الظليمــــــــه ...
الحد في بعض العرب ما نقيمه الله عفاهم دون شرط (ن) ولا قيـــــد وأهل الهروج التافهات العقيمه فرقا مرابعهم على خـاطري عيــــــد ولا ني بسامع ناقلين النميمه اللي يشبـون الفـــتن والمناقــــيـد ناس(ن) من الأخلاق صارت عديمه وفيــد الوجيــه الهابيــه ما هو بفيـــــد حسبي على اللي يبتلي بالظليمه ما خاف ربه كيف يظلم الأجاويــــد هذا مع العراف ما فيه شيــمه يالله عساها تنخســـف تحته البيـــد وأشره على عقول الرجال الفهيمه اللي تقول الهرج من دون تأكيـــد ذولا لهم بين المشاكيل قيمه وتحسب عليهم كل كلمة مقاليـــد يقوله اللي ما يعرف الهزيمه ولا هزته كلمة ضعيف(ن) ورعديــد مع كل التقديــر الشهم |
صح لسانك ولاهنت وحياك الله في رهب والف مرحبه |
صـــــح لســــــانــــــك
ولاهنت |
الشهــم ..
ابيات تدل على أن شاعرها كبير في شعره وأخلاقه .. صح لسانك ياالشمالي دمت بود |
سلطان الرجا بدور الفارس فارس الحرف مروركم عطر .. وحروفكم وسام لكم كل تقديري واحترامي اخوكم / الشهم |
طيب طيب ياسلااااااااااااااااااام
صح واله لساااااااااااانك يالشهم قصيدة جزله من جزل اسمتعت بقرائتها لك فايق تقديري ودمت بود |
هلابك اخوي فهد الفهاد وتسلم اخوي مرورك عطر ... وما كتبته اناملك وسام لك كل تقديـــــري الشهم |
صح لسانك الشهم قصيده جزله من شاعر جزل والنعم والله والسبعة انعام لي شرف المرور والتوقيع ما قصرت الشهم تحياتي لك رهب |
وأهل الهروج التافهات العقيمه
فرقا مرابعهم على خـاطري عيــــــد ولا ني بسامع ناقلين النميمه اللي يشبـون الفـــتن والمناقــــيـد ياكثرهم في هالوقت يالشهم الله يبعدهم عنا ويكفينا شرهم وصح لسانك على هذه القصيده الجزله تحياتي لك ولاهنت |
قصيده غير
كفوا وبيض الله وجهك |
الساعة الآن 09:40PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية