لا تجرح اشـفـاتك !!
ان كان ماجابك لي الشوق يدفعـك = ولاجيتني ولهان من زايد الشـوق يقلعك ياحب(ن) بلا وصل يقلعـك = مايحفظ حقوق(ن) ولا يعطي حقوق ولا تعال من الولـه ودي أسمعـك = وسمعك من خاطري كم طـاروق لاصرت تجهل موقعك وين موقعك = انت غلاتك عاليه بالسمـاء فـوق لاتجرح اشفاتك بعضـة اصابعـك = برفوق ياسيـد الغناديـر برفـوق ذبحت لـي قلبـي بكثـرة تدلعـك = دمرت فيني كل شريـان وعـروق احيان اشوفك في زعامة تواضعك = وحيان اشوفك نخلة(ن) مابها عذوق ولعتنـي ياللـي تجاهـل تولعـك = احرقت قلبي والحشا منك محروق قتلتني بسحرك ولا شـي يمنعـك = شفني معلق رهن رمشك ومشنوق نظرتك خلت جلة النـاس تتبعـك = جننتهـم مابيـن سابـق ومسبـوق ودي اعيش العمر كلـه اطالعـك = واملا عيوني من محاسنك ياشـوق ودي اضمك يم صـدري وقطعـك = وطوقك كلك كمـا حلقـة الطـوق شفي ولكن خوفي اللمس يوجعـك = اخاف لمسي لك يسبب لك العـوق يالله تعال من الولـه ودي اسمعـك = وسمعك من خاطري كم طـاروق يقطعك حب(ن)دمر الروح يقطعك = لاصار يجهل روعة الحس والذوق انت هنا في داخل القلـب مرتعـك = ولا غيرك من الناس حبيت مخلوق |
[table1="width:95%;"] | [/table1]متعب السميري صح بوحك ولاهنت تحياتي.. |
متعب
صح لساانك وبيض الله وجهك نبض فاخر يامتعب |
الله الله
صح لسانك على هذه الجميلة شاعرنا الرائع متعب السميري وحياااك بين أخوانك لكـ تحية تليق بك ودمت بالخير \ / \ العطــــاويه |
خيالها
صح تواجدك شكرا لمرورك يا سيدي تقبل مني كل الــــ ود |
فيصل فرج العتيبي
شكراً تواجدك هنا وصح بدنك يالغلا تقبل مني كل الــ ود |
الشاعر _ متعب السميري صح لسانك .. قصيده جزله من شاعر جزل وحياك الله أخي الكريم في منتداك .. وأسعدتنا بانضمامك معنا . وبـ انتظار إبداعك القادم .. تحياتي لك وتقديري . |
عذبه هذه القصيده يامتعب
ورقراقه رغم عنفوان عاطفتها صح السانك |
الشاعر _ متعب السميري
صح لسانك .. قصيده جزله من شاعر جزل وحياك الله أخي الكريم في منتداك |
متعب السميري...بيض الله وجهك
بانتظار جديدك.....تحياتــــــي |
الساعة الآن 04:10PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية