بسم الله الرحمن الرحيم ..
اللهم صل ِ على سيدنا محمّد , وعلى آله وصحبه أجمعين ..
متواضعة , راجياً من الله أن تصل لـ ذائقة القرّاء الأفاضل ..

تعب , والحلم يبني في وسْط هذا الصدر مبناه=قهر يستوطن الذكرى ، حسايف تسكن بحلمي
توسدّ حبري أوراق الوله باقصى الورق ثم تاه=مثل دمع اليتيم اللي ينادي : وينها أمّي ..!
أنا ذاك ( الطفل ) في غيبتك والله ثم والله ! =أنا صبر الثواني ف.الغياب اللي كسر عزمي
لبست الصمت.مليته ! ، أبي البوح ولفظت الآه=تهاوت دمعتي وآصدّ أكفكفها بطرف كمّي
تذكّرت المكان اللي جمعنا والذي سوّاه=صدى صوتك يرافقني ينادي يردد بأسمي
واجمّع في كفوفي ذالحنين لشوفه ولاماه=واقدمها ، عسى يكفي ، أقول : ( تفضلي.سمّي ) ..!
دروبه والرسايل والعتاب ودفتره واشياه=أنا من وين ما الدّ بعيوني شفتها قدْمي ..!
طريق الانتظار أمسى وهو ( يطرب على ليلاه )=رسمته وجهه الشاحب وصوّت : ( التفت يمّي )..!
تجاعيده تغايت فالملامح والحزن عنّاه=حكى : ( يكفي تعذّبني ) ، نطق راجي : ( كفى ظلمي )
جفيتك ؟ ايه يا درب الوصال وحدّني فرقاه=وحيد آتي وأعود من غيابه ناحل ٍ جسمي
ينام الليل باحضان السماء , والقافلات فداه=وتبدا رحلة الظلما ، توارى نجمها ونجمي
خلاص وراحت الطفلة ، عتابي ؟ مرتحل بخطاه=باصحّي ذكرياتي والحنين وباصحى من حلمي ..!

أخوكم / رائف بن خالد ..

مودّتي ..

[table1="width:100%;"]

[table1="width:95%;"]