|
الـكـويـتkuwait
بسم الله الرحمن الرحيم السلام عليكم ورحمة الله وبركاته يسعدني ويشرفني أن أضع هذا النص من جديدي بين أيديكم وأتمنى لكم الإستمتاع.. قلبي معلق ياعرب وسط لكويت=الديره اللي من سكنها فداها من صغر سني في ثراها تغنيت=والقلب ماظنه بيومن نساها وإن غبت عنها ثانيه قلت ياليت=ياليت أنا أرجع وأتنفس هواها لأني ولدت أبها وفيها تربيت=أبغى قصيدي ياصل لمستواها دار الصباح اللي لهم فالعلا صيت=من طيبهم طابت وزادت عطاها دارن غدت للطيب ياصاحبي بيت=والا الكرم وده يوصل مداها أدعي لها بالأمن وإن كان صليت=أدعي لشيخن في يمينه بناها أدعي لأبومبارك وربي ترجيت=أرجيه يرحم جابر اللي زهاها ياشيخنا اللي داخل القلب ضليت=أسمك غدا لقلوب شعبك دواها أنا أشهد أنك فالأماره تفانيت=بأسمك قصيدي يالأمير يتباها أنا أشهد أنك والتواضع تخاويت=نفسك غدا طيبك أساسا حلاها والله ماننساك يوم أنت رديت=بعد الغزو يومك تعانق ثراها سجدت للوالي ومن ثم فزيت=مابعتها ضليت تطرد وراها الحق يرجع وأنت لا ماتخليت=والقرم صامل والمعالي حصاها رجعتها غصبن وفيها تحديت=قهرت غاصبها وشلقة عداها وأبوي شارك يوم تحرير الكويت=مع جيش دوحتنا وعسكر نصاها جيشن يدك القاع ضد الطواغيت=تشهد له الخفجي ولا أحدن نساها في وسط حرق النفط والجو به زيت=سبت دخان النفط ليلن غشاها أدى مهمة ثم عود إلى البيت=لأن طبع دوحتنا تعز قصراها خليجنا واحد وبأسمه تعزويت=ستة شعوبن مايُعكر صفاها لو كان يمدي كان ذلحين عديت=مير الفعول البيض واضح مساها الكل ماقصر وأنا ما تناسيت=والله يعطي كل حاجه جزاها واليوم في نعمه وفي خير ياكويت=في ظل قايد كالقمر في سماها لا قيل أبوناصر من القلب حييت=حييت شيخن من ضميره حماها صباح الأحمد بالسياسه تحليت=حكمه ونظره مايبين خفاها الله يسمح دربكم حيث حليت=والله يطول عمركم ياضياها حتى ولي العهد ماعنه سجيت=نواف الأحمد والفخر هو كساها ولي عهد الطيب والصعب ذليت=ذليت راس الكايده من غلاها ياكويت مامثلتس أنا اليوم حبيت=لو أكتب أبياتي دهر ماكفاها لتس نور غطى نور من فوق كل ليت=لتس تفتح أبواب الفرج ياعساها أنتي عروس الشرق ياكويت (سميت)=وأنتي كما ريم الفلا في فلاها وإن كان ودتس قدرتس شلون..؟رديت=قدرتس كبير وفيه بدر يتباها قدرتس ترا معروف به دوم تميت=دره بوسط العين جفني غطاها وسلامة الجميع |
الغالي الشاعر بدر العجالين الله يسعدك ويوفقك للخير وايضا يسرني ان اكون اول المصافحين لقصيدتك الباذخه والله يجمع شمل دول الخليج واهلها على الحب والوفاء امين وصح لسانك وعلا شانك يالغالي وتقبل تحياتي |
بدر العجالين صح لسانك وتستاهل الكويت تحياتي لك |
بدر العجالين والله ماتنلام ياخوك
وطنيه عاليه وقصيده راقيه من شاعر راقي ابدعت واجدت وأبوي شارك يـوم تحريـر الكويـت مع جيش دوحتنـا وعسكـر نصاهـا جيشن يدك القـاع ضـد الطواغيـت تشهد له الخفجي ولا أحـدن نساهـا الحمدلله اني كنت مشارك في ازمة الخليج وشفت كل شي صح السانك |
اقتباس:
صح الله بدنك يالغالي وتسلم على الكلام الطيب مشكور ولاهنت على المرور الكريم.. تقبل تحياتي،، |
اقتباس:
صح الله بدنك وتستاهل الطيب يا أبوفيصل مشكور ولاهنت على المرور الكريم.. تقبل تحياتي،، |
اقتباس:
صح الله بدنك وتسلم على الكلام الطيب يازايد مشكور ولاهنت على المرور الكريم.. تقبل تحياتي،، |
| الساعة الآن 08:08PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية