|
سلام ردية وفاء
سلام ردية وفاء تطلع مطاليع النجوم = مايختلف محراف شاعرها ولا موالها الليل ياشعار والادنى يسد لنا اللزوم = قال المثل مال الحمول الا ظهور جمالها |
الله الله
ياهلا والله بالزلامي مدام جيتك من عجل المزن بحموله يقــــــوم................... ...................يا مرحـــــــبا عـــــد الغيوم الساريه بحمالـها جيتك من الصلفه كما صقرٍ على صيده يحوم................... ...................صقرٍ عشق رووس الطوال العالــيه منزالــها |
الغاليين
الشاعرين صنداح الزلامي وريف النشاما يامال العافيه على هذه المحاوره الكايفه انعشتونا بهذا القسم الله يسلمكم فكلنا معكم وصفوفكم قايمه وناركم عامره واصلوا متابعينكم لاهنتوا |
اقتباس:
المهلي مايولي ياريف النشاما وصح الله لسااااانك على الرد الوافي يالوافي استلم ستلم طال عمرك
دام البقاء ياللي ترحب يا عسى عزك يدوم = والنار من شبابها والخيل من خيالها ان كان ونك فالبحور الهايجة تقدر تعوم = قود السفينه يابيض الشارب وشد حبالها |
الله الله
يعطيكم العافية بنتظار ريف النشاما |
اقتباس:
واسعدني ما وجدته هنا وحضورك شرف لنا وبيض الله وجهك يا القرم تحياتي |
على العين والراس يا الزلامي وجودك فخر لهذا المنتدى وصح لسانك ولاهنت واستلم يالقرم الضيف لامنه وصل يلفي على طيب وسلـــوم.................. .................. واسلومنا بالضيف ما يرخص تـــــــرى فنجـــالها النوخذه خاض البحر بشراع وإصرار وعــزوم.................. .................. ما خاف من كبر الخطر سترة نجـــــاته شالها |
اقتباس:
اسعدني جدا تواجدك و متابعتك ولاهنت |
طيب يا شعار..!!!
واصلو متابع لكم |
صنداح الزلامي+++ريف النشاما
صح السانك والسانه مبدعين فعلا وبانتظاركم ماسكين الصفوووف |
عبدالكريم الروقي :: خلف العاطفي
الله محييكم و يسعدنا متابعتكم . |
اقتباس:
الفخر وجود مثلك وشرواك ياريف النشاما وماعليك زود
مافيك شك وطيبكم معروف ياقروم القروم = والنار من قدحت شرارتها يزيد اشعالها والنوخذه خاض البحر والبحر في جوه غيوم = وام الكباير للمراجل يركضون عيالها |
اقتباس:
سفير المعاني لاهنت حضورك يعطي المحاورة جمالا اكثر يامال الغنيمة |
خلف العاطفي
صح الله بدنك مشكور على حضورك الطيب يالطيب |
عبد الكريم الروقي
هلابك يالغالي وصح الله بدنك وحضورك طيب يالطيب |
قاف القصيد
صح بدنك وهلابك معنا وشكرك على تابعتك للمحاورة وحضورك الجميل |
الزلامي صح السانك لاهنت اخوي ريف النشاما صح السانك وافي يالقرم لاهنتو على المحاوره الجزله من روس مطانيخ اشكركم جااااري المتاابعه |
عبد العزيز الشلوه
صح الله بدنك اخوي والف الف شكر لك على جمال تعبيرك وحضورك الجميل التي بالتاكيد انه يعطي المحاورة اظافة مهمة لها دمت بخيرحال اخي وخلك معنا |
[الله الله
استلم يالقرم من يقطع الغصن الخضرفي ذمتي اكبر ظـــلــوم.................... ....................و الشجـــره لا مــــاتت بقانا ننتفع بظــــــلالها ياقــو قــلب اللي قـــضى دنيـــاه بالطبع الغشوم.................... ....................وأم الكبــــاير يا الـــزلامــي لا يسـرك حالـــها |
اقتباس:
حضورك يسعدنا كثيرا تحياتي |
الليل الليل
واصل واصل ابدعتو ياشعارنا واصل واصل متابع تحياتي . |
اقتباس:
يامديرنا عقاب منور منور الصفحة وتسلم على حضورك ومتابعتك تحياتي |
ياقوم يابعد السما ء ياقوم ياكثر النجوم = وأقماريالشاعر على العالم تبث الرسالها تغير الوضع الحقيقي بين ليل وبين يوم = والمهرة اللي بيننا جاها الغبي وشتالها |
اقتباس:
::.:: البوم من صوته بغابة موحشه سموه بـــوم..................... .....................والمعضــــله في ســـاحة الملعب تجـر اذيالها ابحر ولا تنظر وراء يالنوخذه واحذر تنوم..................... .....................ما ضاع من عرف الطريقه و احتـمى بجبالها |
الله الله
صح لساك ايوالله
الليل ياريف النشاما الليل والوضع محسوم = كيفت من كلمة رجال المعرفه ودلالها وانا ترى ماني مبرر لك كذا تهجم هجوم = تذبح عباد الله وتتحمل ذنوب عيالها |
اقتباس:
اقتباس:
هههههههه خلوها يا حظ من رام المعالي وارتدى زين الهدوم........................ ........................والمعـــــرفه يابــــن الزلامي كلنا نرقى لها وماكل من شال الختم ياصاحبي يصبح ختوم........................ ........................وانته كما الشعله على راس العلم نشتالها |
ارق المعالي واخذ قسمك عند توزيع القسوم = ابدا لها بالريع يالريف النشاما ابدالها واهل الختوم اشكال وانته لاتلفت للرخوم = عليك بالعليا وذب من العلوم جزالها |
اسعدني جدا اللعب معك
وصح لسانك مدد بلا عدد ياصنداح الزلامي وهذا شرف لي اعتز فيه صنداح الزلامي شاعر معروف وله حضوره بين الشعار ولا انسى كل من عطر هذه المحاوره بحضوره ومتابعته بالشكر الجزيل تحياتي للجميع |
صح السانكم وعتلى شانكم
|
ماشاء الله
محاوره رائعه رائعه صحة افئدتكم وننتظر القادم |
يعطيكم ربي الف عافيه
رديات ومحاورات جميله جدااا |
| الساعة الآن 03:21AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية