيبي
وخلني اشوفك لو كتابة
أرضى منك لوسلامك
تكفى يابعد القرابة
لاتقلي: آني ..آني
انت شنهو..
انت يامجنوووون آني.

العفيدلي

صح احساسك
تحياتي,,

اخي الكريم تسلم وصح لسانك
تحياتي لك

عبدالكريم العفيدلي / سلمت وسلم بنانك
لك اجمل تحيه

عبد الكريم العفدلي

صح لسانك ولاهنت

تحياتي