|
سعادة المدير ............شتبي ؟؟!!
موقف من الارشيف >> للتسليه فقط ممنوع دخول المعقدين واصحاب المئارب؟؟ كنت موظف في شركة بترول امريكية سعودية وكان رئيس الدائرة محترم وفاضل ولكن المدير المباشر المعين قدر على الله وصار مديري مربوش :nono: يعني مطفووق بالمختصر لا انت تدري وش يبي ولا هو اصلا يدري وش يبي اول موقف جمعني انا وياه واللي اثبت لي ان صاحبنا ما حولك احد كنت واقف عند الة التصوير اصور اوراق المهم دخل علي ابو الشباب و قال مرحبا رايق رديت عليه وقبل لا اكمل قال فيه ملاحظه عليك انا بقلبي (( الله يستر شسالفه )) <<<< ساعات يخورها وهو ما يدري :d قلت له عسى ما شر شفيه رد علي بعدين بعدين (( على فكره تراه يتكلم بسرعة 200 كلمه بالثانيه )) قلت شفييييييييه رد على وهو يتلفت ما فيه احد هنا ؟ انا هنا مادري ليش طرا على بالي قحطه يوم يستهزئ بحسينوو يوم خسر بالجواتي ( وانتم بكرامه ) ويوم كان يقوا الله يا بعض الناس دنى زواااالهم ياااااااااااااو بعد ما تلفت وقال ما فيه احد هنا قال لي بصوت واطي شعرك طويل قصره ............ قلت له ترا ايام المدرسه خلصت عدا هـ الموضوع على خير و سلامه وبدون خسائر بالارواح راحت الايام وجت الايام ورجع لي ابو الشباب بنفس الموضوع بس بصيغه ثانيه كنت عنده بذاك اليوم اوقع من عنده بعض الاوراق طالع فيني وابتسم وقال : تصدق كل ما قلت لواحد من الموظفين قصر شعرك رد علي وقال شمعنى رايق انا قلت له خلاص استدعوا ولي امري وتفاهموا معاه هم عدا الموضوع على خير وبدون خسائر بالارواح حضر بعد فترة شرف حضرة جنابه عندي بالمكتب وطبعا انا حاط الطاوله بطريقة علشان اكون قريب من المراجع اذا مد لي المعامله المهم ابو الشباب بعد ما دخل قام يتلفت قلت له : كأن فيه شي مو عاجبك قال : ايه والله انا بقلبي ( الله يستر بدينا ) قلت : خير شفيه ؟ قال : وضع المكتب مو عاجبني ليش ما تخليه كذا بدال كذا قلت : ما يصير كذا تصير المسافه بعيده بيني ويني المراجع ابو الشباب مسك القلم ومده لي بس من بعيد شوي علشان يشوف لو حط المكتب بالطريقه اللي هو يبيها شلون يصير انا مديت ايدي علشان اخذ القلم منه بس ما قدرت اخذه منه ابو الشباب هنا اقتنع بس كان عنده حل ثاني بس صعب شوي قبل لا يطلع من المكتب طلعني وقال ترا فيه ملاحظات عليك ..!! انا هنا خنقتني العبره ولا قدرت ارد عليه ارد واقول مره ثانيه سعادة المدير ................. شتبي ؟؟؟؟!!!!! |
اشكرك ع الموقف...........رايق في الزحمه.......صراحه استمتعت في قرأتها
تسلم ويعطيك العافيه |
| الساعة الآن 08:16AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية