التوت والسكر
انا يابنت من شفتك وانا عاشق لقا معشـوق=معك قلبي معك كلي واحاسيسـي خذيتيهـا انا لامن نطقت اسمك يتمتم عندي المنطـوق=حروف اسمك تلعثمني واعيد القول واحكيها عشقت حروفك الخمسه غرامٍ محتويه الشوق=ياساكن في رياض العـز وتحديـدٍ شماليهـا ملامح وجهك الطاهر تعانق لهفتـي بشفـوق=وتشكيلي وانا اشكيلك ومشاعرنـا نبديهـا الا سلهمت بعيونك ورموشك التقت برفوق=احس انـي بغيبوبـه ولادري وش تواليهـا انا مبسمك دوخني وبلذة ريقك انـا افـوق=بداية حالة ادمان الشفايـف مـن تعاطيهـا وطعم التوت والسكر من شفاتك خذاله ذوق=يااحلى من رأت عيني وصوف الحسن تكسيها الا لبيه ياشعرٍ على متنك نـزل مـن فـوق=توشح جسمك الى الخصر ومابعـده يغطيهـا ياليت اعيش انا وياك بديره مابهـا مخلـوق=جزيره نائيه ماقط حـيٍ قـد سكـن فيهـا انا وانتـي وثالثنـا غـرامٍ بيننـا موثـوق=وعهد الحب ميثاقه قلوب العشـق يرويهـا |
صح احساسك ولسانك
فيصل جزاء قصيده رائعه بماتحمله من كلمات جميله ابدعت في نسجها ماننحرمن جديد كل الشكروالتقدير دمت بكل خيرومحبه |
الغالي الشاعر فيصل بن جزاء
حياك الله يافيصل بين اخوانك واخواتك بمنتدى رهب واسعدنا حضورك كما اسعدتنا بهذه القصيده الغزليه وما تحمله من مفردات ومعاني وبسك متقن من شاعر متمكن ومبدع وما اقول الاصح لسانك مليون يالغالي تحياتي |
صحْ لسآنكْ وعلا شآنكْ ..
قَصِيدَه كُتِبتْ بِمآءْ الذَهبْ .. دُمتَ شآمِخاً .. :r: |
فيصل بن جزاء
اسعد الله اوقاتك اسعدتنا بقراءة احساسك حروفك .. سنا وضوء شمس ... احساس مرهف وعذوبة منتقاه اناقة في نسج الحرف وتصوير الكلمه لتكون لوحة ابداعيـــــــــه.. اشكرك على هذا الاسلوب الراقي في الطرح .. اشكرك دمتــــ بـــــود ياعمري |
الشاعر القدير
فيصل بن جزاء صح احساسك ولسانك اخوي فيصل قصيده جزله من شاعر متمكن سعداء بوجودك بيننا في منتديات رهب وبانتظار الجديد تحياتي لك واحترامي |
[TABLE1="width:85%;"] | [/TABLE1]الشاعر القدير فيصل بن جزاء صح لسانك اخوي فيصل قصيده جزله من شاعر متمكن سعداء بوجودك بيننا في منتديات رهب وبانتظار الجديد تقديري لك اخوك عبد العزيز الذويبي |
القديره شموخ نجد
صح بدنك ولاهنتي على مرورك الراقي والجميل خالص الود والتقدير |
القدير سفير المعاني
صح بدنك ولاهنت على مرورك الراقي والمميز ولاهنت على الترحيب خالص الود والتقدير |
صح لسانك أخوي فيصل
قصيده جزله ماهي بهزله دمت بود تقبل مروري |
الساعة الآن 12:40PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية