مواعيد الوشايه
. . على حساب البنوك النقص ما شفت العطا قد زاد توالت ما تبي تغني ولكن جارت.. بولّفـه تلاحقت القليل اشوا من المجلود والجلاد مثل مايختفي وجه المغني وطالت العزفه يقولون الصدف احسن من اللى خابر الميعاد ولا قالوا مواعيد الوشايه تلتقي صدفه وانا والله ما ودي اسولف في ثمود وعاد ولكن صارت العاده مع اللي فاقدن حلفه تلاقت بعض نجماتي مع اوراق.. تجي من غاد ولا راحت قليل الكل ولا أقبلي بعض نصفه دريت ان الشوارع ماتبي تمشي.. بدون اسياد الا يا رايح ٍ للغرب.. كل الغرب.. كم لفه؟؟ تشيل نحاس يابن الناس خايف نظرة الحساد الا يا راعي الميزان.. تبي تنصب على الكفه؟؟؟ يقولون الشجر واقف وانا لي تحتها مقعاد اجاري بالغصون اسباب واخلى بالورق عفه توالت ما تبي تقسى ولكن ميّلت بعناد هبوب تدفع المقفي وتزف السيل مع جرفه . |
صح لسانك أخوي رياض الهديرس ويعطيك العافية على هذه القصيدة الجميلة كل الشكر لك تقبل تحياتي |
صح لسانك اخي رياض الهديرس قصيدة قي قمة الروعة والجمال رغم كل تدافع السيول لك تحياتي وتقديري على النزف دمت بخير |
الاخ رياض
رغم انشغالي رغم الشرود الذهني الذي نواجهه في الفترة الاخيرة الا ان هذا النص يجمعنا من شتات الشوارع بل يحسسنا ايضا اننا اسيادها بشرط ان ندرك ماذا يقول رياض الهديرس حتى يتجلى الشعور بلوحة فنية فائقة تشيل نحاس يابن الناس وخايف نظرة حساد الا يا راعي الميزان.. تبي تنصب على الكفه؟؟؟ اما هنا يجب ان نقدم لك بطاقة شكر ..كلنا يعرف ويدرك بعض حالات الصمت ولكن تجبر فجاة للحديث فقط لانها جرت العادة الله عليك تلامس مجتمعك وتعرف ماذا يريد وانا والله ما ودي اسولف في ثمودوعاد ولكن صارت العاده مع اللي فاقدن حلفه الوقت لايسعني يارياض لشرح التفاصيل ولكني فقط سجلت اعجابي هنا تقبل اجمل تحية |
سلمت على هذه القصيدة |
صح السانك اخوي رياض
وقصيده رائعه من شاعر مبدع دمت شامخا ومتالق |
صح لسانك أخوي رياض الهديرس ...
الله يعطيك الف عافيه قصيدة رائعة وكافيه ووافيه وهذا ماهو غريب عليك أستاذي وانت شاعر والله متمكن ولا يشق لك غبار ... تحياتي لك وتقبل مروري المتواضع ... |
الشاعرالقدير
رياض الهديرس صح لسانك وعلى شانك قصيده جزله من شاعرمبدع لاهنت بنتظار جديدك بشوق وفقك الله ورعاك |
وحيد وقته
صح بدنك وشكرا لك على مرورك تحياتي |
ممدوح هلال
صح بدنك تحياتي . |
الساعة الآن 06:04AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية