|
مجلس شايب زمانه
اليوم هو الافتتاح الرسمي لمجلس شايب زمانه
ومحضر من الظهر ومجهزه القهوه بجميع اشكالها ومحضر قدوع من أفخر الأنواع وجالس ينتظر تشريفكم لحضور حفل الافتتاح ورجاء لااحد يجي ويده فاضيه يعني كل واحد يجيب له حاجه بيده وهو جاي عشان ماتخسرون عمكم الشويب خصوصا وان ميزانيته لك عليها. شب النار يعصمان وازبط الكيف وانت يشاجان أنقز حضر لنا العشاء وانا عمك اليوم بنعشيهم على شان الافتتاح والجايات كلٍ يجيب عشاه معه والا كل يوم على واحد المهم تهون.. . . يالله انت ربي تحييهم في مجلس(ن) ماقفل بابه وعصمان واقف يقهويهم وشاجان جاب العشاء جابه مليون ترحيبةٍ فيهم ترحيبةٍ خوش ترحابه . . تحيه لكم بمناسبة الافتتاح وان شاء الله تشاركونا فرحتنا وتسمعونا قصايد بالافتتاح مع تحيات شايب زمانه |
شايب زمانه يناديهم في مجلسه فاتل اشنابه ياالله ياربي تخليهم عصمان وشاجان واصحابه |
اقتباس:
في مجلس ٍ أنت أولى به وبالشعر حنا نجاريهم وبالملعبة حروف تتشابه الشايب أنت وأنا فيهم طايش وجيت أتعزوا به >>> بـ مجلسك يا سيدي إش فيهم..؟ شاجان والعصمي تهقوا به مابين أخذ أو أعطيهم الشعر منهوب ٍ نهابه طايـــــــــــــــــــــــــــــــــــــش ..!!! |
شايب زمانه يناديهم في مجلسه فاتل اشنابه ياالله ياربي تخليهم عصمان وشاجان واصحابه تجمعو عند مغليهم شايب زمانه مع احبابه متشابهاتن اساميهم والعود من جاه هلابه |
اقتباس:
وفي غيبة الشايب أصحابه طايش زمانه يكفيهم مخبور ميه من ترابه ..! |
يارب بارك لنا فيهم
واحفظ لنا البيت لأحبابه باسم المحبة نلاقيهم ومحدٍ لأحد عنده طلابه عبدالعزيز و طايش زمانه الله يمسيكم بالخير وشكراً لحضوركم المشرف دمتم بود ودامت شاعريتكم بهكذا ابداع واسمحولي ان ادعو صديقي واستاذي شاعر زمانه ليكتمل الجمال الذي نبحث عنه جميعاً اخوكم/ شايب زمانه |
اقتباس:
جينا نشارك اماسيهم وشوفها صارت اطلابه ان جيتهم ماانت لاقيهم عزيمة العود كذابه فاضي شغل قلت اجاريهم شاعر ويدرس من كتابه |
اقتباس:
|
اقتباس:
والحين يا فاضي طلابه مقفين وينوي يلاقيهم وإلى أقبلوا تقفي ركابه وتلميذ شعري يعزيهم في جية ٍ سينها .. إجابة تعدل ردودك وتلغيهم وترجع الحق لأصحابه |
الله يمسيكم بالخير
ظروفي غيبتني عن المجلس وجيت ولقيت مابه احد حتى العمال هاربين يالله دخيلك عن اذنكم شوي بروح اسوي قصيده وجايكم زين .. |
الله دخلك
عمكم هالشويب كل مايغيب مااحد يسأل عنه ماتدرون هو بالمستشفى والا مع النياق والا وشصار فيه يجماعة الخير مرو على مجلسكم ترى المجلس مهو بلي لحالي المجلس للجميع واللي عنده سالفه والا قصيدة والا يكتب لنا وشسصار معه اليوم يعني يسلينا بأي شي يختاره لنا ونبي نشب الضو من جديد ولانسمح لأحد بالغياب |
صبحك الله بالخير يا عم وشلونك الله يسلمك.. قلت امر عليك قبل الصلاة وجبت لك هذي الاغراض ماهي شي الله يطول بعمرك لكن ابيك توعدنا انت والعيال كلهم ؟ http://up5.m5zn.com/photos/00015/jo1ngskx8hgs.jpg http://up5.m5zn.com/photos/00015/p0rh84qnzk2q.jpg http://up5.m5zn.com/photos/00015/kaf5p06u4a1d.jpg http://up5.m5zn.com/photos/00015/v6fznzti660h.jpg |
سامحني يا عم ما عرفت ارفع الصور :( |
السلام عليكم ماشاءالله مجلس ودلال وعلوم رجال الا ابشر ياشايب زمانه وهذي قعده لين الصبح وبنتواصل معك في هذا المجلس ونسير عليك كل ماكان لدينا وقت للهرجة تحياتي لك |
اقتباس:
بانتظار تشريفكم لمجلسنا طال عمرك وابرك الساعات وانا عمك اللي نشوفك فيها بالمجلس |
| الساعة الآن 01:10AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية