المجامله
أضحك وأجامل ونار الهم بضلوعي=وأحاول أنسى هـمـوم الـوقـت واتعابه شربت لي من شراب البين قرطوعي=كاس ٍ مراره يذوب كبد شرابه والوقت هاذي سواته مايجـي طوعي=لازم يدمـي من الـلي عاش به نابه افواج الاحداث مادامت على نوعي=أنواع لاكن هموم الوقت تتشابه اقول باللحظه اللي تذرف دموعي=هاذي دموع الفرح والنـفـس غـلابه اليا حصل ساعةٍ فيها هدا روعي=هي عـيد قـلبٍ سيوف الخوف تـعـثـابه احارب الياس وامضي واشعل شموعي=وما قدر الله عـلى الانسان يرضابه لو كنت بارض ٍ خليه مابها دوعي=اخير من قـربة الشمات واصحابه ترى أطيب القوم ياناشد هم ربوعي=واللاش لو هو من أدنى الناس ما أشقـابه الله جعل للمخاليق اصل وفـروعي= ومن جالس الخيرين الخير يهنابه بصـدور الاخيار للاخبار ينبوعي=مجالس المجد لاهل المجد جذابه عـنـدي تجارب حياة الناس مجموعي=رغـبـت عـلـم التجارب وأدرس كتابه الناس ترغب وتـتـبـع كل ممنوعي= من يجهل الشي دايم يبدي اعجابه يازين بالـعــز شرب السم منقوعي=ولا الـعسـل بالإهـانه موت يدعـابه عنك القلم ياقـليل العرف مرفوعي=من قل عرفه تخـلف والجهل عابه الفرق مابين موضوعك وموضوعي=تقدير ظرفا ً جميع الناس تبلابه للناس طبع ٍ بوقت الصغر مطبوعي=تغيير طبع البشر ماتملك أسبابه مع طول الايام كل العـلم مذيوعي=ماصار في عالـم النجدين يدرابه من عـامل الناس بالمعروف متبوعي=الرفق راعـيه روّض سيد الغابه من ينفع الناس باتلا الوقت منفوعي=الله بيوم القـيامه يوفـي حسابه الخير من حاملين الكبر منزوعي=تباعت الهون للمـعروف هيابه ياليت لو دابر الانذال مقطوعي=لو كان مايـنـقـص الممدوح سبابه الشر يازارعه بالخير مدفوعي=لاتعـلن الحرب خل السيف بجرابه لاتطلب الزود يابو ثوب مرقوعي=كلً عـلى طول جسمه يلبس ثيابه ماشفت عـنتر بتال الخيل مصروعي=ما فاد فـيه العـناد وقوة أعصابه ترى الغلط لو يدوم سنين مرجوعي=يرجع على راس من كان يـتـمـادابه ماكل من قال يالادنين مسموعي=بعض الرجاجيل يفشل من تعـزوابه ولاكل درعا ً من الفولاذ مصنوعي=ولا كل سيفٍ نهار الضيـق يدلابه ولا كل من يدعي بالصدق مشفوعي=كل الحقايق بموت الروح كذابه يوم المراجل كرم وسيوف ودروعي=ماكل من يطـلب النوماس يحظابه من لاتجمل بوقت الخوف والجوعي=وقت الرخى كل واحد يفتل اشنابه من لاصبر ماقدر والجود مزروعي=وكلً عـلى ميل نفسه يدلـج اركابه عبادة الناس ماهي حق مشروعي=جريمةٍ ترتـكـبـها ناس نصابه لابد سن اللبن بالسن مقلوعي=لازم يقـزيه عن راسً تربابه لابد للبدر بعض الوقت بسطوعي=يسطـع شعـاعـه وكل الناس تحيابه لابد للشمس بعد الليل بطلوعي=وكل الخلايق لرب الكون طلابه يضحك ضعيف العقل لو صاح مفجوعي=من لاوطى الجمر ظن الناس لعابه |
الاخ عبدالله
قصيدة رااائعة صححح بوحك |
يضحك ضعيف العقل لو صاح مفجوعي...من لا وطى الجمر ظن الناس لعابه
.............. تقف كلماتي عاجزه أمام هذا الصرح العظيم قصيده في منتهى الرووعه و الجمال من كل النواحي الشعريه صح لسانك مليون كل الود |
[table1="width:100%;"] | [/table1]. .. . خارج / النص : ) المميز : عبدالله المفضلي الشمري أتمنى أن تكون في تمام الصحة والعافية , / داخل / النص : ( حبك وسبك لا يجيده الا الكبار امثالك . طابت ايامك يالشمري ,, مودتي / حجاب . .. . |
صح لسانك أخ / عبدالله الشمـــــــري
مني لك فائق أحترامي |
الغالي الشاع عبدالله المفضلي الله يسعدك ويفقك بجميع اوقاتك اسعدني مروري على متصفحك اللذي يحمل قصيده بها من المضمون والمعنى الكثير انت شاعر قدير ومتمكن ومميز صح لسانك وعلا شانك يالغالي وتقبل تحياتي |
اقتباس:
الشاعر عبد الله الشمري صح لسانك مليون والله قصيدة رائعة |
رائعة تلامس واقع الكثيرين بالكثير من ابياتها رغم خصوصيتها
القدير عبدالله المفضلي لاجديد سوى الابداع المتواصل صح بوحك و طابت روحك |
اقتباس:
|
اقتباس:
الله الله الله الله >>> يا عبدالله يا نسل شمر دار الشعر ومقره أقف أحترام وتقدير للجزاله التي فاقت الوصف في هذه القصيده فصح لسانك وعلا شانك أيها الكريم ومن أعلى لأعلى بأذن الله وأقولها بكل مصداقيه نص في منتهى الأبداع من كل النواحي فقد كنت مميز هنا وبأذن الله التميز في القادم أكثر في كل قصيدة فتحياتي وشكري الكبير لك ... |
الساعة الآن 08:04PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية