اسرجت لبيوت الاميرة جوادي
هذي قصيدة مجاراة لقصيدة الاخت رهب (شي عادي) بغيت انسى وادخل بجو هادي = وسمعت البيوت المحكمات العجيبه قصيدة.ن. فيها الضماير تنادي = تضرب على اوتار الجروح العطيبه حذفت منها غترتي والوسادي = وفزيت فزت القريب القريبه واسرجت لبيوت الاميرة جوادي=وطوعت ارقاب المعاني الصعيبه ابيات "شي عادي" مهي شي عادي=قبس العقول المفصحات العريبه تقول تقرا مايكنه فوادي=والله مالومك يالفتاة النجيبه وجه الخطا مايجهله كود غادي= لوانتغاضى ماجهلنا المريبه نحمل على حسن النوايا الوكادي=صفح وكرامة نفس حلم.ن. وطيبه والصبر لاطول يجر التمادي = حتى وصلت طعن العقول اللبيبه شي.ن. تزولبه الجبال الشدادي=لاقفت مصيبه اقتفتها مصيبه تذهل بوقت.ن. ماعليه اعتمادي=تلف فيه المخطيه بالمصيبه والناس والايام حسب اعتقادي = صراع واطراف التنازع غريبه حوادث الدنيا رواح وغوادي= والادمي هو جرح داه وطبيبه اشد بلوى الانبيا من العبادي = والراسخين من العقول الرحيبه دايم وليل المبصرين اجتلادي= يشقى اللبيب بعقله ويبتليبه تكبرحشود مشجعين النوادي= تسلى من الهم العقول السليبه هي هكذا الدنيا سموم وبرادي= وهذي الحياة معايشتها صعيبه واصعب مافيها القريب المعادي=مثل الموسط بين غار ولهيبه مابين عزك والسيوف الحدادي= اماحياة العز ولا الغليبه عز.ن. على مر الجفى والبعادي = اجل واسمى والمثيبه مثيبه عزمي يطول الساميات الشدادي= ماخبلك ياذل الزمان وربيبه هبيت ياعيش الغبن والزهادي =موتي مية مره ولا نقص هيبه الذل يهويبك ثلاثين وادي = والعز يوصلك النجوم الرقيبه ياصاحبي كنز الحياة المبادي= لابد ندفع للمبادي ضريبه |
الشاعر القدير/ عبدالله بن عريمة
صح لسانك.. وإعتلا شانك ولك مني كل الود والتقدير |
صح لسانك وعلى شانك أخوي
عبدالله .... تسلم اخي على ابداعك...... جميل ان تعبر عن مشاعرك بالكتابه والاجمل هو ابداعك في الكتابه كلماتك تدل على ابداعك وعلى مدى صدقك ورقي قلمك... جلست هنا في هذه الصفحة كي ارى شيئا لم اراه من قبل ..... ارى ابداعا حقيقيا ...... ارى كلمات خرجت من اعماق صاحبها كي تدخل الى كل قلب قرأها فشكرا لك هذه القصيده الرائعه بكلماتها وقوة حروفها ... شكرا لك لانك قمت بتحريك مابداخلي.... بكلمات صادقة وبكلمات تحمل احاسيس صاحبها.... الصادقه والقويه ... تقبل مروري .... إمـــــرأه حــــــره |
الغالي الشاعر عبدالله بن عريمه الله يسعدك ويديم نعمته عليك اخي الغالي انا امام قصيده ومجارات قويه وتنم عن تجربه وخبره بما تخللها من تصوير وحقايق انت شاعر ولك وزنك بين الشعار وباعك طويل وتستاهل الاميره ام نواف من يجاريها ابدعت بمجارتك لها وصح لسانك وعلا شانك يالغالي وتقبل تحياتي |
ابيات "شي عادي" مهي شي عادي قبس العقول المفصحات العريبـه تقـول تقـرا مايكنـه فــوادي والله مالومـك يالفتـاة النجيبـه وجه الخطا مايجهله كود غـادي لوانتغاضـى ماجهلنـا المريبـه نحمل على حسن النوايا الوكـادي صفح وكرامة نفس حلم.ن. وطيبه والصبر لاطـول يجـر التمـادي حتى وصلت طعن العقول اللبيبـه شي.ن. تزولبه الجبال الشـدادي لاقفت مصيبـه اقتفتهـا مصيبـه تذهل بوقت.ن. ماعليه اعتمـادي تلف فيـه المخطيـه بالمصيبـه والناس والايام حسـب اعتقـادي صراع واطراف التنـازع غريبـه حـوادث الدنيـا رواح وغـوادي والادمي هو جـرح داه وطبيبـه اشد بلوى الانبيـا مـن العبـادي والراسخين من العقـول الرحيبـه دايم وليـل المبصريـن اجتـلادي يشقى اللبيـب بعقلـه ويبتليبـه تكبرحشـود مشجعيـن النـوادي تسلى من الهم العقـول السليبـه هي هكذا الدنيا سمـوم وبـرادي وهذي الحياة معايشتهـا صعيبـه واصعب مافيها القريب المعـادي مثل الموسط بين غـار ولهيبـه مابين عزك والسيـوف الحـدادي اماحيـاة الـعـز ولا الغليـبـه عز.ن. على مر الجفى والبعـادي اجـل واسمـى والمثيبـه مثيبـه عزمي يطول الساميات الشـدادي ماخبلك يـاذل الزمـان وربيبـه هبيت ياعيش الغبـن والزهـادي موتي مية مره ولا نقـص هيبـه الـذل يهويـبـك ثلاثـيـن وادي والعز يوصلـك النجـوم الرقيبـه ياصاحبي كنـز الحيـاة المبـادي لابـد ندفـع للمبـادي ضريـبـه صح لسانك وعلى شانك الشاعرالقديرعبدالله بن عريمه لاهنت على هذه الكلمات النابعه من احساس عذب ونقي كروحك اخي نتشوق الى ابداع قلمك دائما فلاتحرمنا نهرعذوبتك الف شكرلشخصك الكريم دمت بخيرومحبه |
عيدالله بن عريمه تحيه وتقدير لك على هذه المشاعر الراقيه قصيده معبره وتتكئ على مضمون راقي احترامي |
عبدالله بن عريمة
الله الله صح فكرك وقلبك ياخي جزله وانت اجزل |
صح السانك...............
يا عبدالله ع القصيده الوافيهوتقبل تحياتي س ع و د |
ياابن عريمه الجزاله ماهيب غريبه من جزل مثلك وشرواك طال عمرك وانت كريم والاميره تستاهل اخوك مشبب الدوسري |
اخي عبدالله
بعد هذه الكلمات الرائعه لا يسعنا جميعا الا ان نقول ابدعت كلماتك واصطفت امامك القوافي لتنتج لنا ما ابدعته تقبل مروري على ابداعك |
صح لسانك
ونستاهل ام نواف |
عزمي يطول الساميات الشـدادي ماخبلك يـاذل الزمـان وربيبـه هبيت ياعيش الغبـن والزهـادي موتي مية مره ولا نقـص هيبـه الـذل يهويـبـك ثلاثـيـن وادي والعز يوصلـك النجـوم الرقيبـه ياصاحبي كنـز الحيـاة المبـادي لابـد ندفـع للمبـادي ضريـبـه صح لسـانك عبد الله قصيده جزله لشاعر جزل تحياتي لك رهب |
اقتباس:
صح بدنك اخوي براهيم واشكرك لجزيل كلامك ولمرورك تقبل اطيب تحياتي |
صح لسانك واحساسك
الشاعر القدير عبدالله بن عريمة تحياتي لك |
اقتباس:
اولا اعجبني توقيعك ومايحمل من معاني جميله ( لاانحني لشيء سقط من عيني >> نعوذ بالله من السقوط والحقيقة ردك وعباراتك الرائعة تجاري القصيدة فكل من مانكتب شعرا ونثرا هو في الاخير معاني ومضامين متى ماتوشحت بالصدق والحب كانت اقوى واكثر فعاليه وانتي كذلك لمست كلماتك الصدق والاخلاص لك اطيب التحياا |
الشاعر القدير
عبدالله بن عريمه صح الله السانك على هذي المجاراه شعر ومعاني في قمة الروعه لكن ( بعد اذنك ) عندي بعض الاضافت فالبيت اللي يقول و اسرجت لبيوت الاميرة جـوادي وطوعت ارقاب المعاني الصعيبـه لو قلت واسرجت لبيوت الاصيله جـوادي وطوعت ارقاب المعاني الصعيبـه كذا يكون البيت احسن فالمعنى والمنطوق وهذي وجهت نظر لا اكثر ولا اقل ولاهوب ضعف في معنى القصيده الا والله جزل من اصحاب الجزاله الله لايهينك وبيض الله وجهك تقبل مروري ... |
اشكـــرك جـــزيـــل الشكـــر يعطيكـــــ العافيـــــه |
شموخ نجد اشكر مرورك ورقي كلماتك
سعدت كثيراا بمرورك لك اطيب التحاايا |
ماعليش ابومحمد بغينا ننساك في الرد وانت قبل شموخ والمعذرة على التاخير اخوتي فقد اوقفت مرتين؟ لاختلاف وجهات النظر كماتعلمون ولكن ابشروا بسعدكم ونا بن المبيعيج ناصر مابطى بالسيل الاكبره الغالي الشاعر عبدالله بن عريمه الله يسعدك ويديم نعمته عليك اخي الغالي انا امام قصيده ومجارات قويه وتنم عن تجربه وخبره بما تخللها من تصوير وحقايق انت شاعر ولك وزنك بين الشعار وباعك طويل وتستاهل الاميره ام نواف من يجاريها ابدعت بمجارتك لها وصح لسانك وعلا شانك يالغالي وتقبل تحياتي |
اقتباس:
يبدو ان لم اكن مخطا من الكويت وعتيبي او اسم على اسم ونعم الرجل كلام المختصر العربي النائي بجنابه جل تحياتي |
نمر كل الشكر لمرورك
تحياااتي |
[fieldset=العنوان]
سعود حضورك هنا ..؟ .............. مبهج : وان قلت حروفه ولكن تيقى لمسات المرهف الحساس الذي يريني حروفه بسرعه واقدم شكري الحار انا لااشعر باالقصيدة الا عند الردود وحتى تكتمل القصيدة لتصبح عقدا منظوما كان لابد ان تتوج وتختم بالمسك واقدمها خاضعا طائعا لاميرتي بنت خال الملوك النجباء من ال سعود الامير محمد السديري و حفيدة اميرشمل قبيلتي قاطبة الامير عامر بن زياد بن بدران (ضمين الرجال ) (وواسم عصا الجار والدخيل ) فماهي الا سيدتي واميرتي وما انا الا مطيعا لها ليس لي منه ولا طيب ... وهنا لااقصد القصيدة فانا من كتبها مجاريا بها اميرتي [/fieldset] |
ابيات "شي عادي" مهي شي عادي قبس العقول المفصحات العريبـه صح لسانك يابن عريمه قصيدة ومجارة جميلةومثل ماتفضلت قصائد وأبيات أميرة الشعر غير عادية تحياتي لك |
مشبب على فكرة من اللي سماك مشبب؟ اقديت يوم غيرته لكن عبدالرحمن ماتليق الا علينا ياوداعين خخخخخخخ وشخبار استقبال الضيوف برز قهوتك جايك |
رندا التميمي
كلماتك تدل على وعي واستدراك وبعد هذه الكلمات الرائعه لايسعنا الا ان نقول؟ ختاميه يعني ههههههههههههههههههه >> مقدمه جميلة وهنا الدرس .! واصل المعرفه واللغه والادب تلوح بساقيها النحيلتان مذعنه ..>> نحن الذين قبل معتصم الجبل <<النازحين بنجد حربا مؤججه حزنا العلوم دقيقها وجليلها >> يعزى المقال الينا وخيلنا مسرجه واخيرا اصطفت امامك القوافي ؟ خخخخخخخ ماذا تقول لمن يروح ويرجع ؟؟ لكنني لن اوفر منك حرف : نعم تصطف امامي ؟ لقد ابهجتموني /// واسعدتموني //// شاكرا لكم اخلاقكم العاليه |
هادي بن راشد المري خخخخخخخخخ هذي من اسماء قبيلة ال مرة العريقة
ماعلينا ياهويدي ؟؟ وين جيت مدوووم ؟ غبرتك ثايره ؟ حاط رجلك ؟(( هجل داغ في قلبك خفران)) جدي الشيخ والفارس خفران الله يرحمه ماكثر ذنوبه ؟ لاتلومني حاط ستكر الرجباني ؟ يعني عشان تشفعلك ؟ ونت تخبر الوداعين وبالذات ال عريمة نقاده ويقيسون الرجال ولايحبون الصحيح؟؟ كان مشيت حسب الاصول ؟ من انت عشان تشور في القصيد ؟ ومن طلب منك مشوره ؟ واسرجت لبيوت الاميرة جوادي : >> .. والاصيله تليق على قصيدك ؟؟ ولاهي اميرة ومعروفه ... لاعاد تعودهااا فديت قلبك<<< |
اقتباس:
:whistling::yasser: سعيده<<<< |
رايق في الزحمه اصبت في هذا الاسم الجميل انت الوحيد الرايق في الزحمه واللي مهو رايق ضايق وقدامه 80 عايق وغيرك من القهوجيه مهوب لايق الامقهوي ؟؟؟ وان طالت مررره مرره ؟ سايق والله يكون بعون كل الحقايق ؟ وماعاد يمدي تسعفك حتى الدقايق |
اقتباس:
وابقى في قرارة نفسي مقصر وارجو من الله الاعانه كوني سيدتي كما انتي بخير وحبور لك اسما التحايا واوفاها عبدالله |
المراقب العام يفوق الوصف بارك الله على جهودك
وتعتبر الجندي المجهول وهذا من وفائك |
والله ياطلال الشلهوب بالدفع بالتي احسن
والمقاضى ردى >> اقصد انك ماذكرت اسمي واتاني نزغ من الشيطان مطالبا بالمثل اخوي الفاضل طلال الشلهوب اتمنى لك التوفيق عبدالله |
الشاعر عبدالله العريمه صح لسانك
ومبروك المركزالاول وتستاهل نص رائع يحاكي مايعيشونه الاحرار بكل مكان وفي هذا الزمان الاخير الذي ذكر ه الرسول عليه الصلاة والسلام فلا تستغرب ايه النقي إذا شفت حر يعيش اضتهاد او حرمان او مما ذكرته نحنو في اواخر الزمان وماذكره الرسول عليه الصلاة والسلام بانت ملامحه ومن الكباير الكبرى ومايحزن المسلم اضتهاد الاحرار وحصارهم بغزه وقتلهم بظل صمت عربي رهيب يحتاج من الشعر اء الكتابه اقل القليل وانت من قادر على تصوير الوضع ولفت الانتباه صدقني كتبت عن فلسطين الكثير وفي الحادثه الاخيره هذه لن اقدر اكتب الحدث غطا عندي مساحة الشعر والتعبير ومالدي الا اضعف الايمان وهو الدعاء لهم صح فكرك اخي واسف على الاطاله |
القباني صح بدنك
وشرفني حضورك وتسلم ولايسلم ردي العزايم |
صـح لسانك وعلا شانك يالغالي
الله يحفظ سمو الاميره ويطول بعمره على طاعته لك مني أجمل تحية . |
الاخ خلف المهيلان الله يبارك فيك
هذي القصيدة تجسيد للعزة والشموخ وهي واضحة من اول بيت الى اخر بيت هناك من يصارع عقدة العزة وهناك من فقدها.!! وهناك من سيبررون لذلتهم الف حجه وحجه ..!! ونحن موفقين جداا ان ياتينا بكل لطف ويطرح مالديه من افكار (روووعه) اقصد الذي يختلف معنا في الر اي هذا بحد ذاته مكسب وماتراه ايضا يجسد الالم النفسي الذي لحق بالنفوس شكرا اخي خلف المهيلان ولك اطيب تحياتي |
صح بدنك ريما وعلا شانك كمان
الاميره ريما محظوظه جدا وهذا فضل من الله يعطيه من يشاء |
: عبدالله بن عريمة .. جزلة من رائع صح لسانك وعلا شانك مجاراة رائعة كروعة من تجاريها وتستحق كل خ ـير فلا ع ـجب الوورد من أهل الورد أناقـة دمت مبدع ـاً أينما كنت ع ـاااطر التحااايااا : ريوف الزهراني ’’ http://up106.arabsh.com/s/h1fgu7x7hj.gif |
شي.ن. تزولبه الجبال الشـدادي
لاقفت مصيبـه اقتفتهـا مصيبـه تذهل بوقت.ن. ماعليه اعتمـادي تلف فيـه المخطيـه بالمصيبـه والناس والايام حسـب اعتقـادي صراع واطراف التنـازع غريبـه حـوادث الدنيـا رواح وغـوادي والادمي هو جـرح داه وطبيبـه اشد بلوى الانبيـا مـن العبـادي والراسخين من العقـول الرحيبـه دايم وليـل المبصريـن اجتـلادي يشقى اللبيـب بعقلـه ويبتليبـه تكبرحشـود مشجعيـن النـوادي تسلى من الهم العقـول السليبـه هي هكذا الدنيا سمـوم وبـرادي وهذي الحياة معايشتهـا صعيبـه واصعب مافيها القريب المعـادي مثل الموسط بين غـار ولهيبـه مابين عزك والسيـوف الحـدادي اماحيـاة الـعـز ولا الغليـبـه عز.ن. على مر الجفى والبعـادي اجـل واسمـى والمثيبـه مثيبـه عزمي يطول الساميات الشـدادي ماخبلك يـاذل الزمـان وربيبـه هبيت ياعيش الغبـن والزهـادي موتي مية مره ولا نقـص هيبـه الـذل يهويـبـك ثلاثـيـن وادي والعز يوصلـك النجـوم الرقيبـه ياصاحبي كنـز الحيـاة المبـادي لابـد ندفـع للمبـادي ضريـبـه عبد الله بن عريمه تقف الاقلام اجلالاً واحتراماً لما خطته اناملك هنا من خيال واسع من الاعماق اشكرك على هذه المنضومه الزاهيه الجزله فلا غرابة في ذلك فأنت اهل لذالك وزود وسمو الاميره تستحق عرفانك وجزالة ماخطه بنانك دمت بهذه الروعة والجمال من القلب اينع الورد |
ريوف الزهراني
اشكر حضورك المبهج خاصة اذا اتى من زهران لاني احب زهران لك كل شكري وامتناني تحيااتي عبدالله ىبن عريمة |
اهلين ملك الظلام وعندي اقتراح تغير الى النور
ابهجني تعليقك وماسكبناها من حروف ومعاني عانقت سماء الذوق وتباينت ردود الافعال وهنا يحلق الخيال الى الافق الاوسع متوشحا عباءة الليل مضيئا انوار النجوم نازعا عتمة الظلام الدامس تحياااتي عبدالله بن عريمة |
الساعة الآن 09:26AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية