|
في محل السدارى
بعد نهاية فترة الضيافة اللي ماقصرتوا فيها أقرب شاعر يحتزم :
في محل السدارى والسدارى كرام=مرحبا ردة ٍ تنبض بحب ووفا نادوا الشاعر إللي وقفته باحترام=وإن دخل حومة الهيجاء ظهر ما اختفا |
في محل السداري طيبين المقام = البقا يوم ستر الله وخيره ضفا جاك شاعر يمشيهــا بحسب النظام = ينقد الحرف مثل الما بنقع الصفا |
[table1="width:95%;"] | [/table1]الله الله الله الله بداية محراف قوي متابع بقوه قوهم قوهم |
اقتباس:
الله الله ياتراحيب خلووووووووووووووها
يا(تراحيب) دام إن كل حاجه تمام=الله يبطي بساعات الندم والجفا ويش جابك من (الصمان) لأم الحمام=الرواعب بعال طويق وارضه حفا |
الله الله ياالفحل
خلووووووووووووووها نجد كله بلادى مثل باق الحشام = لوتهب الصبا والا تهب الشفا وانت كنك موكل عن جميع الانام = احسب حساب نورك لاولع وانطفا |
هلا يااعقااب ومتااابعتك نوماااس
|
ماشاء الله
الله الله عليكم دوسر الفحل تراااحيب شعاراء رائعين متابع بقوه لحن جميل جدا ياسلااااام عليكم |
عقاب & زايد متابعتكم تزيدنا وهجا كل الحب لحضوركم الكريم خلووووووووووووووووووووها |
اقتباس:
نجد محدن ملكها يوم ضرب الحسام=وانت مالك بها إلا دار ابوك وكفا زاد لفح السموم وقرب وقت الصرام=انتبه لاتحسب الوقت برد ودفا |
انت ذا الليل كنك من طيور الظلام = كنك اللى عطا البيعه وعقب انكفا كان خلص فشقك اللى بوسط الحزام = منك حضرة تراحيب اكتفا اوعفا |
الله الله
فتل ونقض على مستوى << متابع |
اقتباس:
بين فجر الحقيقة بين ليل الحلام=ضاعت علوم بعض الخلق والعذر: أفا دام ضرب الجنايز ياعميلي حرام=الفحل منك قام وعقب ضربك غفا |
ياسلام عليكم شعراء مبدعين الله يعطيكم العافيه متعتونا
ذكرني بصراحه اخونا -الدوسري ببيت للشاعرالكبير-حبيب العازمي مرحبا يالسدارى ياخوال الملوك في حلة عتيبه الهيلا خوال النبي |
اثر وضعك معى ماهو على مايرام =من يليقيك وجهه لاتلقي القفا انت كنك فحل عنتر بليا خطام = راح يبغا الغناه وبالفشيله لفا |
محاوره جميله جداً
تقبلو مروري |
ماجد العتيبي
هلا وغلا |
الجميل مرورك يالكااسر
|
هههههههه
الله عليكم شعراء متابعين للجميع وانا مع تراحيب ولا يهووون دوسر |
انا مع الجميع تراحيب شاعرنا وخوينا القديم وعتبانين على غيابه عنا ولكن يشفع له الابداع وروعة الحضور متى ما حضر دوسر ضيفنا وشاعر له حضور قوي فـ أهلاً به وجميعهم شعراء اكبار أستمتعنا كثيراً بمتابعتهم اعتقد الى هنا : أنتهى المعنى نتمنى ان نستمتع معهم بمحاوره جديده تحيااااتي للجميع:r: |
عتابك على العين والراس يا ابوفيصل
وان شاء الله نكون متواجدين ونقدم الميسور وصح لساانك يادوسر الفحل وبيض الله وجهك وتنومست باللعب معك |
صح لسانك يادوسر
وصح لسانك ياتراحيب وياتراحيب من طول الغيبات جاب الغنايم الحمد لله على السلامه محاوره رائعه تحياتي |
هلا وغلا يااريااض
وعاش من شاافك يالقرم ولاخلا ولاعدم هالمشااعر الطيبه وراعيها |
اقتباس:
صح بدنك ياتراحيب أنا المتشرف باللعب مع مثلك واستفدت منك الكثير الجميع مشكورين على مروركم اللي اسعدنا وآسف على التأخر بسبب ظروف السفر |
شاعرين رائعين بحق
تحايا |
الشاعرين دوسر الفحل وتراحيب محاوره من اجمل المحاورات بها فتل ونقض بين شاعرين متمكنين ونتمنى ان نراهم مرة اخرى ونكون مطلعين فاتتنا هذه بساعتها ولحقنا عليها بعد انفضاض المحاوره ونهايتها الف شكر لكما تقبلوا تحياتي |
عساكم سالمين جميعا دمتوا بود |
| الساعة الآن 08:44PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية