|
###جبان جبان جبان جبان وابن جبان######
زماني يا زماني يازماني=كفاني منك ماكان واتاني بليت بشح وقت وقل حاجه=ولا طلنا كثيرات الاماني عطيتك طيب فعل ولين جانب=وجاني منك ماساء ودهاني نشدتك عن وليفن كان غالي=بعد لازال لكنه اناني دعاني للوفا واقبلت وافي=رعيته حب وانكف ما رعاني ذكرت انك عليه سقت جاهه=وعطيتك رد شكري وامتناني وذكرت انك سفيره للموده=وثبت السفاره في كياني ذكرت الفعل كله ؟ لا تناسى=زماني ليش ؟ماجاني كفاني تبيني روح ما تملك كرامه ؟=تبيني اضحك ؟ وقلبي يعاني تبيني احني الهامه عشانه؟=وانا المذنب ولو ماكنت جاني؟ بوقت(ن) راح لو تذكر زماني=تذكر بعض وقفاتي عشاني تذكر يوم قابلته وقلبي=خفق بالنبض ينشد له جناني تذكر كلمتي عيني وكلي=تذكر كيف وقفت بمكاني تذكرت الطيور اللي تغني؟=تردد ما كتبته من اغاني تغني له واذا ما زان شعري=اصوغ الشعر لجله شكل ثاني تذكرت الغلا حزت لقانا=صداه يرد باطراف المحاني اناديله هلا ياروح قلبي=وهلا ياروح قلبي كم دعاني تذكر كيف وشوش لي بحكيه=باذاني زان وشواشه باذاني حشا لو كان يطلبني خفوقي=عطيته خافقي فوق اليداني ولكنه جزاني في حشايه=طعون الغدر في قلبي جزاني هجرني شمت العذال فيني=بدونه راح خلاني وشاني ندهته يا حبيبي يا غرامي=سمعني وادبر مقفي عصاني بدون ايات ذنب ولا خطيه=ندهته جف من ريقي لساني شرا غيري يضن الوقت يصفا=شرا غيري كذا عمد ونساني شرا غيري وانا اللي كنت بايع=جميع الخلق لجله ما شراني ضحكت وضحكتي كانت بقلبي=مثل جر الحبل فوق السواني سواني بير ناشف جف ماها=يبون الماي والباطن دفاني تذكرت انه بيرجع يجيني=يبي يرجع لو انه عاش هاني لان الغدر ما يصفي لربعه=طبوع الغدر دايم قلباني صدق ضني وعود من حبيبه=سقاه الغدر من كاسن سقاني جفاه وشان في وجهه كلامه=جفاه وذكره يومه جفاني تذكرني بعد ما بار خله=بصاف الدمع من عينه بكاني رجع لي رافع يدينه يبيني=يبيني ادري بقلبه يعاني احبه موت يدري بي ولكن=اشوم بعزتي وارفع مكاني دريت الحين ياخاين بقدري=دريت بصدق حبي في حناني دريت ان الزمن ما دوم يصفي=عطاك اللي قبل منك عطاني وزادك ذل واسقاك الاسيه=رفع عنك العزيز ولا بلاني وجيت الحين تطلبني اعود=تبيني ارجع لمركب هواني احبك؟ ايه احبك بس ابرحل=ابرحل واتركك تقرا بياني بيانن ما تدخل فيه قلبي=هديته باسي وربي هداني جبان اللي يعود لذل نفسه=جبان ونسل رعديدن جباني |
الله الله ابداع صح لسانك قصيده رائعه تشرفت بالمرور لا عدمتك تحياتي لك رهب |
احبـك؟ ايـه احبـك بـس ابرحـل ابـرحـل واتـركـك تـقـرا بيـانـي بيـانـن مــا تـدخـل فـيــه قـلـبـي هديـتـه بـاسـي وربــي هـدانـي جبـان اللـي يـعـود لــذل نفـسـه جبـان ونسـل رعديـدن جبـانـي الله الله الله الله الله مبدع وشاعر وتقبل فااااااائق تحياتي وتقديري طال عمرك صح لسانك اخوك عبدالرحمن الدوسري |
الغالي الشاعر علي خلف الدهمشي اسعدك الله بجميع اوقاتك بكل خير انشهد اني قريت شعر من الاعماق وكفو ومحشوم وانت حاشم نفسك بدون شهادة الغير انا امام قصيده انصاغت بصوره شعريه تفوق الوصف بتصويرك المتسلس حقا انت شاعر متمكن فزدنا مما عطاك الله من موهبه شعريه ناضجه وبابداع وما اقول الاصح لسانك وعلا شانك يالغالي تقبل تحياتي |
علي خلف الدهمشي صح لسانك قصيده جزله من شاعر جزل ومتمكن تغيب وتاتي بالشعر فـ أهلاً وسهلاً فيك وفى ماتحمله لنا فى كل مره من شعر وابداع بأنتظار قادمك ,, تحياتي لك |
علي الدهمشي
شاعر جزل ومافيك حيله دمت مبدع |
الشاعر / علي الدهمشي .
قصيده جزله من شاعر جزل . صح لسانك .. والله يعطيك العافيه . |
جزاله
وعملاقه صح الله قلبك وفكرك |
اقتباس:
|
اقتباس:
|
اقتباس:
سفير المعاني انت ايضا سفير الاخلاق والذوق الرفيع كلامك وسام اعتز به لاهنت على مرورك من هنا وتوقيعك اخي الغالي صح بدنك |
اقتباس:
|
اقتباس:
اخوي العزيز شاكر لك مرورك وثقتك صح بدنك ولاهنت |
اقتباس:
الجزل مرورك من هنا فلا تحرمنا منه اخي العزيز وصح بدنك |
اقتباس:
تسلم اخوي الغالي على مرورك من هنا واطرائك وسام صح بدنك |
رائع ما كتبه قلمك
صح لسانك ....تقبل مروري تحياتي لك |
قصيدك ياعلي آدمى شعوري=
وشعوري ياعلى أدمى حضوري وحضوري ياعلى للنص صدفه + وصدفه ياعلى آدمت نهوري الشاعر الكبير خلف علي إبداااااااااااااع إلى حد الإقلااااااااااااااع صح الله لسانك |
علي الدهمشي ماذا ابقيت لمن هم بعدك من قصيد افنيت الحرف واشبعت الذائفة يالدهمشي لله درك على هكذه جزاله بالرغم من طول النص الا ان القارئ يتمنى ان لا ينتهي صح لسانك ملايين ولا يسدن يا علي دمت شعرا يا شعر اخوك احمد المنتشري |
احبك؟ ايـه احبـك بـس ابرحـل
ابـرحـل واتـركـك تـقـرا بيـانـي بيـانـن مــا تـدخـل فـيـه قلـبـي هديـتـه بـاسـي وربــي هـدانـي جبـان اللـي يعـود لــذل نفـسـه جبـان ونسـل رعديـدن جبانـي ابوخلف الدهمشي صح أأأألسانك على القصيده الهلاليه الجزله لاعدمناك تحياتي |
| الساعة الآن 07:45AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية