البارحه كثرت علي الهواجيس=نوم العرب عيت عيوني تنامه
من ضيقة ٍ بين الضلوع المقاويس=من عصر والها فالضمير ازدحامه
ماهمني...؟ راع العيون النواعيس=لوهو ملكني في هواه وغرامه
ابو خدود ٍ مثل عقد المعاريس=ولا مثل بدر الدجى في تمامه
وماهمني...؟ هرج الوجيه المعابيس=اهل الزرايا والحسد والنمامه
بدوارها دايم خلاف الكواليس=يبرز بطلها بالمكر واللئامه
وماهمني...؟ صيف ٍ بلندن وباريس=يسدني ممشا ً بنجد وعدامه
مهما جمعت من الذهب والقراطيس=ورثي من الدنيا كما قيل خامه
ياطير....من بين الطيور القرانيس=لك منزل ٍ عندي رفيع ٍ مقامه
ياطير ماعودتني بالدنافيس=دايم تصيد ولاتصيد الهلامه
واليوم طلعك ماتعدى المقاييس=مني عليك اليوم كل الملامه
ماضنك انكرت الفضا والتضاريس=ولاضنتي تلعب عليك الرخامه
ياما من فعولك كسبت النواميس=وياما بعد لجلك عصبة العمامه
ولولا الغلا....وش حاجتي بالسناعيس=الرزق من منش المطر في غمامه

بدوارهـا دايـم خـلاف الكواليـس
يبـرز بطلهـا بالمكـر واللئـامـه

خيالها

رائعه من رائع

تحياتي

الشاعر القدير

خيالها

صح لسانك واحساسك

قصيدة في قمة الروعه والعذوبة


ننتظر جديدك وعذب قصيدك

خيالها

صح بوحك وسلامتك من الضيقه

قصيده وافيه من وافي