|
مـــــــ///ــــــــــــــــــــاالخيــــــــــــــــــــــــر
اخبارك ان شاء الله بخير والله مدري وين احط موضوعي هذا لان الاقسام متغيره علي قلت ما فيه غير ها القسم العامر انا اليوم ياطولين العمار لقيت كل المتواجدين اسماء مستعاره بس انا باسمي الصريح وقلت ياولد خلك مثل الناس وغيّر واحترت وش احط اسمي مره اقول (الذئب الاحمر) مره اقول (القبضان:d) مدري والله المهم اني لازم اغير اسمي وش رايكم تساعدوني |
هلا بزايد الدغماااااااني لا لا تغيره عرفنااااك بزاااايد الدغماني وأبو فااارس المهم المضمون مو الاسم :yasser: يا طويل العمر واذا على أقساام المنتدى تبيني أخذك بجوله تعرفيه تأمر ولا يهمك أفرفر فيك بقسام المنتدى على فكره فيه خيول للآيجااار :d وعربه يعني لا تشيل هم ما راح تتعب أقول فرصة هااات عياالك يتونسون بالفرفره اليوم خميس .:sm5: سعدنااا بمواضيعك الله يسعدك يااارب |
سبحن الله محدٍ يعجبه العجب ولاصيام رجب
انا اقول ياولد ليه داخل باسم مستعار ليه ماتدخل باسمك مثل زايد الدغماني و و و الخ ثاريك انت العكس يازايد لكن اولا واخيرا لايصح الا الصحيح واهم شي المضمون :thumb: والاشخاص بافعالها وليست باسمائها واما عني انا صراحه حبيت اسم زايد اخاف تغيره واكرهك :(1 ع فكره ترا اذا غيرت اسمك بيصير فكرة قصيده عندي << ماقال انو يبي يهجوك طبعاً :d تحياتي,, |
اقتباس:
خخخخخخخخ الله يسعد ايامك يازمان العجايب والله ياخوك انك صايره تعامليني معامله حسنه خخخخخخ والله انا بصراحه ضد الاسماء المستعاره الرجال طبعاً لان النساء مسموح لهن وضروري اما الرجال اشوف انه ماله داعي بس انا شفت الرصه اليوم وقلت خلك مع الناس لكن بطلنا خلاص اما التمشيه لازم والله الا على فكره وين القسم الاسلامي وش فيكم شايلينه والله ضروري انا الواحد يستفيد وتعرفون بعد الايام هذي الفتواي مدهره خخخخخ |
اقتباس:
مادام انك معزم على تغييراسمك وتبي المساعدة . عندي لك اسم يحبه قلبك . خذ عندك .. طـــــــــــــــــــــــــرزان اخوك .. مخلص |
اقتباس:
خيالها عدل يارجااااااااااال انت شاعر وعلومك والله ترفع الراس وفخر ومدام الدعوه فيها هجاء نمسك الارض خخخخخ ماني معدل اذكر صديقي ريف النشاما كل اسبوع يعدل بس مسك اخر اسم له غريبه شكرا لمرورك الجميل |
اقتباس:
طرزان :nono: مستحيل لا يمكن لان الوالد مسجل بمنتدى واسمه المستعار طرزان وخايف نتلخبط با المواضيع ويلطش قصايدي |
اخوي زايد
الله يخلي لك الوالد ان شاء الله والشبل من ذاك الأسد واذا كان الوالد يحمل نفس الأسم خلي اسمك .. طرزان الصغير مودتي |
خخخخخخخخخخخ
طرزان الصغير والله انه افضل من الذئب الاسود خلاص ابي اعدل انا اشهد انك مخلص يامخلص |
لالالا
لاااااااااااااااااااااااااااااا تغيرهـ كلن اسمه يدل ع شخصيته وانت اسمك زايد احلى من الذئب والقبضان >>القبضان هذا احسك من سجن ابو غريب |
ههههههههههههههههه
اللحين يابو فارس توك تغير اسمك من زمان اقلك غيره لكن ماطاوعتني خخخخخخخ ابوفارس كان ودك تروح قصايدكعند فلان وافلان غير اسمك و راح تصبح مستوي للسرقه خلك يا ابو فارس على اسمك و لا تغير نصيحه اخو |
اقتباس:
كلك ذوق وعسل وشهادة اعتز بها وان كان الدعوى فيها لطش قصايد من ضعاف النفوس فخلك على اسمك الحقيقي مثل ماقال اخونا الشاعر ريف النشاما . لأن فيه ناس تسرق الكحل من العين ! مودتي |
هلا بك وحياك يابو فارس
لاشدعوه لا تغير اسمك عرفناك زايد جعلك زايد في كل خير ان شاء الله خلك على اسمك افضلك خصوصا انت شاعر معرووف باسمك الحقيقي ولا باسم مستعار كذا تشتت جمهورك ياشاعرنا وسلامتك |
أخوي زايد الدغماني ومسيت برضى بداية أخوي استبيحك العذر في ابداء رأيي واتمنى يكون خفيف كالقسم الذي اخترته لطرح موضوعك بصراحةانا اغبط الأعضاء الذكور الذين يكتبون بأسمائهم الصريحة فهو يحتفظ بكينونته كاملة خارج وداخل المنتدى مع احترامه لحقوقه وهذي ميزة اتوقع اني محرومة منها داخل مجتمعنا..وان لم اكن شاعرة ووالله لو كنت رجلا ماكتبت بغير اسمي فهنيئا لك ابوي فارس وأنا دائما اتسائل لماذا يوجد شعراء كبار خلف اسم مستعار؟؟ تقبل مروري ودمت بحفظ الله |
| الساعة الآن 12:32AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية