|
بيت وكلمة مساحة بووووح
بسم الله الرحمن الرحيم
السلام عليكم ورحمة الله وبركاته أحبتي في منتديات رهب الشامخه اسعد الله جميع اوقاتكم بكل خير أعجبتني فكرة تمرير الكلمه لما لها من الأثر على الشاعر حيث يكون لديه لياقه شعريه والعضو اللي ماهو شاعر بأمكانه يجيب اي بيت يتطابق مع الفكره بشرط ذكر اسم قائله الفكره ببساطه هي ان تكتب كلمه وتطلب من العضو اللي بعدك يكتب بيت شعر يتضمن تلك الكلمه مثال على ذلك كتبت لمن بعدي ( شــمــــعـــه) يجي اللي بعد يقول: :: فجأه طفى نور (ن) تغذيه شمعه ادهش خيالي مشهد(ن) روّع الحي :: وتستمر بهذا الشكل كل واحد يكتب عن الكلمة التي وضعها من سبقه بيت شعر ومن ثم يختار كلمه للي بعده كلي أمل ان تجد القبول والتفاعل ولكم كل الحب والود |
طبعاَ بمااني متواجد اقول لمن يأتي بعدي الكلمه التي اختارها واهديها لكل متصفح ورده :r: |
احلى من الفكره
مبتكرهاا بهديك باااقة ورد ماهيب ورده وان جيت قدامك بســـاتين غنّــا ( مبطي ) مع كل الود جاايز |
مبطي كتبتك في سجلي وخطيت
تبطي وانا ماحط واحد بدالك ( الحب ) كل الحب خلف |
أكيد بـ تجد القبول والتفاعل ..
ونتمنى أن يستمر تثبيتها . ( أحساسك غير يابوسامي ) : ياللي تقول الحب وهم وخرافه عز الله انك من عديمين الاحساس الحب نبراس الوفا والعفافه آيه جعلها خالق الناس للناس ( وين أنت ) |
والله روعه
ولي عوده اشكرك |
وين انت ياللي اتصل فيه مارد
قلي عسى ماشر يااغلى الوفيين لمشرفنا خلف الشلهوب اللي بعدي (حس) |
ابي انشدك ياصاحبي عن مايدور بخاطري
كانك تحس اللي احس يعني تراك تحبني اللي بعدي (الشعور) تحياتي لكل من شارك ولمن سيشارك |
نفس الشعــور آباادلك ..
اروي ضماك واشربك .. عودي لمنهو عــاادلك .. ياجمــلتن جيت اعربك .. (سوالفك) مع كل الود جاايز |
سوالفك ماملها
فيها العذوبه كلها وانت وانا ياصحبي نسهر على نور القمر القادم يكتب عن (الليل) كل الحب |
:
من قصيده قديمه لي : أنا توي عرفت أنك قليلة ذوق عديمة حس ولاتلقين ألا اللي ضرب كاسه على كاسك معاك الليل وانا ابقى على وضح النقى بالشمس يكفي رافع(ن) راسي وأنتي خاضع(ن) راسك ( المسافه ) |
مبدعين مبدعين مبدعين
كل من هنا مبدع .. المسافه بيننا فتر وشبر وانتظرتك يالغلا ماجيتني اللي بعد (اللقاء) |
اقتباس:
ياحبني لك اخي خلف والله يعطيك العافيه اخي العزيز,, |
رفيع النفس
كل الشكر والتقدير حبك ربك كما احببتني فيه تحياتي واحترامي لك |
طال انتظاري واللقاء غاب طاريه .. والشوق نــاره محرقه لو تحسّـين !! لحظات |
لحظات احس انك معي وين ماروح
ولحظه تجي احس فيها بغيابك الانتظار كل الحب |
راحت ايامي ضحية انتظااار والوعد لليوم هذا مااا صدق ملل ا |
:
ملل هم وتناهيد ومواجع أووووف وش اللي مابقى فيني عقب ماراح ( وجد ) |
ياقااااطعن شريااان قلبي من الوجــد احرقت محصول الغلاا في غياابك شعوري |
: شعوري ترجمه قلبي قصايد ألحنها ليّا مني ذكرتكـ ( رهب ) :) |
رهب رهب تبقى رهب
طول الليالي عاليه اسمٍ ومنقوش بذهب من الكل والله غاليه كل الشكر لكم اخواني على المشاركه وهذا سر تميزكم اللي بعدي (تحيه) كل الحب |
: تحية عز ياقلب(ن) نبض فيه الوفا بهبال صحى ولاغيره غدر الحبيب وطعنة الصاحب ياشر(ن) من بلاه اضحك لحالي قلت كيف الحال عسى ماتسكن الضيقه مشاعر صدري الراحب ( العيد ) |
العيد واقف على الابواب
وانا وصوله يخوفني اشتاق له وانطره لاغاب متى على الله يشرفني (الغياب) |
تحرك احساسي تجاهك وهو ميت واصبحت محبوبي ولا آشوف غيرك لكن تعمدت الغياب وتماااديت ماا طعتني وابعدت في خط سيرك اعميتني عن شوف غيرك وقفّـيت واصبحت ماااشوفك ولاآشوف غيرك (( المساا )) |
الله يسعد مساء الكل
ويعطر الصبح بالكادي عطر |
كم كتبت أسمك على صدر القصيد وكل حرف(ن) من حروفه في شطر يارحيق الورد والمسك الفريد علَني مـ اعدمك ياأجمل عطر : ( الوله ) |
لامتى نخفي المشاعر يالهنوف
القلوب سنين تنبض بـ الوله من قصيدتي الهنوف منشوره هنا . . الحنين |
الحنين إلى خذا قلب ٍ مشقا
ماترك شين اباله ماطراله والغلا ياضح ولا ونه تتقا تعرفه من صاحبه اومن خلاله لاصعق من لسعة اطلاله تلقا مايتعدى قو صبره واحتماله ارجواني كتبت مايروق لكم ولسمي والزميل الرائع مع ودي واحترامي للجميع :r: |
الغالي خلف المهيلان .. صح لسانك
بس ليتك مختار لنا كلمه نبني عليها بيت شعر الظاهر أنك نسيت .. :) لكن أبشر .. أنا بطلب كلمه للي بعدي . بختار المدينه العربيه المحاصره واللي تعرضت لمجازر أمس وقبل أمس والله ينصر أهلها ويزيدها صمود وعزه وكرامه : ( غزّه ) |
غزه تنادي ياعرب وينكم فيه
وحنا العرب مانملك الا الاستنكار اللي بعدي المسافة كل الحب |
كيف اقرب هالمسافه
بيني وبين الحبيب وكل خطوة باتجاهه تبعده عني اثنتين لو زهمت الصوت باسمه ياترى هل من مجيب ادري انه لو سمعني مايرد بكلمتين اعشقه من كل قلبي والهوى مافيه عيب والكرامة و المبدائ بادئه في الحالتين كل الحب |
نسيت اختار كلمة بالرد السابق
ابي اختار (شمس) كافي قهر .. كافي سهر.. ياغايبة يكفي انتظار يكفي سألت بعـالمك.. بالله ياشمس اطـلـعي اللي بعدي (وصول) كل الحب |
انتظاري تاه بين اربع فصول=ياصبر قلبي على طول انتظاري مالقيت برحلة ادروبي وصول=يمكن اصل ساعة الموت احتضاري الغالي خلف الشلهوب اتصدق اني ماشفت ها الموضوع الا اليوم هههههه والله انك راااائع ياخلف موضوع جميل جداجدا (شف) |
كل الشكر والتقدير اخي الغالي
زايد الدغماني على حضورك الراقي والعذب وحضورك الشعري العالي الجمال لايكتمل الا بتواجدك شف بالي من هبالي نلتقي عند الغدير واثري اني من هبالي عايش بحلم الخيال اللي بعد كلمة (الخيال) كل الحب |
الخيال :
انتظرت اسبوع واكثر أي زاير للخيال مالقيت انسان غيري عايش(ن) واقع خيالي امتطيت الصبر وامرح لآخر حدود المجال المصيبة لاتجاوز كل حد(ن) لأحتمالي أسألك بالله قلي يافدا قلبك تعال كيف اسعى في وصالك وانت ماتسعى بوصالي .. اللي بعدي كلمة (اشوفك) كل الحب |
فكره رائعة وجميلة اخوي خلف
عجزت اشوفك وانت اقرب من الرمش ........... ياسكنن بقصى الحشى ياحياتي . الكلمة ( الموق ) |
(الموق)
كل الشكر والتقدير اخوي تركي على مشاركتك الرائعه والراقيه اسعدك المولى .. :: مشاركتي : يشدني منظر جمال الطبيعة لاشفت انا المنظر تزايدبي الشوق لأم العيون الفاتنات الوسيعة اموت واحيا بين الاهداب و الموق اختار لمن بعدي (العيون) كل الحب |
ابشر يالغلا والله انها عجبتني وراقت لي صراحه .. :) وانت رائع وما يجي منك الا الروعة والجمال ياغالي
العيون تهل دمعة من عناها ....... والصدر بالعبرات ضايق ومخنوق ضاقت بي الدنياء وعالي سماها ........ ياويل قلبي من بلا فقد مخلوق . الكلمة (الأحساس ) |
الله يعطيك العافية اخوي تركي
ماقصرت بيض الله وجهك وصح احساسك ولسانك على هذا الابداع . دمت مبدعاً (الاحساس) عذال درب الحب ماتترك ابليس تتبع هواه ولاتحسب للأحساس حاسو طريقي في رواغ وتداسيس وضربتني ياشوق في مفرق الراس اللي بعدي (الطعنة) كل الحب |
سيدي انا لست ممن يجارون جزالتك ولكنني اقتبس من نورك لآرسم لك شيئاً من انعكاس ضوءك ..
استلم ياغالي .. الطعنة الي تذبحك ثم تنهيك ........ لاجت من يدين الحبيبة بظهرك من عقب ماكانت تنور لياليك ........ وتفرح اذا شمت مع الريح عطرك الكلمة ( الحنين) |
| الساعة الآن 12:19PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية