مواقف وقصص مزعجه و مضحكه ومحزنه شاركوا فيها
السلام عليكم كل منا مر عليه خلال العمر يوم موقف مضحك وموقف مزعج كل من مر من هنا يقول لنا عن الموقف اللي مرت عليه احضروا كل يوم واسدحوا مواقفكم وقصصكم هنيا ودمتم بخير |
ازعجني اليوم حارس العماره الجديد دق علي جرس وقال تعال شوف واذا لموزين صادم سيارة احد السكان فكرها تبعي وضاعت علي النومه هذا في الصبح وقبل شوي ضحكني ضيف عندي اراد ان يعتمر وراح يتروش وصكيت المحبس من المطبخ بعد ما تورط وكله صابون وصار يصيح المويه وقفت تكفى عطني مويه من موية الصحه قلت خلصت ما فيه الا اللي ببريق الشاهي قال هاته تكفى اغسل وجهي قلت له يفوح صار يطلب الله ان يفرج له وفتحت المحبس هلل قال قبل الله مني صبت المويه وسلامتكم |
الغالي سفير المعاني مرورك لقسمي يشرفني طال عمرك ومشاركاتك تسعدني والله ومبدع ورائع بمعنى الكلمة الله يسعدك وبقول لك انكان بجيك ماني جايك الا عقب العمره هههههههه لي عودة |
هههههههههههههههههههه
حلوه كلهاا بس الأولى تقهر >>تقول في نفسهاا لو صارت لهاا بكت أماا الثاانيه آآآآه منك ياسفيرناا كل هذاا يطلع منك>>فااطسه ضحك مالقيت الأ بهاا الموقف تزنقه >> يااخوفي تسوي فيناا مقلب بعد الله يعطيك العاافيه والموضوع حلو وخفيف ظل الموااقف كثيره بس بعضهاا محرجه ههههههههه لي عوده للموضوع مره أخرى .... تحيــــــــــــااتي وتقديري ... إمــــرأه حــــره |
هههههههههههههههه مشاءالله عليكم والله عندكم سعت صدر ونكت وعلوم طيبه تقصدون اني ماادل بالمنتدى اول مره اشوف هالمتصفحات من جد شي مضحك ههههههههههههههه |
يابعدي يالدحمي هو اللي ارسل لي الرابط البارح كله حلا ابو داحم |
البارح ياعاشق وتوك تجس اليوم اقول يلا على قولة ابوي سفير المعاني اسدح لنا موقفين هنا ذلحين يلا هههههههههههههه |
ههههههههههههههههه لا لا لا مو مصدقه هذا يطلع منك سفيرنا من جد صار لازم نفتح عيونا دامك صاحب مقالب بس لو أنا مكانك ويصحيني من النوم كذا ماأمسي بالحي كله مو العمارة الله يسعدك على الموضوع النااااايس وتحياتي لكل من مر هنــــــــا \ / \ العطـــــــــــاويه |
سلام اليوم ازعجني ضيفي قام وطفى الطبلون حق الكهرباء راح وبخشش للحارس وراه العداد وطفوه وزعلت لانني اكتب وطفى الكمبيوتر والثلاجه والمكيف واضحكني يوم عرفت انه مقلب من الضيف رد على مقلبي له امس وحده بوحده والقلوب صحاح وسلامتكم |
سلام
قبل شوي اختي تقول امس رحنا لحفله ليه ماجيتي؟ وانا اشوف امي مدهرة قلت لها احد علمنى ان فيه حفله وانا قلت لا !! لان غالبا انا مو اي جمعه اروح لها والظاهر غسلوا يدهم مني ههههههههههههههههههههه |
اقتباس:
|
ابو محمد
والله الرجال خاف من المويه تنقطع ولا يتروش هههههههههههه واكيد هذا شي دين لك عند ضيفك واشوف ان ضيفك يعني رجل وفي للدين ههههههههههههه كل الود |
موقف اليوم زعل وضحكه بنفس الوقت في تمام الساعه الخامسه شبيت الغاز على ابريق الشاهي ورجعت ووجدت احد الاصدقاء عمل لي ندى مكالمه مسنجريه قبلت وصرنا نتكلم وخذت انا وياه حوالي ساعه نتكلم وانا اشتغل بالمنتدى ونسيت براد الشاهي المهم واذكر البريق والقاه محترق اسود احمر انتهى الماء اللي فيه وازعل على نسياني طفيته الله يخلف علي البريق انعدم ورجعت لصاحبي وقلت له شفت بغيت احرق البيت وهو يزعق الزعقه اللي سمعوها الجيران وراح بصراحه خفت عليه الرجال ترك الكمبيوتر وانا ما كملت له اللي صار واتصلت عليه تلفونيا ورد وهو يقول شفت يا ابو محمد البيت كله بغى يحترق شبيت على الاكل ونسيت وانا اكلمك قلت الحمدلله على السلامه كلنا بالهوى سوا وهو يستوعب قصتي ونضحك ضحك هو على بريقي وانا على قدره ونحمد الله على السلامه واذا سلم العود الحال تعود وهالحين انتظر المحلات تفتح اشتري ابريق وهو ينتظر يشتري قدر يطبخ ثاني مره وسلامتكم |
ابونا سفير
الحمدالله ماصابك شي والله يخليك لنا والمره الثانيه حط عندك منبه حتى ماتنسى مره ثانيه الله يسعدك على الفكره الحلوه تقديري |
هلا وغلا باخواني واخواتي الغالي عبدالرحمن الغاليه امرأه حره الغالي عاشق الغاليه العطاويه الغاليه رسيس الغاليه النادره اشكركم جميعا على حضوركم وتعليقاتكم وكان بودي انكم شاركتم بمواقف مرت عليكم ما تتركوني لحالي انا اللي اكتب بس الموضوع للجميع اتمنى مشاركاتكم بما لديكم الدعوى سعة صدر وتنفيس عن النفس ودمتم تحياتي |
هلابكم احبابي اليوم الموقفين تختلف بالمره انا البارح جالس وكسلان مره اقوم اصلح لي عشى قلت يالله انام احسن هذا الساعه العاشره الا وجرس الشقه يضرب فتحت الباب الا وليد عمره سبع سنين حامل معه حافظه قال هذا من امي قلت شكرا لكم والله وانا اجلس ابا اتعشى اضحك هل ربي يحبني لهذا الحد الا والجرس يضرب فتحت الباب والا الولد يقول الاكل لجيرانا هاته توني فاتشه ابا اسمي زعلت وقلت الله غني والله واقوم واطبخ طبخه دسمه وارسل لهم مع الحارس من الاكل يوم هقيت انهم فتشوه وارسل الحارس ثانيه قلت قل غلطان هذا للحراس هاتوه ويجيني ابوهم قال وش هالحركه قلت رح اسأل زوجتك وتعال اقول لك راح وما رجع الى الآن وسلامتكم |
مشكور سفير المعاني.....على الموضوع الجميل وعلى المواقف الحلوه ههههههههههه
ولي عوده بقصه طريفه حدثت لي تحياتي لك............................ |
هلا وغلا بسعود الدوسري الله يحلي ايامك ونحن بانتظار حظورك ومشتاقين للموقف ودمت بخير تحياتي |
السلام عليكم البارح زهم علي احد الاصدقاء بالرياض قال انا متوجه الى جده اخذت كرت الصعود والوصول الساعه السابعه مساء قلت خلاص تلاقيني قدامك ومن الساعه ست ونص وانا بالمطار واقف عند الاستقبال وانتظره لمدة ساعه وازهم عليه تلفونه مقفل وازعل وارجع للشقه وبعد ما وصلت بنص ساعه الا ويجيني تلفون لا اعرفه قلت ارد او ما ارد المهم رديت واذا هو اخينا قلت واينك ما جيت لجده قال خلها على الله يا اخوك سرقة شنطتي والتلفون بوسطها وكنسلت الرحله ورحت ابلغ الشرطه والله يعقلها علي فيها مستندات واوراق مهمه ادع ان الشرطه تلقا الحرامي قلت اللهم امين ويزهم علي بعد ساعتين قال ابشرك لقوا الشنطه فيها المستندات والاوراق والتلفون والفلوس والعطر والسبحه يخلفها الله قلت له الحمدلله على العقلان عاد واضحك على اللي صار له يوم الله رد اوراقه قال ايه تضحك قلت وراي ما اضحك وانت لاطعني بالمطار ما بلغتني الا بعد مارجعت قال لك الحق ومايلحق قلت كفو وسلامتكم |
يعطيك العافيه ...سفير المعاني ع الموقف
اجل نقعت في المطار تنتظرهههههههههههههه |
|
الوالدالفاضل سفيرالمعاني
مواقفك فيها الكثيرمن الفائده هههههههههههه ابقولكم موقف على الطايرولي عوده عندنا بنيه صغيرونه تمشي ماشاءالله ماكملت سنه صغيرونه حيل اضن ماتنشاف الابمجهرخخخخخخخخ يوم جاء ذاك اليوم ونفقدها وندورعليهابكل مكان والمشكله ماتطول الباب الخارجي يعني وين بتختفي اكيدفي البيت واناخبارتها تحوم حوال التلفزيون دايم واشوف الشي من وراء الزجاح ماهوارنب ولاانسان الاوهي داخله بدرج المكتبه الي تحت التلفزيون هههههههههه وعويناتها تبلبص وتوزع ابتسامات مادري اضربها ولا ابكي يوم شفتها جاني شعور غريب قلبي تقطع ولاقلت لها شي اصلن ماراح تفهم علي حتى كلام ماتعرف خخخخخخخخخخ الله يهديهامن الحين شقاوه قريبا احط لكم صورتهاهههههههههه |
مشكور اخوي سعود على المشاركه بس ما تكفي منك نبي موقف مزعج ومضحك يوميا منك اكيد تمر يوميا بمضحك و بمزعج و الف الف شكر لك هلا وغلا بشموخ نجد الله يخلي لكم ام عوينات وحقيقه القصه بها المزعج فقدانها والمضحك وجودها بالدرج وهي توزع الابتسامات الله يصلحها شقيه الف الف شكرلك |
اقتباس:
وتصير أصغر عضوة :d الله يحفظها لكم :03: |
سلام عليكم امس بعد الظهر زهم علي صديق غالي علي وقال لي انا بجده جنب فندق الدار البيضاء والفندق بجنبي اروح له على رجولي يبعد خمسمائة متر قلت جايك انتظرني قال لازم انتظرك انا جاي لمن قلت بس مسافة الطريق وانا عندك واروح جنب الفندق ولا القاه وازهم عليه قلت يا اخوي ما انت جنب الفندق تدرون وش قال قال تعيش وتاكل غيرها على طول قلت الله يبشرك بالخير اشوى انك تلعب قال ليه قلت لانني ابا اجي الليله للرياض ولو انت جيت كنسلت رحلتي ومش مهم لكن شاري لي ثلاجات ومعبيها سمك وجنبري وتبي تخرب لكن سوف ارسل لك منها اذا وصلت قال انا ابطلع لك قلت له لالالا السواق قال معليش من شان اخذ ثلاجه ما هو ترسلي كيلو ما يسوى قلت ابد اقعد ببيتك ويجيك قال ابد انا فاضي ولا عندي شي اليوم الا انت قلت الوصول الساعه الواحده والنصف قال ما عليك وارجع البيت واحجز على الرحله والقاها فاضيه قلت ابا ازهم عليه واقول تاكد من الحجز لي انا ما اعرف هل هو الحجز مؤكد زهم علي بعد نصف ساعه قال الحجز مؤكد واقوم بعد ساعه والغي الحجز على شان غيري محتاج يلقا مقعد خلاص الرجال تاكد من الرحله وعطاني رقمها يوم جت الساعه ثنتين ويزهم علي قال ياخوي ما جيت قلت له تعيش وتاكل غيرها ويصك السماعه والله يقدرني على ارضاه زعل علي ميه بالميه وسلامتكم |
أنا في منتدى
وحطيت هالتوقيع ^ ^ ^ ^ ^ http://up.qatarw.com/get-3-2009-uknhstnj.gif ههههههههههههه ووحدة من البنات بغت تقط اللاب توب تحسبه صدددددق |
هههههههههههههههههههههههههههههههههههههههههههههههههه هههههههههههههههههههههههههههههههه رسيس جالسه ااهشها افكرها من عندي واقفه على الشاشه
عندي مو اقف مزعجه رفعت ضغطي برجع واقولها تحياتي للكل |
كنت امسافر الي دبي....عندي شغل بالطائره يومين والثالث راجع دوحه دبي دبي دوحه..........
وصلت مطار دبي.....استأجرت سياره من المطار.....وسكنت اول يوم في الشارقه.....وخلصت اشغالي فبها بعد ادواره وعندهم زحمه يالطيف......المهم في اليوم الثاني قررت اذهب الي دبي عندي اشغال هناك.......وصلت على دبي الرابعه عصرا.....ابحث عن فندق غير البحث عن طريق الجوال وكلهم قالو فل علشان عندهم مهرجان.................. المهم قالي واحد .......فيه عماره فندقيه نظام شقق جديده.....بتحصل عندهم.......والله ما قصر وصلني لهم وبعدين دخلت على الرسبشن....وقلت ابي شقه وقالو مفيش مشكله.....لكن نصف ساعه نعمل لها تنظيف....علشان فيه ناس طالعين منها ......قلت اوكي.....بس ابي اشوفها...من الداخل وراح معي واحد وشفتها لقيتها حلوه تمام التمام................ قلت اوكي انا باخذ لفه ....على المحلات القريبه .....وبرجع لكم بعد التنظيف.........المهم رجعت بعد نصف ساعه مرهق ابي ارتاح وخاصه اني بعد جاي من الشارقه ............. وجيت الرسبشن.....قلت وين مفتاح الشقه .....على انهم خلصوا........قال المفتاح مش موجود لس الجماعه فوق ينظفون....... قمت وركبت الفت وركب واحد معي من النزلاء......وانا معي هاند باك....ويوم فتح اللفت.....الشقه في الوجه على طول......شفت الباب مفتوح نص فتحه ......دخلت وطبعا الصاله في الوجه وفيها كنب.....ما هقيت اني دخلت تعبان لاخر درجه...........رميت الغتره والعقال....على الكنب الصغير.....وانا انسدحت....على الكنب الطويل رأسي عند معنازة الكنب و واضعت ارجولي فوق المعنازه اللثانيه للكنب......ولفيت اذراعي على عيني....اخذ استراحه لين يخلصون العمال التنظيف .....واسمع كربعه المنظفين................. وبعد ثلاث دقايق........اسمع صوت طفل .....وافتح اعيوني.....والا المرأه فوق راسي معها طفل من شكلها جنسيتها سوريه قلت اعوذ باالله...........ها وشفيه.....قالت شلون دخلت.....وشو بدك......قلت انتي منظفه اهنا شو منظفه.......ابو سمير ابو سمير ولا جايني ابو سمير.... بغل ....ها شو فيه......قلت الظاهر يا جماعه فيه غلط.....انا من قطر وجديد في البلد والفندق هاذا اول مره اجيه .....والظاهر شقتي فوق..........وقلتهم اي دور هذا قالو التاني......قلت لا انا الثالث اسموحلي متأسف..... والله والبس النعال الله يعزكم.....واخذ الشماغ والعقال بيدي .....والشنطه بيدي الثانيه....وشل عمري ولا ضحكت الا بعد ما دخلت شقتي......... تصدقون دخلت خايف شقتي فكرت بعد مغلط......لكن اطمئنيت يوم شفت العمال الاسيوين........................ هذا من المواقف اللي صارت لي من فتره ليست القريبه او البعيده |
ههههههههههههههههههههههههههههههههههههههه سعود والله تحفه ياابو محمد والله تحفة انا اعرف رجال سالفة قديمه يقولون انه مسافر براا واول مرة يشوف اللفت ويوم ركب وصار بالدور الثاني وهو يدور نعوله وانتوا بكرامه مالقاها اصثاريه فاصخها عند باب اللفت هههههههههههههههههههههه اككيد سعود تعرف القصه هذي هذي قصة سمعتها بس قديمه |
ههههههههههههههههههههههههههههه
ما تخلي سوالفك..........ياعبدالرحمن..... قصه روعه يحسبه داخل مجلس ....ههههههههههههههه |
والله اليوم موقف مززززززززززززززعج ومضحك لكن والله يرفع الضغط شوي انا اليوم بالرياض عندي مراجعه بوزارة الداخليه ورجعت تقريبا الساعة 10الا ربع وتكيت بالمقهى ودخلت المنتدى والقى لكم دنيا ورسيس في منتدى الضحك وفي موضوع الزواج اللي وصل رقم خمسة وزوج العضو اللي تبي شخص مشهور المهم ولكم الله يمكن ساعة ونص وانا وهن يزوجوني وازوجهن وكل هالساعه والنص وجوالي بالسيارة نسيته وولد عمي يتصل يبينا نمشي الوادي والوالد والاهل واخوكم في الله متكي يبي يتزوج ههههههههههههههههههههههه والله لايعيده لقيت 69مكالمه و11ريساله وكل الرسايل تخوف والله وينك؟ انت ميت ولا حي؟ رد يا ولد فلانه>>>>بلاش فضايح ههههههههههههه والله يعين كل الود |
ههههههههههههههههههههههه
زين ماني مرتبط معك بموعد....وأتصل عليك ههههههههههههههههههههه عبدالرحمن وزواج بعد....... اكيد بينسى كل شي الله يكون بعون ولدعمك اللي يتصل عليك......هههههههههه تحياتي لك |
الاخت رسيس الاخت دررر الاخ سعود الدوسري الاخ عبدالرحمن الدوسري شكرا لكم على حضوركم ومداخلتكم وارجو منكم المزيد ودمتم بخير تحياتي للجميع |
السلام عليكم الموقف المزعج والمضحك في ان واحد لدينا حارس بالعماره وله قريب صاحب وايت لبيع الماء العذب ويضرب علينا كل ثلاثة ايام وبالكثير اربعه ويطلب منا قيمة الوايت اللي يجيب المويه رغم ان موية العين تصب كل كم يوم ونعطيه القيمه وفي يوم من الايام واذا بالوايت يقف عند الخزان وجاني الحارس قال هات المبلغ الجيران دفعوا قلت حاضر ودفعت له المبلغ الخاص على كل شقه وقلت ليه ما اشوف واناظر من فوهة الخزان واذا هو فيه ثلاثة ارباعه والوايت لم يفرغ فيه الماء قلت للحارس كيف تجيب ماء والخزان فيه اكثر من نصفه قال خوفا من انقطاعه قلت بس الوايت مدفوعه قيمته وما رايح يفرغ فيه الا قليل ثم يمتلي الخزان قال انت ادخل الشقه وعندما يفرغ الوايت الماء ستجد ان الخزان استهلك الوايت باكمله شككت بكلامه قلت لولد الجيران تعال يا عادل جاء قلت اطلع فوق الوايت وطلع واذا الوايت فاضي فيه مويه قليله قال ما فيه الا قليل من الماء قلت للحارس كيف الوايت لم يفرغ حتى الآن ولا نقطه وفاضي وانقلب وجه سائق الوايت وجه الحارس وراح عادل لابوه وناده والى ابو عادل اقشر بالمره جاء منزعج وعرف القصه ويزهم من جواله على الشرطه وجت الشرطه واخذت صاحب الوايت والحارس النصابين واثر الحارس متفق مع راعي الوايت يخلي بالوايت شوي مويه ويوقف عند العماره قدام السكان ويصب شوي الماء االلي باقي بوايته ويحاسبنا على انه جايب وايت كامل ويتقاسم هو والحارس الميه والاربعين نصب عيني عينك واثرنا نحاسب على نصب وكذب وهذا من قلة الوازع الديني عند الاجانب لهذا انتبهوا وسلامتكم |
اللـــــــــــــــــه يســـــتـــر منك يا سفـــير المــــعانــــي
والله لك مقالب بديــــــــت اخــــــــــــــاف منـــك ههههههههههههههه انــــا مـــن نا حيتي بذكـــر موقـــف محـــرج لـــي فقــط لاغـــير .....مره وانا كنت في الثنوي ...قال لي المدرس لازم تطلع في الاذاعه المدرسيه قلت لا ما ابي قال اضهر واعطيك الدرجه الكامله في الاختبار الجاي يعني لا تذاكر ابد.... والله بنسبه لي هذا العرض مغري ... ووافقت على هذا الموضوع .... وقال لازم تجي المقدم..قلت اهم شي تعطيني الدرجه الكامله قال خلاص... وجا وقت الاذاعه الصباحيه وجي المقدم... وابـــــــــــــي اقـــول مــــديري الفاضل ....... قلت مــــــــــديــــــــــري الـــــفاضي ........ وانا قــدام مئات الطلاب ... وعشرات المــدرسين <<<<<<<<< ميت من الضحك..... والله في وقتها بغيت افقد الوعـــــي... وابطل اذاعــه...بعدهــــا........... ومشكووووووور اخوي الغالي سفير المعاني.... |
مشكور ابو فيصل بس ياليتك يو م قلت مديري الفاضي واصلت وقلت من من الحقد والكراهيه والملئ بالحب والعاطفه كان خجلوا من انفسهم تبي الحقيقه اضحكتني الله يضحك سنك دوم دمت بخير تقبل تحياتي |
اللــــــــــــــه يعـــطيك العا فيــــــــــه اخــــــــوي سفــــيرالمــــعانــــي..........
بس كيــف ارقعهــــــــــا في وضـــع انا مرتبك فيـــه ........ المــــــــشكله انـــي يـــومني قلتـــها كــــان المـــــدير قــــدامـــي وشــــوف وجــــهه متـــــغيــــر وســـــــار احـــمـــررررررر ......... لو اعـــــــــــصـــره طلـــــع كتــــــشب ......ههههههههه......يومني شفت وجهه سكت<<<مخمل وغـــيرت الــكلـــمه وصـــححـــتها ..... وتــــقـــبل تحــــــياتي |
سفير المعاني / فعلا العماله الوافدة مشاكلها كثير
ولابد من مراقبتها ابوفيصل / هههههههه على كذا ماعطاك العلامه الكامله |
شباب اعرفهم راحو للحج...........وهم يطفون حول البيت
قال واحد منهم انا ياجماعه ابي اقبل الحجر......قالو له انت صاحي ما تشوف الزحمه.....اشر واستلم بيدك حاولو يقعونه دون فائده.......المهم اخونا هذا قال لهم خلكم وراي...... ويوم قربوا واللا الزحمه اللحم على اللحم.....معاد درو منهم في يده.................المهم الحبيب تقلقص وزرق وربعه اللي وراه يوم شافو الزحمه ابتعدو وأستلمو من بعيد المهم يوم دخل اخونا في الزحمه....هو عاد ضعيف قدر ازرق بين الاقدام......المهم انه قبل .......وطلع بصعوبه....ولقا ربعه قال ابشركم قبلت........ ويوم شافوه.....واللا هم ميتين من الضحك..........قالو له وين ازارك......هههههههههههههه الحبيب......طاح ازاره وهو ما يدري..... ههههههههههه الرداء موجود والازار مفقود وهذا معروف وقت الزحمه الشديده يا تفقد ازارك او ردائك اللا اللي الله وفقه |
الاخ ابو فيصل الاخت رسيس الاخ سعود الدوسري الله يعطيكم العافيه على زيارتكم للموضوع ومشاركاتكم القيمه لاهنتوا تحياتي للجميع |
الساعة الآن 03:05PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية