صوت القوافي!!!
تلبيه لرغبة أخي العزيز سردار له / ولكم .. مني هذه المتواظعه آمل أن تحوز على بعض الرضاء
صوت القوافي يالأحاسيس يدعيك=ويجول مابين الحشاء والمحاني صادق شعوري ودك تبوح وأخفيك=من قبل ما اخسر بك مكاني/مكاني أحساسك ليا قال هالبيت يعنيك=تقراه وتعّود تبي بيت ثاني واليوم عطني ياالشعر مثل ما اعطيك=هات الحقيقه واعترف يالساني ان ما رماك الله محد ٍ براميك=الرب واحد واخر العمر فاني يامغّرق بحور القوافي بشاطيك=أنا المواني كان تبغى مواني خذني غلأ / حقك على كان ماارضيك=واصير لك عد ٍ رهي وسواني أنا مقيلك عن مهالك مضاميك=شّرعت لك صدري مضيف ومباني القلب بيتك والحنايا مراكيك=ودلال يغري هيلها الزعفراني ياملعثم حروف الحكي بين اشافيك=صوتك أغاني غير كل الأغاني يالمترف اللي ياسمينك يبارك=كريم بحضورك ولا أنت باأناني كنك لحالك والغواني حواليك=ما لك شبيه بمترفات الغواني الحرف لبسته زمرد باياديك=وانهل مرجانه بسحر البياني تفخر حروفه كل ماحل طاريك=ياملبس نحور المعاني معاني كان أولك بالحب يشبه لتاليك=يا أمنيه تسوى جميع الاماني أبطيت أسولف بك على البال وأطريك=وحاله من الصمت الرهيب تغشاني تكفى بوجه الحلم فك الشبابيك=ماهو عشان الحلم لكن عشاني تكبر بعيني كل ما جيت أبهديك=أصدق حروفي لا كتبتك عصاني وأهديت لك قلب ٍ عن الغير يكفيك=هذي الحقيقه واعترف لك لساني |
الغالي الشاعر ابو فيصل اهلا والف مرحبابك وكل عام وانت بالف خير اسعدني كثيرا ان اكون اول المصافحين لهذه القصيده الفاخره و الاجمل من جميله وما اروع حروفها الذهبيه واقولك كفو ومن كتبت عزالله انك بجد اعطيته حقه بما يرضيه ويسعده واشهد بالله شهادة حق انك شاعر جزل ومبدع فلا تحرمنا وصح لسانك وعلا شانك مليون ولا يكفون وتقبل تحياتي |
صح كلك
يابو فيصل |
تــكــفــى بـــوجـــه الــحــلـــم فـــــــك الـشـبـابــيــك مــاهـــو عــشـــان الــحــلــم لـــكـــن عــشــانــي أبو فيصل مبدع بالشعر أينما ثبت به وتد صح بوحك ألف مما يعدون تحياتي وتقديري لك |
ابوفيصل صح السانك ..بحق شاعر جزل ولاتجيب الا جزل أحساسك ليـا قـال هالبيـت يعنيـك ......تقـراه وتعّـود تبـي بيـت ثـانـي وانت كذلك نقرى ونرجع نقرى لنستمتع صح السانك يابو فيصل ومشكووور اللي طلبها |
صح لسانك يا بو فيصل ولا هنت
|
صح لسانك لين ترضى
ولله درك يابو فيصل لك الود والتقدير |
الله الله مبدع يا أبوفيصل وشاعر متمكّن ..
يُقآل : إذا الشعر لم يهززك عند سماعه ،،،،،، فليس حريٌ أن يقال له شعر ... أطربتنا بأبياتك وأمتعتنا أمتعك الله بالصحه |
ابو فيصل حياك اخوي تشرفت بمصافحة
هذه الرائعه سلمت عليه وسلم حضورك وصح الساانك ولاهنت تقبل مروري المتواضع امام هذه الرائعه بروعة حضورك ولاتحرمنا جديدك شا ا ا عر ربعه |
هـذي الحـقـيـقـة واعـتـرف لـك لـسـانـي00 يا سلام00 جميل هو بوحك , وراقـي هو شعورك.. لماذا لا يجود الشعر لأمثالك , وانت من أغريته بالجمال00 صح لسانك ابو فيصل00 مع التحية00 |
الله الله الله يا ابوفيصل
حضورك شعر ولشعرك قامه بلغت أعلى حدً للأبداع والله قرأتها ثلاث ومن جمال مازلت أ تمتع بكل معنى بها عجزت أن أحدد بيت داعب أحساسي فكل شطر كان عن قصيدة ليست مجامله فأنت أكبر من ذلك ولكن تعبير عن شكر لما طرحت ونقولك كالمعتاد صح لسانك لأنك في الشعر لك نهكه متفرده ... تقبل مروري ودمت بخير ... |
:: صح لسانك وتسلم يمناك ابيآت في قمه الروووعه.. دآم منطوقك ونزف قلمك:r: لاخلا منك نحترى جديدك الاروع آحتــــرآمــــي..~ |
استاذنا القدير
دهش العواجي " ابو فيصل " صح لسانك وعلا شانك افتقدنا لحرفك وسمو اخلاقك وابداع نبض اثريتنا بهذه القصيدة الغنية عن الكلام والشرح صح لسانك واحساسك تقبل مروري |
شكرا للشعر ان اعادك يا ابا فيصل
صح لسانك بعدد الابجدية |
يامغّرق بحـور القوافـي بشاطيـك
أنـا الموانـي كـان تبغـى موانـي خذني غلأ / حقك على كان ماارضيك واصير لك عـد ٍ رهـي وسوانـي أنا مقيلـك عـن مهالـك مضاميـك شّرعت لك صدري مضيف ومبانـي القلـب بيتـك والحنايـا مراكـيـك ودلال يغـري هيلهـا الزعفـرانـي دائماً تدخل القلب بسهولة في عذوبتك وروحك وشموخ نزفك اخي القدير ابو فيصل صح لسانك ولله درك من شاعر عملاق عذب مع اجمل تحياتي وتقديري |
الساعة الآن 09:25PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية