يـا حمامـه لا تجريـن الونيـن وتحزنينـي =اقطعي صوتك ايلين اروح منـك يـا حمامـه
والله انك لو اتعرفيـن المخبـا فـي كنينـي =ان تجرين الونين الصلـف لا يـوم القيامـه
قالت انت اللي تنادي يا ضنيني يـا ضنينـي =لك ثـلاث ايـام مابيـن المسيلـه والعدامـه
قلت انا اللي كفي اليسرى يصفق في يمينـي =لا رعـاك الله يـا دنيـا التعاسـه والندامـه
قالت الله يرحـم العشـاق والقلـب الحزينـي =عطني اعلومك مدام انك معي فـي ذالهدامـه
قلت انا تبغين علمـي فانصتيلـي واسمعينـي =والمولع لا يفوتك شي مـن قصـت غرامـه
اسمعي قصة غرامي وانضري في دمع عينـي =واحمدي ربي مـدام انـك حمامـه بالسلامـه
العرب تمسي وانا حلو الكـرى عيـا يجينـي =عقب ماشفت الغزال اللي عـلا خـده علامـه
يوم لوحلـي بكفـه قلـت انـا هـذا يبينـي =واختلفت ورحت ملح وضيع المغـرم كلامـه
اثره اينـادي خويـه واقـف بينـه وبينـي =طر جيبي يوم وقف وانعطـف محلـى قوامـه
نابي ردفـه وفـي صـدره كمـا التفاحتينـي =مدمج ساقه وخصره حول مقياس العمـا مـه
طي حالـي يـوم قفـو واتركونـي طيتينـي =والله اني لو ما اخاف من الولي واخشا الملامه
لا اتلوابـه لـوان المـوت عقبـه يحترينـي =يا حمامه غردي بالصوت في نخيـل اليمامـه
ولا انا باروح اغنـي سامـري ولا اهجينـي =والهـواوي مايفيـده لا كـوي ولا حجـامـه