ســجـل دخولك المنتدى في بيت شعر ....@@
الشعر اكســـجين الروح .. وميكروكروم الجــروح .. وقلب كل عاشــق للأبـــداع بنبضـــه شيئ من البـــــــــــوح .. بهذه المســاحه الجميــــــله ســوف نزرع .. حــدائـــــــق من الورد .. ونجعلهــا واحات شاسعـه نديـــه بصدق الود هنــا نسجل الدخـــول بـأبيات أو بيت من الشعر ومن يكتب بيت شعر ليس من بوح قلبـــه .. نتمنى ان لا يهضم حقوق الشاعر بذكر اسمه ســأبـــدأ بالدخـــــــول لا تلحق المقفي عبار ومشاريه انسه ولا يلحقك لومه ليا لااااام ومن لا تحمل زلتـــك لا تصافيـه خله .. ولو انــه لرفقتــك عزام وراع الخيانـه بالخلا لا تخاويــه ما ينومن قلبه على الغدر مريام محمد الاحمد السديري |
فعـــلا تجـللت الخطـا فعـلا اخطيـت *** وفعـلا كتبـت الجـرح فعـلا كتبتـــه كنـت احسـب انـك عـزوتـى لا تمنيت*** وكنـت احسبـك درع" يصيب" وأصبتـه لا زلـت اردد بالخفـا حكمـة المـيـت *** الشـاعـر اللـى مـات قبلـى وهبتــه (( رهـــــــب )) http://www.9m.com/upload/20-09-2007/0.515620112595.gif |
غيرك بقلبي مافتحنا له حساب
تعال وزِع ربح سهم التجافي قدرك بقلبي عالي مثل ينساب لاوالله الا فوق سهم المصافي تحياتي |
الرائعه والجميــــــله رهب الأخطبوط خلف الشلهوب اضفتما هنا زخات من البرد الناصــع البياض كما هي ارواحكمــا شكرا للتفاعل السريـــــــع والطاغي شعرا وبوحا سنلتقي هنا كلما اردنـــا ان نتنفســ شعرا أكليـــــــما |
أكليما
بل انتي من يستحق الشكر على اتاحة هذه المساحه الحره للنبض الصادق كي ينبض الود ودي وجودي بينكم دايم لاشك عيَن ضروفي لايطيعني يسرقني الوقت واخذ منه سم تايم لاما جروحي من ايامي يطيبني للعلم : كل مايخطه قلمي هنا هو من نتاجي الخاص تحياتي |
علــى خــطاك الواثــقه تعــبر اخطــاي
خطـوه بخطـــوه يالطريـــق الابـــــوه يامنتهـــى درب العمــر فيــك مبداي تزيــدني همــــه وانــا ازداد قــــوه اخــذت منــك لوحشة الـدرب سلواى اســمٍ يــزود ضعــف عزمــي فتــوه لاانتهــض بي ورتفـع طــير شلواي صقـــرٍ ينومــس بالخضيراء علـــوه http://www.9m.com/upload/20-09-2007/...6011263374.jpg |
يابنت قلبي مـن سبايبـك منصـاب
من يوم شفتك صار بالقلب راجـوف سارح لحالي وكن من حولي أغـراب ما كنّـي إلاّ واحـدً حفهـم حـوف من اولً ياريـم مالـي مـن أحبـاب واليوم انتي كل الأحبـاب بالجـوف أدري تـراه العشـق ياريـم غـلاّب وحبك غلبني وصرت أنا منه مكسوف أكتب من الأشعـار وأخـط بكتـاب حبك سلب عقلي وأصبحت مكتـوف يعني أسيرك .! والهوى تو ما طـاب ويعني ملكتيني .! وانا صابني خوف خايف أنا يا الريم ماتحسب حسـاب لأقبلت أنا تصـد عنـي ولا تشـوف أرحم ترا ياالريـم عدّيـت الأسبـاب لأجلك أنـا والله متجـاوز صفـوف أهلي وناسـي والحبايـب والأقـراب فدوة لصوتك والبقا منـك مخلـوف وســـــــــــلاااامتكم جميعــــــــــــــاً مودتي |
اخترت اسجل دخولي فبيت يعجبني ....................... من كثر ماردده مامل ترديده شطرٍ قراني وشطرٍ منه يكتبني ....................... وليا قرتيه ختمت الآه تنهيده ( ياليت ربي ماخلق حب وفراق ..................وإلا خلق حبٍ على غيرفرقا ) |
|
الجمال بكل تفاصيــــــله انتم ... شكرا .... الى نهاية كون لتفاعلكم جميـــــــعـا .... الأخطبوط شي اكيـــد ما تخطــه هنا من بحر القلب ... اعرفك جيـــداً ايها البحر الله يبيض وجـه سـود الليالـي والله يسود وجه نياتي البيض ..! خالد الردادي |
وما زالت الحروف تتدفق كنهر عذب من قلوب الشعراء الكبار وهنا من قلب الشاعر الكبير / منصور الرويــــلي هذا النبــــــــع العذب الجزل .. مايزعل الا الكذب والظــلم والجـور لا جــاك مـن نـاسً رديً نســـبهـا الوقت هذا وقت سافـل ومحقـور من يوم شفت السوس داخل قصبها الزرع ماينبت على صحصح البـور والجُرب لو تطلى تزايـد جربـــهـا مبدع اينما كنت منصور أكليـــــــــــــما |
انصدمت صدمة كبيره حيل ماكني ياكود عودٍ وجاه العلم بعياله من هولها عجزن عظامي يشيلني اندشت واغشى عليَ وحالتي حاله |
اللــه مــن قلــب" علـى الكــود فــرا ***** وســـط الحشــى يلــوج ليـــله نهــاره لــولا ضلــوعــي فـــر مـن مستقــرهـ ***** وليحـــان صــدري محكمـاتـن وســـارهـ (( الأميــر محمــد الســديـري )) http://www.9m.com/upload/23-09-2007/...6011519133.gif |
صبــاحكـم مشرق جميعا بنـــور الأيمان اكتب لغيره والقصائد تجي فـيـــه كن القصائد حالفــه ماتـخووونــه متعب التركي أكليــــما |
كم خذلني زماني بس راسـي عـنـيــد صعب يرضى بنجم دون نجــم الجــدي صاحبي طاب خاطر صاحبــك والأكيــد شابت حروف شعري والسنين تعـدي وأنت بالله قلي وش تبـي بالقـصـيــد مــالك ومــال هـم بـالضـلـوع يـحـــدي نواف التركي أكليـــما |
على القمر غطت وتشرهه على الشمس
ولو مااوصلتها واصله مستواها لان الجمال يحس ماينلمس لمس واذواق خلق الله تفاوت رضاها تحياتي |
امــــــــــــــلاك عــذر وبــالعتــب مـا تهـقويـت **** ان الـــزعـــل يبعـــــد عـن المــي نبتـــــــــه جيتــك قصيـــد" يـــزرع القصـــد وأن جيــت **** فعـــلـن تجللــــــه الخطـــايــا وجبيتـــــــــــه فعـــــــــــــلا تجللـــت الخطــا فعـلا اخطيــت **** بـــــس القصيـــد اللــــي كتبنــي كتبتـــــــــه (( رهــــــــــــــــــب )) http://www.9m.com/upload/24-09-2007/...6011611157.jpg |
صباحات مشرقـــه بـضـيــاء وبريـــق الشعر . ياخزامى الفياض بكل نفحة عبير يا نسيم الهبوب بكل زفرة زهر يا رسول الرياح لكل غصنٍ نظير يا دموع السحاب بكل شوكة شجر ارسلوا في سماها كل طيرٍ يطير انشدوا عن ثراها كل عودٍ خضــر إتعبوا لي باثرها وأتعبوا لي بشير ان لقى الطير عـنها من يرد الخـــبر موسميّه تشرّب في ضواحي غــدير نرجسيّه تعجّب من هطــول المطــر الشاعر / عامر عمـٌـار دوله من الورد لقلوبـــــــــكم أكليــــــما |
واحلى صباحات رمضانية
. المسألة مو مسألة عذرٍ وذنب الذنب يغفر دامن العذر مقبول لاشك هذا القول خله على جنب تعال قول اللي تقوله وانا اقول الشلهوب |
جميــل جدا ان تجـد الروح لها مرسى بين جوانـــح الأبـــــداع ومن نبضـ شاعرنـا الجميـــــل / الأخطبـوط / هذا العزفـ على وتر من عروقــ القلبــ .. تدري اني .. يـاحبيبي .. أدري انـــك واقع(ن) بي .. مثل مانا .. واقع(ن) بك الغــلا .. كل الغــلا .. منـــي ومنــــك لاعب(ن) بي .. مثل مانا .. لاعب(ن) بك خلف الشلهوب دولة ود لقلوبــــــــكم أكليـــــــما |
اقتباس:
أكليما باقات ورد عطره اهديها الى ذوقك الراقي وخالص التقديري لهذا الاختيار الذي اسعدني وتصدقين اني ناسي البيوت هذولي من زمان كل الشكر والتقدير . . آي وونت تو ميت يو سيدي فيس تو فيس ايام شور آي ول دو ات يــاسيـــر |
سلامي عليكم وتقبل الله منا ومنكم سيدي تاج راسي مطلبي وامنياتي ماعشقته لزين ولاطـمع في رصيده اتباهى بصيته بين كل البناتي جمل الله شوقي بالصفات الحميده شـ الفجر ــوق |
ومن شهد الشعر .. ينسكب لنــا من عروق الأبـــــداع هذا النزف لشاعر من الشعراء المتمــــيز يين .. في هالزمـن .. حتى وهي كلمــة الحـــق ما تــطـــلع من الفــم .. غير بـعــلاقــــــه الشاعر / ناصر القحطاني دولة حبـ لقلوبــــكم أكليــــما |
ياضيف قلبي.. لاعــدمــتــك تــريـّــح بين الحـنـايا اللي بـهـا يـُـكــرم الضــيف خـل الشــوارد مع بـعـضــهــا تــطـيَـــح حــتـى يــجـيـب ..أنشــورهــأ حــامي الصـيـف مايـهــتـني.. صــدرا لـخـافيـــه.. بــــيَــــــح والوقت خيلـه لأحـتـبـاســـك مـــــزاهــــيـــف |
والله اني خايف انك في عذاب القلب ناوي آه ياعذب اللمى ياهي على على قلبي ثقيله خطوة الدرب الطويل ولدت الطرف الحياوي مثل حد السيف والقلب المولّــــع عــــز تي لــه |
وصباحات الشعر تسرق ضــوء متعدد الأنعكاســات الملونــه من اشراقــــة شمس هذا الصبـــاح النـدي.. ومن ضــوء أنـامل شاعر كبير .. نسرق نحن هذه الأضــاءه الرائعـــــه ... جيت في راسي سؤالٍ صعـب و(آثـرت اهتمامـه) لاهو ابعـد مـن تخيلكـم ولا اقـرب مـن لزومـي وش تظن يصيـر غالـي لا تراخصـت الكرامـه ؟ يالبعيد اللـي علومـه تظطـرب لا جـت علومـي والبنـادم لا يعيـش ان كـان مسلـوب احتـرامـه لو ملك من مـال دنيانـا :وانـا مـا زدت سومـي ألليالـي علمتنـي شـي عـن مـبـدا السـلامـه مثل ماهـي علمتنـي شـي واجـد عـن سلومـي الشاعر الكبير / عبدالله حاشم الشمري والى اشراقه واضــاءه اخرى لكم من القلبــــ نــــــــور .. أكليـــــــــما |
يــــــــــوم ابتـدينـا نـزرع الحـب والنــور ***** فـي شـوفـة اللـى مـن عليــه ابتـدينــــــا صـــار الظبـــاب اـدرب والـرؤيـه الســـور ***** وانت وانــــا لأحلـــى البـــلاد انتهينـــــاا |
كم واحد له غاية ماهرجها ...... يكنها لو هو للأدنين محتاج. . . . . . . تخيرت الفراق و مادريت ان الفراق وصال .. .. اقول اني نسيتك بس مادري كيف تاصل لي |
ان عقدناها بيدينا .. صعب يا الحاسد تلاشا *** ان قضبتوها ألـوف .. او قضب مليون واحد لانها صلبـه بقــوه.. ما بها غش وهشاشـــه *** اصعب من الصعب قطعه.. لوتقاضبها بدا يد |
وبشــوق العاشــق الصب ! اشتقت للجميـــع .. وبــوح الروح بهذا المتصفـــح الندي .. ماتت اشواقي عقب موتت وفاك وانتقل حبك لمثــواه الأخـــــير عـز قلبي فيـك يوم انه نعــاك ارثني .. وارثيك بالدمع الغزيـــر اذكر انك تهت في سكة عماك واذكر اني منك ما عينت خــير يوم زانت واندفع قــلبي وراك صار شييٍ ما هقيت انــه يصير كيف برت وكيف قلبك ما نهاك كيف ما نبٌـهك تـأنيب الضمير لا تحاول تعتذر لي عن خطـاك غلطتك اكبر من العــذر الكبير اعتبرني طيف عابر في هــواك ما انت فرحـان ن بصوتي لو تطير (( شاعر اجهل اسمه عذرا لكم )) دولة حـبـــــ لقلوبـــــكم أكليـــــــما |
ومن مطر قلبـ شاعر مبـــــدع .. نروي العطش بهذا البيت الجزل .. اكبر غلط ان الذي مات نبكيــــه مفروض نبكي من حياته خساره ياسلام عليك / خلف الشلهوب وطن من الحبـــــ لكم جميعا أكليـــــما |
هديتـك.. للأسـف حبـي.. وحلمـي.. لحظـة بوصالـك *** حفـرت إسـمـك وســط ذاتــي.. يشتّتـنـي ويلملمـنـي كتـبـتـك أجـمــل أبـيـاتـي وقـلــت الـشـعـر يـزهـالـك ***همست بمسمعـك عشقـي... بغيتـك (حـب) تسمّعنـي لقيـتـك (مــا مـعـك ذمــة) وسيـفـك يـقـطـع حـبـالـك *** تـخـون بعشـرتـي.. وخنـجـر خيانـاتـك... يقطّـعـنـي خيـانـة... كـانـت الشـعـرة لظـهـر بـعـيـرك الـهـالـك *** ومات الحب.(( لابو الحب..وغرام(ن) فيك جمّعني)) خـسـارة فيك..حـتـى الذم...خـسـارة بــك وبأمثـالـك *** ((وتـرى حتـى الهـوا نفسـه.. علـى حبـك يأنّبنـي)) |
والله اني فيك داري بس خــلّـك في متاهات الزمن تأخـذ مســـافـــه الحروف اللي منازلـهـا .. تـظـلّـك ماتـغـيّـر داخلك روح ...............؟ رحت عن وردك وريحانك وفـلّـك وجيت تندم حـضـك العاثر ..خـُـرافـه جعل هاذا كل ماتـمـلك وكــلــّـك ماعليك بكل حــالاتـــك حـســــافـه |
حاول تجاوب لي سؤالي / عشاني يالماضي اللي ماقدرت التفت له قلب ٍ هواك .. ولاهوى انسان ثاني في ذمتك .. كيف استلذيت قتله ! |
ومن عروق قلبــ صــدق بالحـبـــ ونزف الأبــــداع لكي نرتوي شعرا .. كذوب اللي يقول اقوى افراق الصاحب الغالي متى ما غاب عنك اللي تــــوده بانت الخــــله احمد الناصر الشايع والى مطرا آخر من قلب شاعر آخر لي معكم موعـــــد أكليــــــــما |
يسعد مسا كل من مر من هنا
من يوم أبونا آدم همس بأذنـه ابليـس وحنا.. نشيل ذنوب.. وهموم.. وآثـام واللي وضع للكـون عـدل المقاييـس له في تناقض صنعته شئـون وأحكـام من كلفك تيقـض جـروحٍ مداريـس؟ وش لك بكسر العِود من بعد الأصرام!! حنا بشر.. دم.. ومشاعر.. وأحاسيـس كل الفـوارق بيننـا " بصمـة ابهـام الشاعر صالح الضويحي وقصيده التحدي |
وانا اعيدها هنا فعلا قصيدة تحدي من يوم أبونا آدم همس بأذنـه ابليـس وحنا.. نشيل ذنوب.. وهموم.. وآثـام واللي وضع للكـون عـدل المقاييـس له في تناقض صنعته شئـون وأحكـام من كلفك تيقـض جـروحٍ مداريـس؟ وش لك بكسر العِود من بعد الأصرام!! حنا بشر.. دم.. ومشاعر.. وأحاسيـس كل الفـوارق بيننـا " بصمـة ابهـام صح لسان الشاعر وتسلم على المشاركه |
ارحب بالاخت سما الروسان وسعداء بتواجدها في هذا الصرح الشامخ حضورها معنا اضافة جميلة اسعدتنا كثيرا.. الشكر والتقدير لكِ .. شعاع الشمس شكرا لكِ تحياتي للجميع..... ........... تدرين ماحرّك سـكوني ولاقــلــت محتاج شي.. الاّ الوفاء البحت.. وأنــتـــي |
اليوم تم اسبوع عن حالـي النبـا
وقلبي يعاني من مفـارق حبيبتـه اللي تساوي عندي الكـون باكملـه قلبي يسامرها على طـول غيبتـه لوّ انهـا ماهيـب عنـدي قريّبـه يسرح بها شوقي ويرجـع بخيبتـه هي وينها ؟ لاحس جاني ولا خبر وامسيت مثل اللي خذوا منه هيبتـه يا روح روحي يا اقرب الناس كلهم ترضين قلبي ينكوي فـي غليبتـه؟ |
صبـاح مشـرق بشعاع نــور ينير طرقات الروح .. وخــوالج القلـبـــــ !! وما زالت عروق القلبــ تنزف شعراًً يعطر اجـواء النفس .. ويغســل ذواتنــا من الهمــــ .... حيٍ يــورّيــك المذلـة وتغـليـــه أنا أشهد إنك ميت القلب عامي من لا يــوّدك لا تــوّده وترجـيـــه أرفـع مقـامـك يا عزيز المقـامـي محمد الأحمد السديري ســحاب من الحبــ لقلوبــــــكم أكليـــــــما |
الساعة الآن 05:48PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية