|
ورد الاحلام ( نص جديد )
عبث أهد الطين وأبنيه صلبوخ = وأزرع أمل وأحصد متاهات وأوهام تعيش يارأسي .. معزز ومطنوخ = رغم الجروح ورغم تدليس الاقزام لا يكسرك وقتك ولا تمسح الجوخ = وانت الوريث لقمة المجد وحسام لك الصداره دامو أجدودك شيوخ = والشيخ ماتنكر مكانته الايام تسكن قصر ظله تعدى على الكوخ = والكوخ ماهو مسكن الحر ضرغام كان التواضع والبساطه من شموخ = وضعت لي بصمة على وجه الاعلام شاعر ولا أعسّف القوافي على فروخ = فروخ الدجاج اللي عليها الصقر حام شعورها من صدق الاحساس مسلوخ = ومشاعري عاشت نديمه للالهام ياصاحبي ساحتك بالون منفوخ = وجمهورها غنى على رقص الاقلام الشعر غيم وجذع الافكار شمروخ = والبوح نبض أحساس والهاجس هيام الشعر يبقى واكثر الشعر منسوخ = ياشجرةٍ في ظلها ورد الاحلام أبعدت عنها لا تنازل ولا رضوخ = وقربّت منها لا تراجع ولا أقدام ؟ عبث أهد الطين وأبنيه صلبوخ = وأزرع أمل وأحصد متاهات الاوهام . . |
منصور الرويلي احسنت الإختيار في موضوعك فجاء المضمون كما تريد ، نص اعجبني فائق الإحترام لك |
اقتباس:
الله الله الله والله ونعم يابو نايف شامخ يالاخو ومجملنا في كل مكان الله يجمل حالك في الدارين وصح لسانك ملايين |
منصور الرويلي اولا كفو ياهل العليا ومعروفين اول وتالي
وقصيدة شامخه وجزله اعجبتني جدا تحيتي لك |
|
أحمد العليان
من طيب ذاتك و ذائقتك تقديري |
الغالي
الشاعر منصور الرويلي الله انه يسعدك ويوفقك بجميع الاوقات بكل خير اسعدني كثيرا ان اكون ضمن المصافحين لهذه القصيده الاجمل من جميله والاروع من رائعه وصح لسانك وعلا شانك مليون ولا يكفون ولاهنت تقبل تحياتي |
خالد البرمان
أشادتك وسام فخر لا عدمتك أيها الوافي تقديري |
صح لسانك يالرويلي وعلاء شانك
لاهنت ولاهان راسك |
لاهنت ياعبدالله
ماعليك زود يالوافي تقديري |
سفير المعاني
أشكرك على مرورك تقديري |
منصور والله انك مبدع صح لسانك ياالذيب |
فواز الروقي
أشكرك على حضورك تحياتي |
استعاذ الرقاد من السهاد وغفا = واستعاد الغفا يملي علّيْ السهاد شـاعـرٍ لــو غــدى كـثــر الـبـحـر مـاكـفـا = والـغـرق مـاهـو الاّ جـهـل بـعـض الـعـبـاد الشـعـر لــو هــدا مـوجــه تـــرى مـاصـفـا = قـوت بــوح الـمـدى للفـكـر أكـبـر جـهـاد وش عـلـى الـنـار لــو تنـعـم بـهـا بالـدفــا = أصــلاً الـبـرد مـثـل الـنــار عـنــد الـجــراد كــل مـاأوحـيـت صـــوت أسـمـعـه مـالـفـا = رغــم أنــي أعيـشـه مــن وأنــا بالمـهـاد قلت أفـا ؟ قـال نبـع البـوح : عـل وأفـا = عْــلّ دام أنــت مابقلـبـك عـطـش للـسـواد عْـن سالـف بيـاض القلـب صـدري عـفـا = وأفـتـرق بالمـواجـه صــدق أحـــلا عـنــاد كــل ماقـلـت راح الشـعـر عـنــي .. لـفــا = والله أنــي دريـــت أنـــه شـعــورٍ وكـــاد أذكـر أنــي أحــب الشـمـس والـيـا ظـفـا = ليـلـي أدرك كـلامـه قـبـل أعْــرف الـمـراد شاعرٍ يعشق من العبرات ( أم الجفا ) = وأرض روحــه تحـيـيّـبـه مــن بـــلاد لـبّــلاد لو أعْرف لبعض طبعـي عـلاج وشفـا ؟ = كان ماأزعـل ضعيـف النفـس طبـع العنـاد عـــرق الاشـجــار مـاهـمـه هـبــوبٍ سـفــا = والشـجـر مـاتـذرى فـــي تـــراب الـحـمـاد حادي البوح ماذكر لأسألته نفا = والشعر مايثيرك فيه غير الوكاد قبل لوجيه سـّود أهل القلوب تحفا = هاك شعرٍ على الحاسد سواة الزناد أكثر ذنوب خلق الله قصيدٍ رفا = زلة العايل اللي قلت كبوة جواد والسهاد أستعاد النوم .. لكن غفا = ماغفا بس نومه صار وسط السهاد ! . . . . |
مـــــــــــــنصور تقبل مروري يامنصور
الله الشاهد بمتعتي بما تكتب يدك اخوك عبدالرحمن الدوسري |
في ساحةٍ ورعانها صاروا شيوخ = جمهورها غنى على رقص الاقلام الشعر غيم وجذع الافكار شمروخ = البوح نبض أحساس والهاجس هيام الشعر يبقى واكثر الشعر منسوخ = ياشجرةٍ في ظلها ورد الاحلام أبعدت عنها لا تنازل ولا رضوخ = وقربّت منها لا تراجع ولا أقدام ؟ . . |
في ساحةٍ ورعانها صاروا شيوخ = أصعد سنود وحطها تحت الاقدام
. |
كـان التـواضع والبـساطه مـن شموخ
وضعت لي بصمة على وجه الاعلام الله عليك يالرويلي رائع في جميع حالاتك صح لسانك |
| الساعة الآن 05:52AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية