كنت عايش دون عالم منعزل حولي عذابي= وكل معنى للمحبة جوف عيني كالسراب
عن نهار الناس مبعد لين ملوا من غيابي =عاشق ٍ سود الليالي دامها لهمي حجاب
كنت دار ٍ لتعاسة والحزن حارس لبابي = كنت صورة لليتاما ترجمة طفل ٍ وشاب
طفل شايب لجل همه فاقد ٍ عقله يبابي=عايش ٍ في جوف ضعف ٍ ماعرف وقت الشباب
كالمدينة كان حالي حالها بيّن صوابي = ميت بموت الاوادم لانبات ولاسحاب
كنت شيخ بلا قبيلة لا وطن ضايع صوابي = مبعديني لا خطيه لي فعول ٍ ماتعاب
كنت مظلوم ٍ بسجنه لين ضاقت بي ثيابي =البراءة حلم ميت والحكم قطع الرقاب
وجيت نور لكل ظلمة كاشف الوضع الضبابي = طارد ٍ هم ٍ بقلبي اعتلا مثل الهضاب
جيت بلسم للمواجع لسكوت اللي سرابي = صرت صوت الفرح فيه لين غنا بك وطاب
جيت مولد للبطولة مولد لعشق ٍ غدابي=لين صرت الحرف وانته موطني صرت الكتاب
صرت كلي يوم تقبل انتهض قولي هلابي =مرحبا بك جوف خالد يابدر ليلك نقاب
صرت نصري في معارك دمرتني بأكتئابي = صرت بسمة كل ثورة جات حق ٍ في انقلاب
اشهد انك بعد صبري جيت ورد ٍ في ترابي = جيت تحيي وابحياتك انكسر موتي وخاب
واشهد اني بعد حبك انتهى الهم وعذابي =جيت تعلنها بصراحة كل صبر وله ثواب