|
الـشـمـوخ !!
الصدق مبدى والوفا نهج وسلوم = والنفس ماتجبّر على شي مكروه .والرُجل مايتبع .. رديين ورخوم = واليا تبعّهم؟ يغدي الدرب ويتوه ! الرجُل له مبدى وأساليب وهموم؟=ولاكل همٍ هز صدره يعرفوه ياصاحبي موقفك واضح ومفهوم = لا تحسبني ضايق البال ياهوه أنا ولد (قرناس) ماني ولد (بوم) = وأنا الذي لا جيت للناس حيوه أنا الوفا مبداي وجدودي قروم = ضلع المراجل بالمكارم تعلوه أحساسي أسمى والقدر شي مقسوم=مارجي سوى اللي كل خلقه ترجوه ماجيت أرد أعلوم ؟ وأدوّر أعلوم = أنا الشموخ اللي هل المجد سموه ياليتني من صدق الاحساس معدوم=ميت مشاعر . فاقد العقل . معتوه ماكان يجرحني صدى صوت مظلوم = في مُجتمع ضايع وغاوي ومشبوه لي نظرةٍ أرفع بها الراس وأشوم = عن الذي لا جاهم الضيف خلوّه ! ولي بصمةٍ بالشعر ماتقبل السوم = ماهزها حاسد وناقص ومسفوه ولي هقوةٍ يفرح بها كل زيزوم = لا طوّف الواجب رديً .. تناسوه ! أدري بحاله ؟ ماعلى عيني غيوم = قولة (هلا) عنده مثل قول (خيوّه) ماقلتها قصدي .. مشاريه .. وألوم؟=ألوم رجُلن عن مبأديه غروه ؟ أهل الردى والزيف والكذب والزوم = مالي عليهم يأهل العُرف مشروه صدري سماء وأهداف غاياتي نجوم = يابعُدهم عن منزلي لو تمنوه ترقابي أسلومي لو أطيح وأقوم = أرقى لها واللي على الارض خلوه إرتك على متنٍ يشّيلنه أعزوم = صميدعٍ لو أقرب الناس عادوه يعيش رأسٍ يعشق المجد ويدوم = رأسٍ يضد اللي بفعله تحدوه ولا عاش رأسٍ عن مبأديه منجوم = لا دار فنجال المواجيب عدُوه ؟ عدُوه للي بالصعيبات .. شغموم = حرن صفاته ماتشابه سوى أبوه هذاك (نايف) شوفته تبعد الحوم = نسل الحرار اللي على الطيب ربوه يشوش راسه لا أعتزى فيه مضيوم = سِمي (أبوي) ويفتخر يوم سموه . . . |
صح لسانك منصور قصيده شامخه ومليون نعم بك صح نبضك تحياتي لك رهب |
بيض الله وجهك
ونعم الرجل انت ونعم القصيد ما كتبت صح لسانك وزان حالك على كل حال لروحك من قلب ظل جل التقدير والاحترام دمت بخير ننتظر جديدك بشوق ياشامخ |
اقتباس:
الغالي الشاعر منصور الرويلي الله انه يسعدك ويوفقك بجميع الاوقات اسعدني مروري لمتصفحك ومصافحة هذه القصيده الشامخه حقا اجمل جميله ورائعه بما تحمله بطياتها من شموخ ونخوه واضحه صح لسانك مــــــــــــــــــــــدد بلا عــــــــــدد تقبل تحياتي |
...
صح لسانك يا منصور و لاهنت ابد قصيده رائعة بالفعل موفق |
رهب
هلا و غلا تشرفت بحضورك الراقي دمتي بخير |
أهل الردى والزيف والكذب والزوم = مالي عليهم يأهل العُرف مشروه صدري سماء وأهداف غاياتي نجوم = يابعُدهم عن منزلي لو تمنوه ترقابي أسلومي لو أطيح وأقوم = أرقى لها واللي على الارض خلوه لا يكتب بماء الذهب الا منصور الرويلي شاعر له عبقرية في ايصال الهدف والغاية يعرف كيف يضع النقاط على الحروف ويلجم زيف الاقنعة بقوة البيان والحجة هذه القصيدة ليست قصيدة مدح اعتقد لها افق اوسع وارحب فهي رسالة نيزكية تذهل المتذوق بتعدد الوانها واطيافها وامكانيتها الشعرية بك انعم واكرم ياشامخ |
صح لسانك منصور قصيده شامخه
|
ظل عابر
من طيب ذاتك وذائقتك دمت بخير |
ابو محمد
من طيب ذاتك تقديري |
ريف النشاما
وجهك ابيض يالغالي تقديري |
منصور الرويلي
صح لسانك ملايين يابن العم شامخة كشموخك الذي اعتدنا عليه دمت كما تحب0 |
حرف ووتر وعزف منفرد روعة غير مستغربة
لله درك سيد الشعر اجمل تحية وود وتقدير |
الفلاحي
لا هان راسك يابليهان دام شموخك |
صح لسانك اخوي منصور
حقيقه قصيدة تسطر بما الذهب |
فواز العتيبي
من طيب ذاتك وذائقتك دمت بخير |
صح لسانك ولا هنت
تحيتي وتقديري ترانيم المطر |
|
راعي العليا
شكراً على حضورك الراقي تقديري |
ياليتني من صدق الاحساس معدوم=ميت مشاعر . فاقد العقل . معتوه ماكان يجرحني صدى صوت مظلوم = في مُجتمع غاوي وهاوي ومشبوه . . |
راعي العليا
وجهك ابيض يالغالي تقديري |
أنا ولد (قرناس) ماني ولد (بوم) = وأنا الذي لا جيت للناس حيوه
ماجيت أرد أعلوم ؟ وأدوّر أعلوم = أنا الشموخ اللي هل المجد سموه |
منـــــــــــــــصور مبدع يامنصور والله مبدع يارويلي
جعل يدك والله سالمه تقبل مروري حفظك الله |
ماجيت أرد أعلوم ؟ وأدوّر أعلوم = أنا الشموخ اللي هل المجد سموه
|
صح لسانك
مبدع ورب الكعبة |
| الساعة الآن 12:26AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية