|
احاسيس ( ليتك تعيش بدنيتي مثل ماكان * واللا تموت بداخل القلب وانساك )
سأكتسب بهاء وجمال بحضرتكم. وسأتشرف باستعارة مروركم الراقي!!! وسأكون بإذن المولى اتحمل مسؤلية امانة القلم!!! لكم الاحترام والتقدير . سأنثر الشعر ,والخاطره ,والرأي , وربما المقاله . وربما سأهذي ولكن؟ سيلتزم قلمي احترامكم واحترام عقولكم ومشاعركم. وسأحترم ديني ,ووطني ,ونفسي. فهنا الراقون والكتاب والادباء والشعراء والزوار المميزون . وأكرر كل ما اكتبه يعبر عني فقط فقط . لكم التقدير والاحترام والاجلال |
الاماني في عيونك
لـــيـــت الامـــانـــي تـنــتــهــي فـــــــي عــيــونـــك=واصــيــر انــــا بـســمــه تــجـــي فـــــي مـحــيــاك ابـــي اعـيـشـك وارتـمــي وســـط كــونــك=صوتك هناي وهرجتـي فـي حكايـاك يـالــيــت شــوقـــي والــعــشــق يـجـمـعـونــك=وانـثــر عـلــى خـــدك نـسـايـم سـجـايـاك شمسك دفاي ومرتعـي فـي حصونـك=بامرك اعيش وحافظن لك وصاياك ـــــــــــــــــــــــــــــــــــــــــــ |
اشهقك نشوة عطر فاتن وجذاب = وازفر عبيرك عذبتن تهني الروح طابت جروحي والهوى بطلّتك طاب = ياعلّ عشقي فيك ياضيّ مسموح ياحلوة الانفاس يا ليتنا اقراب = ياكوكب الاحساس ياهامة البوح لاغابت اعيونك ولاعاشقك غاب= لاغابت ايدين اللقا دامها تلوح |
ياعازفاً أطرِب فإن العزف يأسرني= ياعازفا لحن الهوى شوقاً واشجانا واجعل طيورُ العشقِ هائمةٌ وتسكنني= واسقي فؤادي فإنّي عشتُ ظمأّاّنا |
قرب تعال قرب ,,, تعال .... ايه انت قرب تعال... انثر على روحي دلال؟؟؟ وامسح عن جفوني القهر!!! قرب ,,, تعال... يا كل الجمال؟؟؟ عطني وعودك والوصال!!!! والمح حنيني والسهر!!!! قرب ,,, تعال... تعبت اختال؟؟؟ ابي اسرقك واحتال!!!! بسيطه وتاليتها اعتذر!!! قرب ,,, تعال... تعبت الحال؟؟؟ اذا حسيت شوقي زال!!! بكره اجيلك انتظر!!! |
يزهى بعيني طيف وانتي رفيقه = واركان روحي فيك بالشوق ساهر مدري اعيش بوهم وسط الحقيقه = واللا اعيش بواقعي شي ظاهر يا اقرب وابعد تعالي دقيقه = شوقي فضحني والهوى فيه طاهر |
(لا تبخلي ) لا تبخلي وانتي العطا لا تبخلي!!! .... ... .. ابسألك والعمر بسمه بمعطفك... والعشق لوحه فاتنه من مرسمك... لا تبخلي وانتي العطا لا تبخلي!!! .... ... .. كيف اقدر آآحدد مسافات اللقا... وشلون لو قلبي على قلبك خطا... لا تبخلي وانتي العطا لا تبخلي!!! .... ... .. ابعذرك لو كان وعدك ماوفا... وابعذرك لو ما لقيتك لي انا ... لا تبخلي وانتي العطا لا تبخلي!!! .... ... .. لو يعجبك جرحي انا لو يعجبك... هاتي جروحك لي انا لو يسعدك... لا تبخلي وانتي العطا لا تبخلي!!! .... ... .. لا تبخلي لاجلك انا مخلوق لك... مخلوق انا من اولك لي اخرك.. لا تبخلي وانتي العطا لا تبخلي!!! لا تبخلي!!! |
قلبي وروحي يالغلا يطمعونك = هم كلهم لجلك وهم لك سواياك ودي اكون اللمحه اللي بسكونك = واللا اكون الغنوه اللي بشفاياك عطرك انا الفاتن وريحة دخونك = ريقك وطعم العشق واعذب سقاياك ذوقك انا الفاخر وابهى فنونك =اجمل وارقى عشق واغلى هداياك صوتك انا واجزل قصيد بأذونك = لون الحياه وكل لوحه بسمايااك طبك وجرحك والشقا في شجونك= مجمل احاسيسك ومالك حناياك ابختصرها لك وارضي جنونك =انا نهايات الحلوم ورجاياك |
http://im12.gulfup.com/2011-10-02/1317554170101.jpg جتني وتقول ياللي حبيبك عنك راح العشق راح والليل في ليلك جراح جتني تقول وين العقول بالله قولي ويش اقول انساه دام انه نساك ياصاحبي يالله عساك مني انا هذا دواك لا تطري الفرقا ولا طاري البعاد الناس في لحظة دفا وانته براد قوم امسح دموعك نصيحه يالله عاد قلت العفو ياناصحه بس اسمعي وشلون من حب وعشق ينسى وشلون قلبه لو بغى يقسى ياناصحه اول لقا واحلى وفا مايوم حسيت بجفا طيبه وجمال ذوق ودلال ياناصحه اهي الكمال ياناصحه راحت عن اعيوني غصب لا ذنبها ولاذنب من هوله تحب ياناصحه بسك عناد والله ماذقتي ابد طعم الهوى ياناصحه مرهم احاسيس ودوى عشاق هالعالم ابد ماهم سوى ؟؟؟ ماهم سوى ماهم سوى ؟؟؟ |
امشي بدرب السلامه لاجل ماهفا = في دروب اهل الردى واهل السرابي امطر الدنيا وفا وبالليل اغفا = غفوة الذيب المحنّك في شبابي من رجالن وافيه من طيب مصفا = من قبيله اسمها فوق السحابي من ثقيف المجد والامجاد تظفا = ابذكرها والطيب شاهدها وطابي ذكرنا من سالف الايام مرفا = من حكيم ومن أديب ومن صحابي جدي الحجاج صاحب سيف قطفا = قاطف (ن) روس المنافق والمحابي قلتها للي جهل لن كان يخفا= ذكرنا مشهور تاريخ وكتابي |
يــاصـــبـــاح الــــــــورد يـــــــــاورد وعـــبـــيـــر=يـالــزيــم الــشـــوق واهــــــداب الــســهــر يــــــا زلال الــقــطـــر يــااحــلـــى غـــديــــر=يـانـفـيــس الــنـــاس يـــــا عـــمـــر وقــــــدر يـاعــيــون الــكـــون والــقــلــب الـكـبــيــر=يــــــا امــــــان الـــــــروح يــالــيـــل وســـمــــر عـيـنــك الـتـحـنــان ودروبـــــك مـصــيــر=مــرهــف الاحــســاس مـامـثـلـك بــشــر |
لا تبتعد وينك تعال وقدر الاوضاع = عطني يدينك فديتك يا ملاك الناس ياللي وصوفك حسينه والعيون وساع= لا شفت زولك حبيبي ينجلي هالباس ليتك تجي وتشيل قلبن ارتمى وانصاع = والله انا معجب وابي اوصف لك الاحساس |
الــمــحـــبـــه والـــــرضـــــا والانـــــجــــــذاب=والتفاهـم هـي اصـول (ن) اربعـه من جمعها عاش حبه في شباب=وشيبهـا شــرع العـتـاب ومسمـعـه من فقدها بنظرتي وضع الغياب=للمحـب اهـون ولــو هــو يدمـعـه |
يـاصـاحـبـي ودعـتـنــي قــبــل اوادعـــــك=واذرفت دمعي قبل تذرف دموعك ان كــان زعـلانــه علـيـنـا مسـامـعـك=تلقى الخبر من دون محنى ضلوعـك |
علمتني وشلون قلبي ينادي = وعلمتني احساس درب المحبه كسرت فيني حاجزن غير عادي =يا فرحة القلب الشقي وانت طبّه ياللي انا جيتك ابيك بودادي = ماغيرك احدن ناش قلبي وشبّه |
احساسي فقط
مساء الخير ياحساسي = ابد والله مو ناسي مساء الصدق ياأغلى = خواطر داخل انفاسي مسائي فيك يتغنى = لأنك كل هلي و ناسي لأنك كل ما أملك = دفاي وثوبي الكاسي احبّك واحترم صدقك =وصالك هو ترى ساسي |
ياللي رفعت الصوت عشق وغناوي = تسهر تشيل الحرف شعر ومواويل هات الوعد واحلف اذا كنت هاوي = انك صدوق ولا نويت التهاويل |
وين الذي لا ضاق صدري لقيته = اللي ليا ضاقت يخفّف من الضيق ذاك الذي لااا من همس لي هويته = ايحرّك احساسي وعلى حسّه اّّفيق |
قولي احبك قولي اني هويتك = وان ماحصل قولي انا فيك معجب لاتخجلي ياللي بعيوني فديتك = وافدى كيان(ن) صار باحساسك اقرب |
ناس تعيش العمر في قرب ووصال = وناسن على الفرقى مكاتيب وقدر ياطير غصن الشوق والشوق مرسال = ارحم عيونك كيف عذّبها السهر يا موق عيني والشجن منك موال = والعشق يذبح خافق اللي ماقدر العشق مايرحم على كل الاحوال = تلقى حياة العشق لوعات وقهر لن كان قلبك ماقدر والشقا طال =ابعد عن دروب الهوى عيش بحذر |
ياريح ياللي جبت عطر الزيزفون= خلّك على هونك وخفف بالنظر خفف نسايم هبّتك تحت الجفون = خلّك لطيف الجو لو خلّي حظر هات النسيم اللي يداعب هالعيون = ارفق على رمشه ترى رمشه زهر مابيك تجرح خاطر اللي له اكون = ان كان لي خاطر تحقق هالخبر |
ابيه جوّ(ن) معتدل يبدي الفتون = ابي احقق شوفتي له في عشر رمش وهدب و اجفان واعيان (ن) ونون = والجسم ويدينه وصوته لاصدر ولا تشغله عنّي وتخلف بالظنون = ابي هدوء الليل ونجوم السهر هات النسيم الورد وارواح الدهون = واشرح له الخاطر ولا ياتي كدر هب النسايم بس من بين المتون = خلّ الهوى ينثر لموجه هالشعر |
ارسم بتيّارك احاسيس السكون = هذا ترى الغالي وخلّك في حذر حسّسه بالراحه وخلّه ذو شجون = لا بارد(ن) قارس ولا حرّ(ن) ضجر هذي شروطي كان بك خير(ن) يكون = وان كان حققت الطلب قلبي شكر |
ياعلّ ماتفقد عيوني عيونك ............................ يا اول احلام المعنّى وتاليه عطني الخفوق وكلّ كلّي يجونك ............................. يافرحة الطفل السعيد وأغانيه ياعلّني فكرك وذوقك ولونك ............................. وياعل كلّك لي انا وانت غاليه قلبي وروحي والوفا دوم دونك ............................. يشريك قلبي دام لك قلب شاريه |
يارحمة الله طاب للعمر ميقاف = وازهت دواخل خَلْجت النفس فيها واستبشرت للمغفره ارواح واكتاف = لا فرق لا ميزه تساوت يديها تربت يدى منهو على الدين لهّاف = اللي نوى يمحي ذنوبن عليها |
ياخاطري بالله لا تحمل اهموم = حتى لو ان الخلق فيك اتّبايع مادام لك وجهه وغايه ومعلوم = خلّك على وضح النقى ورد فايع ياالمعدن الصافي ولو جاتك اسهوم =ماتنثني هامتك مادمت شايع لو تخسر الغالين ويصيبك اللوم = لو ماكسبت اللا انت والله رايع ياخاطري بالله لاتحمل اهموم = من لاحفظ ودّك ترى يعيش جايع |
مالمت قلبك ياعسى قلبك بخير = انت الملاك اللي دروبه تساهيل لا تخلط اوراق الاحاسيس ياطير = وانتم غلاكم فوق كل المكاييل ماجا ابد منكم خطا فيه تبرير = يا اهل الوفا واهل الصفات المداهيل احيان احاسب خاطري بوضع تقرير = وآغنّي احروفي حزين التراتيل |
(بين هنا وهناك) لم اعد هناك فهناك الامور تتغير بشكل جنوني احب الهدوء لا احب المهاترات (الضعف والقوه) عجبا لمن يجعل الضعف سكوتا او تفاديا للمهاترات ويجعل القوة هي النزول لاخر منحدرات المهاترات (الضيافه كفلسفه تخصني ) ليس لأحد على احد شرط فكل مكان يذهب اليه الانسان هو ضيف فإن طاب المقام بقي وان لم يطب فأرض الله واسعه والطيبون كثيرون هكذا تعلمت في الحياه يقال ياغريب كن اديب (مواجهة الرجل والانثى) يقال وهي حقيقه يستطيع الرجل مواجهة اي رجل ولأي سبب ولكن اخلاقيا وادبيا ومن صفات الرجوله ان لا يواجه الرجل امرأه ابدا ولأي سبب فهو مبدأ الرجال الحقيقيون وان فكر في مواجهتها سحقا فكل الظروف ستكون ضده |
البارحه يا منيتي فيك اّّهات = البارحه ياطاري العشق لك ثوب خطوتك تقصرها بضيق المسافات = في رحلتك تاهت خطاويك بدروب ليلك فضح عشقك وصبحك متاّّهات = وقلبك على نوحه معذّب ومسلوب رمشك تحت جفنك يثاقل غمامات = وحبرك على صفحة رجاويك مسكوب وتصافح اكفوفك كفوف النهايات = تكسف شعاع الصبح وتعيش بغروب وتعيش في ليلك على صوب مافات = وحبل الشقا قيّدك بالجرح من صوب ياجعلني فدوة عيونك سلامات =ياليت ما صابك نصيبي و مكتوب واشيل جرحك وابتسم كل ماجات = عينك بعيني وانت هاني ومحبوب انت الهنا وانت السعد والمسرات = انت الدلع وانت الامل وانت غرشوب |
يا اعذب من سكـن فينـي واعـذب مابهالثقليـن=تـعــال و لا تخلـيـنـي ضــريــر الــشــوف بالـمـقـصـود تـعــال وعـيــش بعـيـونـي تـعــال انـــزل هــنــا يــازيــن=ابي شوفي يعيش احلى حكايات الوفا مشهود ابــــي تــرســم لـنـظـراتـي خــطــاوي تـحـمــل الاثـنــيــن=وكـــف الـعـشـق مابـيـنـي ومابـيـنـك حــبــل مــمــدود يا اعذب من سكـن فينـي واعـذب مابهالثقليـن=تـعــال و لا تخلـيـنـي ضــريــر الــشــوف بالـمـقـصـود |
وحشتني ياللي غيابك ذبحني = مشتاق اشوفك ياهوى البال مشتاق هجرك ترى والبعد والله جرحني= وقتي بغيابك صعب ماصار ينطاق القلب بغيابك حبيبي سألني =يـاالـلـي طــغــى ذوقــــك على كــــل الاذواق في عينك اليسرى حنين (ن) اسرني= وفي عينك اليمني من العشق ترياق تعال ماباقي كلامن ظمرني =كل الرجاوي سقتها مابقى باق |
آمر تدلل ياحبيبي عليّه = لو تطلب اعيوني تراها هديّه سمّ وتخير واطلب اللي في بالك =تراك والله منت عندي شويّه لا يابعد حيّي ابد لا تفكّر = ايجيك منّي اي زعل او خطيّه |
كل العذارى تبتسم لي وعييّت = الاّ انت مدري ليه هالقلب شاريك الله حسيبك كيف في القلب شبّيت = نارك وانا قلبي رفض لايجافيك طيرك على غصن الهوى يومك اهديت = احساس ماحسّه على غير طاريك |
ياغاليه اهديت انا قلبك اكتاب = لك اول الصفحات عشقي وشوقي في آخر الصفحات لك لوم و عتاب = لجل الغياب اللي ينشّف عروقي اسأل عليك اليوم ياسر الاعجاب = وارسل عليك الشوق عذب الطروقي افدى الدلع والغُنْج ياسيْد الاحباب = وافداك ياحلو الطَعَم والعذوقي |
جمال العيد واحساسه ولونه= وعطر العيد والثوب الجديدي وفرحة خاطري عمره وكونه =وطعم العيد والوقت السعيدي وجودك فيه يا جنّة فتونه = يانور العيد يافرحة قصيدي تعال وشوف مكتوب بعيونه = يقول انه عشانك جا يعيدي |
يا مرهفه يا ناعمه مافيه مثلك صار حيّ= يادافيه ياللي ضوى بليلي خدودك نور ضي ياكامله ذوق وحلى يا قمة احلامي انا = يا اخر امالي و الهامي واشواقي عليّ والله ماشفت بعيوني مثل بعضك يالغلا=وشلون لو كلك بدى والله مامثلك وزيّ انتي الفضا والزين من حولك كواكب سابحه = يا قمة اللا حدّ بحدود الجمال بكل شيّ يامنبع الطهر وجمال الروح واسباب الرضى = ياللي هويتك حب عذري ماهويتك فيني غيّ |
ياحسين خلي لو زعل ياحسين = ماهان خاطر عاشقي لا هان ياحسين انا عايش على نارين = والله ماغيره ترى انسان قل له ترى روحي فدى يا زين=وافدى العيون الواسعه يافلان وشلون كل هذا زعل من وين = شايل علي بخاطرك زعلان ارضيه بعيوني انا الثنتين = ماعاش منهو زعله ما كان |
كفايه يانظر عيني كفايه =بلاش اتعيد لي نفس الحكايه عشان اني احبك موت فيني = تبي تلوي ذراعي من البدايه رجيتك لا تجرّحني رجيتك = خطاك انته ترى ماهو خطايه انا عايش لجل ارضيك فيني = ولاهمك حبيبي في رضايه |
لو شفت غيري يشتري لحظة رضاك = ابقى الوحيد اللي يجاوب سؤالك من اولك لي آخرك قلبي قراك =واعرف وش اللي من يمين و شمالك الله وكيلك ما ذبحني سواك = يا سارقن من موق عيني خيالك بس المصيبه كان جرحك دواك = انته هناي وطيف غيري هنالك ياحظ عين اللي سرقني هواك = وياقهر قلبي كان ماخذت بالك |
يامساء الخير يالقلب الحنون = ياعزيز النفس ياطهر الوجود نفسك العليا تباعدك الظنون= موقعك فوق الكواكب والحدود يا كريم النفس نفسك ماتهون = ياعريب الجد يانسل الفهود جامعن ذوق التعامل والفنون = والخجل صبغه في هرجك والردود احترامك تفرضه بكل العيون = والذكا والطيب من طيبك يسود ياعسى ربي على عمرك يصون = ياعسى فال السعاده لك يجود |
| الساعة الآن 03:47AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية