|
اول مصافحة نصيحة
بسم الله الرحمن خير البدايــــــــات = إلهنا رب السما والبريـــــــــات سبحان من خيره على الخلق ظافي = الرازق الباسط بديع السمــاوات الظاهر الباطن والاول على الـــكل = حق لنا نعبده ونكــــــــفر اللات شرد المعاني تجتول داخل الراس = ولولى الرجا بالله ماسقت الابيات يالله ياربي رفعــــنا يدينـــــــــــــا = وحنا تحملنا ذنوب وخطـــــــيات اغفر خطايانا وثبت خطــــــــــانا = على طريق الخير في كل وجهات ونسألك غيث مدلهم خيـــــــــــاله = لانشى ربابه والتحم جاله اصوات حن الرعد والبرق في مقدمه لاح = ينساق صوب ديار نجد العذيـــات ويهل وبله في الفياض العجيبـــه = يحيي نبات طالت ايامه سبـــــــات كله من ذنوب علينا كثــــــــــيره = حتى اللمم صارت علينا بسيطــات يارب لاتواخذ عصاتك عليــــــنا = وارحم عباد تقضي الليل طاعــات اليوم في وقت علينا تغـــــــــــير = ياكثر ماشفنا من الوقت غــــارات ياسامعين القول عندي بضاعـــة = بلاش ما يلحق عليها خســـــارات من اولا تشرى وذا الحين تهـدى = عشاقها قلت وفيها المســــــــرات اسمع ياغافل لايغرك نشاطـــــك = وقتك ثمين ودور الايام عــجلات استثمر اوقاتك على مايســـــرك = اما مع اهل الخير رفقه وجلسات والا بترك الشر حث الجــهودي = اياك واهل السو لهو وغـــــفلات شبابنا له هيبه وعز وصــــــيت = بكم الامم تفخر بكل المجـــــالات ياما عليكم تعتمد نصرة الديـــن = شباب الامة ياشباب المــــــروات في ما مضى عمود للدين وانصار = واليوم في غفلة وترك الصلوات كم عمر ابوطالب علي يوم فدى = دون الرسول وحاز لاعلى الدرجات هذا الشباب اللي عليه الكلامي = الله واكبر ما اكبر الفرق للـــــذات ذيك الهمم ياطالبين المعــــــــزه = اللي تسوق اصحابها للطويــــلات في طاعة الله كل همه تعــــــــلا = وسنة نبيه من مسكها له اثبـــــات وترك النواهي واتباع الاوامـــر = هي مخرجك لاجالك ازمة وضيقات والامر بالمعروف يلزم علينــــا = تراه من افضل جميع العبـــادات ومن بعد طاعة والي الكون كله = لاينفلت برك ترى الحبل فــــلات الوالدين حقوقهم واجباتـــــــــي = حيين والا بعد من حسبة اموات جنتك تحت اقدام الام الحبيــــبه = والله ماتلحق جزا الام بالذات تسعة شهور تنقلك في حشــــاها = تصبر على ضيم الليال العسيرات وعامين حطت عضدها لك مخدة = ومع ذا وذاك عيونها لك لبيبات وابوك عضدك كل ما احتجت في شي = اياك لاتنسى حقوقه عظيمات وبنخا شباب اليوم ياصفوة الجيل = بقول شي شفت ما عقبه سكات لا ياشباب هلك في رغبة النفس = لاتطيع نفسك رغبة النفس شهوات تكسب امراض وتكسب ذنوب وهموم = ويروح عمرك بين حسرات واهات لافات شي مارجع لك على الكيف = تعاني همومه سنين طويلات النفس مثل الخيل صعبة ومطواع = ان ماعسفت النفس راحت بك وجات ما تقول يانفسي عن الشر شومي = وامشي مع اهل الطيب طبع وعادات رفقة رجال الطيب هي مكسبالك = والمرجلة ماتنجلب بالسهالات جالس جليس العز واياك والسؤ = اللي حياته بين نمه وعثرات حطه رسول الله كما نافخ الكير = ترى جليسك في نظر غيرك مرات وياللي نقل حتفه على كتفه وسار = بسّمٍ يفرح كل عاذل وشمات لا للمخدر ياعيال الحمايل = غزوا غزانا حط خلق الله اشتات يسحب خلايا المخ حتى النهاية = كم نسمع وكم ينشر من الدعايات وعيوننا تنظر والاحساس ميت = ما نتعظ قبل الامور الملمات يجيك راعيها كما سالم الزير = ما احدٍ فعل فعله وهي بس ساعات يبني ويهدم ما تعدى مكانه = في كل موضوع وضع فيه بصمات لاتروح منه انظر بعدها بساعة = وان ما استفدت اليوم تلقى المهونات قلته لكسب العبره ونستفيدي = والله ما قلته مرائي وشمات وين انت ياعود يبري ضميره = قدام لاتجرع من الوقت لوعات ابناك في رقبتك مهمة صعيبة = وانت الذي حملت كل الامانات العود لامن يبس يصعب عداله = تغانم اعيالك قبل ياتي اوقات تلقى المهونة من قريبين وبعيد = وكل نظر لك نظرة الذيب للشات ياناس دنياكم جمارك مروري = والله لو ناقف مع الذات لحظات معاد تسوى في نظرنا ولاشي = يوم فرح وايام ناكل مطبات غدارة خوانة مالها اصحاب = تضحك وهي تخفي من الوقت نكبات بالله لحظه وين سيد الخلايق = صفوة جميع الناس هو مابعد مات لاوالله الا مات وانا على الدرب = نمشي ولامعنا عليها ضمانات فيالله تحسن خاتمة من يخافك = لعمال تختم دايما بالنهايات واغفر خطايانا وثبت خطانا = على طريق الخير في كل وجهات وختامها مني صلاة وسلامى = على رسول ماكتب له خطيات |
الغالي
الشاعر شافي بن راشد النتيفات اهلا وسهلا بك في شبكة منتديات رهب و العشر الاخيره من رمضان عليك مباركة دوم والله انه يسعدك ويوفقك بجميع الاوقات بكل خير اسعدني كثيرا ان اكون ضمن المصافحين لهذه القصيده والمصافحة الاولى لك الجزلة والباذخة وما تحمله بطياتها من نصح ديني وانساني من شاعر متمكن ومخضرم وننتظر منك الكثير وصح لسانك وعلا شانك مليون ولا يكفون تقبل تحياتي |
|
..
صح لسانك يا شافي و لاهنت ابد قصيدة في غاية الروعة و الجمال اهلا بك دائما و ابدا ننتظر كل جديد بفارغ الصبر ريف .. |
صح لسانك قصيده رائعه
و جزله من شاعر كبير صح لسانك ولا تحرمنا جديدك **** |
الشاعر الكبير راشد بن شافي النتيفات
ارحب ونورت المنتدى نصائح ودرر من شاعر له باع طويل بالشعر لاهنت يابن العم على ماسطرت ونصحت وجزاك الله خير تقبل اسما تحياتي |
ارحب ارحب ملايين يابوشالح يالله حيه منور المنتدى ياغالي صح السانك وقلبك مليون ولايسدووون
تقديري وفاءق اخترامي |
اقتباس:
|
الشاعر القدير شافي بن راشد ياهلا ويامسهلا حياك الله ,,
اول شي لن نقول اول مصافه بل انطلاقة شاعرنا القدير شافي بيننا في بيت القصيد ونطمح بالمزيد والمزيد ,, صح الله لساانك وصح قلبك وكلك ولاهنت على هذى المعزوفه االشامخه الوافيه والكافيه بحق الكلمه ,, دلالية شاعر متمكن ومن تجربه وفيها من النصح مايكفي ويزود صح الله لساانك وكلك مره اخرى ,, تحياتي وتقديري لك شاعرنا الغالي وخالص متابعتي لما تقدم . |
الشاعر
شافي بن راشد النتيفات هلا وغلا الله محييك وشرف لنا تواجدك صح لسانك ودمت مبدع ومتألق دوماً تحياتي رهب |
اارحب يابو راشد يالله حيه في محله نورت المنتدى بحظورك
حروف درر في نص رااائع لاهنت |
اقتباس:
|
صح لسانك
شاعر جزل وتستاهل المتابعة تحياتي لك |
اقتباس:
|
الشاعر شافي صح لسانك مبدع
http://www.700bk.com/vb/uploadcenter...1324579062.gif |
اقتباس:
|
وصايا ثمينه جعلها الله في ميزان اعمالك الصالحه
وحياااك اخوي |
اقتباس:
|
حياك وبياك ايها القدير بين اخوانك واخواتك
ونحن بانتظار المزيد حيثك صاحب رسالة رائعة عن طريق الشعر جعلها الله في ميزان حسناتك اجمل تحياتي م القلب |
اقتباس:
|
صح لسانك يالنتيفات
شاعر كبير ومعروف مكانك الشعري تحياتي وتقديري لك والف مبروك عليك الموقع الجديد |
صح لسانك
يا شافي . |
ملحمه شعريه بحق
اجدت وابدعت موفق للخير |
| الساعة الآن 11:02PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية