لك يا وطني
في ذكرى اليوم الوطني
ذكرى ولكن غيـر كـل الذكريـات = فيها تجسـد فرحـة اليـوم الكبيـر يـوم الركايـب بيتـن بمغـرزات = وردن هيت ولا لهن غيـره مصيـر من كثر سج اعصي اهلهن ضامرات = مثل القطا اللي واردن صوب الغدير في راي من عيت عيونـه لاتبـات = لو كان حطوا له فراش من حريـر الليـل يسـري والنهـار امعقـلات = والزاد وجبه تمر والاخرى مضيـر ساقه طنا ال سعود واعذر با الحيات = اللي طناهم ينتهـي فيـه المصيـر اما حيـاة فـي ظـلال المرهفـات = والا ممـات بعـد شـر مستطيـر راسه طبخ من كثر حب الطايـلات = ولا هام عز الا ورى العلم الخطيـر جاء للرياض ومستعـد(ن) للممـات = وسيفه حلف ماعاد يرجع في الجفير دخل عليها الفجـر قـدام الصـلات = وساعة وبشر مع مؤذنهـا البشيـر المُلْـك لله ثـم لحـام الجـاذيـات = عبدالعزيز ولااحـد بملكـه خشيـر ومنها ا نطلق تحرير في كل الجهات = وتعاهد النصـر المـؤزر والمسيـر اهداف ماهي مدخـلات ومخرجـات = واوامـر تصـدر ينفذهـا وزيــر اهداف ابو تركي يحقـق معجـزات = توحيد فكر بعـد توحيـد الضميـر وملاحم تهرج بهـا سبـع اللغـات = في وقتن اقشر وقت والواقع خطيـر واحد وطفى لـه فتـن ومنازعـات = وخلى الجميع اصفوف من خلفه تسير ماوالله احدن زيـد سـوا هالسـوات = لاقبل صار ولابعـد تالـي يصيـر عاشت بلاد العز في خيـر وثبـات = في ضل ابو متعب بامان وكل خيـر وولي عهده كانهـا راحـت وجـات = سلطان سلطان السعد مغنـي الفقيـر واخوانه اعيون لوطنهـم ساهـرات = همه ذرانا عن سموم وعـن هجيـر يا راية التوحيـد فـوق الساريـات = ما داموا ال سعود لك فانتـي بخيـر من دونهم نرخص عمـار غاليـات = لو ما بقي منا سوى طفـلً صغيـر ويخسون من عنٌا يبـث الشايعـات = اهل النوايا السـود والعلـم الحقيـر |
أخوي المهدي بن تركي
صح لسانك واعتلا شانك رايعه ومعبره عن يوم عظيم لك احترامي وتقديري |
المهدي بن تركي صح السانك وتسلم
|
اخي الشاعر ((( المهدي بن تركي ))) صح لسان واعتلا شانك علي هذه الابيات الرائعة والمعبرة ودامت مملكتنا الغالية بكل عزة ورفعة وسمو وتقبل مني هذه الابيات اليوم عمت دارنا نــور وأفــراح بيوم الوطن ياعزنا وكل الأوطان في ظل أبومتعب علينا الفرح لاح ابو الجميع وحنا في ظله إخوان الله يديــمه بالســعد دووم مـــرتاح القــايـد اللي صــار للطـيب عنــوان دمت سالما سعيدا .. .. نيفين |
هلا وغلا المهدي بن تركي تسلم يمينك على هذه القصيده الشامخه في الوطن والوطن يستحق الكثير والغالي والنفيس فدوى لترابه كل عام وانت والوطن بخير في ظل قيادتنا الحكيمه وحفظ الله المملكه بقيادتها وشعبها من كل مكروه كل الشكر والتقدير لك تحياتي واحترامي |
الغالي
الشاعر المهدي بن تركي تسلم علىهذه القصيده الوطنيه وما تحمله من جمال خاصة وهي بوطننا وقادته الاوفيا بارك الله في وصح لسانك وعلا شانك يالغالي وتقبل تحياتي |
قصيده من اجمل ماقيل فى الوطن تستحق الصداره ولكن .....! عموما صح لسانك وعلا شانك ولاهان راسك أنت شاعر مبدع يالمهدي |
اقتباس:
اخوي الشاعر مهدي الحبابي تدوم ويصح بدنك ولا عليك زود سرني حضورك الراقي هنا لاعدمتك والوطن غالي على الجميع دمت بود |
اقتباس:
اخوي ابراهيم بن مريح شكرا وما قصرت لك التقدير |
اقتباس:
القديرة نيفين لك الشكر على ما تفضلتي به هنا وهذا الوطن يفخر ببناته مثلما يفخر برجاله لك التقدير اختي الفاضله |
اقتباس:
اخوي خلف الشلهوب انت من الذين يضيفون الجمال بحروفهم لاعدمتك من راقي لك اجمل تحايا الود |
أهنيك على القصيد الأكثر من جميله ورائعه
سلمت اناملك و سلم إحساسك ونبضك وطننا يفتخر بهذي كلماتك التى تسطر في سماه نجوم الحب والولاء وكل الشعب السعودي يعيش في عزه وأمنه يارب |
اقتباس:
اخوي سفير المعاني كلنا السعوديين هذه مشاعرنا اشكرك ايها الراقي على كل حرف لك هنا |
الساعة الآن 09:11AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية