أبا أترجَّل لو مناخ .. الفكر جاف=وأبا افتح أوراقي وأعطر سطوري
بالمفردات الطاهر .. حق وانصاف=وأقول يابكرات الافكار دوري
‏طوفي بصدري طوفه الحاج ياطاف=تباركي بي واسجدي في شعوري
سجود شكر وخلي الحبر شفاف=عشان يزهى في عيوني حضوري
انا السما لو مالها حس وطراف=وانا الفضا لو المجال محصوري
وانا الخيال اللي تفرد بالأوصاف=يامنكرين النور والنور نوري
شدو ركايبكم على الطرق والقاف=شدو عليه ولا يجيبه قصوري
أسروه مسرى ليل بسراج عراف=يضوي على رجم(ن) شمال مهجوري
والليل به له فجوة ما تبي لحاف=الينتصف كني عليها محشوري
فجوه لها نشوة ونكهة ومشراف=يا أرقبت به قامت تلاحم كسوري
يشرف على وقت(ن) به المور والهاف=دور(ن) مضى قلبي عليه معصوري
به البشر ما دلبحت لآم الأرداف=ولا برزت به ردف بنت(ن) جسوري
راكد محيطه مانكسر فيه مجداف=ولا رد به شيخ(ن)ولا شاخ نوري
فزعه وطيب ونخوة نفوس(ن) خفاف=ماهم ثقال نفوس والفكر ثوري
متكاتفين(ن) ... لو تباعدن الأكتاف=متعاطفين(ن) ... غرسهم ما يبوري
أحرار نسل أحرار ومعاشر أشراف=الجار عند الجار دمه يفوري
ماهو مثل هالوقت طاريه ينعاف=رفع مقام مقدسين التجوري
قام يتفاخر به سلوقي وبلاف=يامر وينها به صعيدي وسوري
وعن لا أزيد الطين بله وينشاف=أبي امنع التصوير لو كان فوري
وأبا أترك الملعب وابا العب بالأطراف=واشره على نفسي لو الدور دوري
واعطي عناوين السهر داخلي طاف=أريح جفوني ... وأداري شعوري
وابقى بداخل جوي الممحل الجاف=لو كان من حقي اعطر سطوري

أسروه مسرى ليل بسراج عراف
يضوي على رجم(ن) شمال مهجوري
والليل به له فجوة ما تبي لحاف
الينتصف كني عليها محشوري

مبعثر

صح لسانك على هذا العقد الفريد

تحياتي وتقديري لك:thumb:

المشاركة الأصلية كتبت بواسطة م ب ع ث ر (المشاركة 334046) الليل هذا ما يبيله مداراه=خص(ن) اليامنك سريته خلاوي أما تخلي الذيب يبلع به عواه=والا تريح به خفوق الهواوي اسعد الله اوقاتكم........بكل ما هو جميل. أبا أترجَّل لو مناخ .. الفكر جاف=وأبا افتح أوراقي وأعطر سطوري بالمفردات الطاهر .. حق وانصاف=وأقول يابكرات الافكار دوري ‏طوفي بصدري طوفه الحاج ياطاف=تباركي بي واسجدي في شعوري سجود شكر وخلي الحبر شفاف=عشان يزهى في عيوني حضوري انا السما لو مالها حس وطراف=وانا الفضا لو المجال محصوري وانا الخيال اللي تفرد بالأوصاف=يامنكرين النور والنور نوري شدو ركايبكم على الطرق والقاف=شدو عليه ولا يجيبه قصوري أسروه مسرى ليل بسراج عراف=يضوي على رجم(ن) شمال مهجوري والليل به له فجوة ما تبي لحاف=الينتصف كني عليها محشوري فجوه لها نشوة ونكهة ومشراف=يا أرقبت به قامت تلاحم كسوري يشرف على وقت(ن) به المور والهاف=دور(ن) مضى قلبي عليه معصوري به البشر ما دلبحت لآم الأرداف=ولا برزت به ردف بنت(ن) جسوري راكد محيطه مانكسر فيه مجداف=ولا رد به شيخ(ن)ولا شاخ نوري فزعه وطيب ونخوة نفوس(ن) خفاف=ماهم ثقال نفوس والفكر ثوري متكاتفين(ن) ... لو تباعدن الأكتاف=متعاطفين(ن) ... غرسهم ما يبوري أحرار نسل أحرار ومعاشر أشراف=الجار عند الجار دمه يفوري ماهو مثل هالوقت طاريه ينعاف=رفع مقام مقدسين التجوري قام يتفاخر به سلوقي وبلاف=يامر وينها به صعيدي وسوري وعن لا أزيد الطين بله وينشاف=أبي امنع التصوير لو كان فوري وأبا أترك الملعب وابا العب بالأطراف=واشره على نفسي لو الدور دوري واعطي عناوين السهر داخلي طاف=أريح جفوني ... وأداري شعوري وابقى بداخل جوي الممحل الجاف=لو كان من حقي اعطر سطوري