|
اقتباس:
ههههههه الغواص زين اللي طاحوا فيك ماهو بواحد مجرم ولاكان تصير علوم |
اقتباس:
هلا وغلا بشاعرنا خلف العاطفي راعي اللموزين قل له ابي مكه ولا تقول ابي غليل ومشكور على الحضور بس نبي منك موقف لك لاهنت تقبل تحياتي |
اقتباس:
هلا وغلا بشاعرنا الغواااص مشكور على المشاركه حقا موقف محرج بس ما شاء الله عليك جعلتهم ينحرجون بتواجد الرجل اما فبل وجوده فانت لم تستعجل حياك الله وزرنا بما تملك من مواقف بارك الله فيك تقبل تحياتي |
اقتباس:
هههههههههههههههههه الله عليك يا ابو محمد حتى حركاتك ما تركتهاا مع السواقين بكره بسلك واحد يوديك لغليل ببلاش لو تبي ههههههههه اضحك الله سنكم كما اضحكتموني ........ |
اقتباس:
موقف جدا رائع و الله يرزقك بثلاث حريم و انا بعد مثلك بدل الكرتون راح تجيب ثلاث كراتين يالغواص ههههههههههههه شكرا لك اخي قصة طريفه :) |
مواقف مزعجه جداجداجدا
مماقرأت ونقلته للاطلاع والاستفاده تكررت سرقات مصليات النساء خلال صلاة التراويح بالعاصمة الرياض خلال هذا الأسبوع لمرتين متتاليتين، يقول مواطن تحتفظ "سبق" باسمه، إنه فوجئ أمس الأول لدى مروره بجوار جامع الحمادي في حي الفيحاء بالرياض، بشخصين تطاردهما امرأة من أمام مصلى النساء، قبل أن يستقل الشخصان سيارتهما ويلوذان بالفرار، المواطن أوضح أنه سمع المرأة تصرخ وتستغيث وتردد عبارة "حرامية حرامية"، مشيراً إلى أنه حاول اللحاق بالسيارة، وبعد أن قام قائدها بقطع إشارتين اكتفى المواطن بتدوين أرقام اللوحات وتسجيل بلاغ ضد الهاربين. يقول المواطن إنه عاد للمسجد واتضح أن اللصين استوليا على 8 حقائق تحتوي بعضها على مقتنيات ثمينة منها أجهزة آي فون وآي باد وغيرها، ويبين المواطن أن الدوريات وصلت للموقع واتضح من خلال حديث أحد أفرادها أنه سجل بلاغاً بسرقة مماثلة في أحد جوامع حي السعادة. المواطن ناشد الجهات المعنية بتكثيف الرقابة والإطاحة بهذه العصابة التي لم تراع حرمة بيوت الله ولا حرمة الشهر الكريم، كما أكد أن تكرار هذه السرقات يبرز الحاجة الماسة إلى تحذير النساء من عدم جلب المقتنيات الحديثة خلال أداء الصلوات. اعتذرعن طرح كهذا ولاكن يجب ان نعرف مكامن الخطر لتجنبه(اللهم اصلح حا كل مفسد وارحم كل ضعيف) |
اليوم من الملل قررت أروح للسوبر ماركت وطبعا ناقص شوية اغراض للمطبخ ومعي عبودي:e: ولد اختي ولفلفت فيها واخذت اللي ابي ولا ما ابي مدري وش فيني مريت على الثلاجات ولا ابي شيء قلت بقش حليب المراعي:e: بطريقي الا رجال كبير بالعمر واقف ويناظر يوم حطيته في السلة الا بسم الله ينقز علي ويصرخ علي على طول قمت التفت احسب فيه شيء انتي ليه ما تقاطعينهم ما خرب المقاطعة الا انتي واشباهك بلاك ما تدرين رفعوا سعره :MCPEa244: ومحاضرة من الروعة اللي جتني ما ادرى وش اقول وعلى طول خذاه من السلة ورجعه للثلاجة وجاب لي حليب نادك وحطه بالسلة ولا شاورني وانا ساكته ولا قلت ولا كلمه ولا رديت اويوم جيت احاسب وبطلع الا ينقز علي انتي طرماء ليه ما تحكين انا ابي انصحك رديت عليه جزاك خير وشكرا يا عم احسه حس انه روعني ويساعد السايق بالاكياس ويقوله لا تشترون المراعي مره ثاني ي محمد ما فيه كويس قل ل مدام :s23: الله يسامحه عليه صوت لدرجة شككني بروحي وش مسويه ويوم رجعت للبيت لقيت ثلاث علب حليب المراعي محد شربهم ما يسوى علي هالموقف :nono: ليتني قايله له يا عم والله مو ناقصتك http://hh7.net/Jul4/hh7.net_13109185482.gif |
اقتباس:
بارك الله فيك خلف هذي المواقف دايم نسمع فيها و للاسف لا الامن يكثف جهوده و لا الحريم يتعضن من غيرهم شكرا لك اخي على النصيحه ريف .,. |
اقتباس:
والله موقف ما تحسدين عليه :nono: بس لو مثلك اخذت المراعي و خليته يولي :d بس من حق شركة المراعي تزيد السعر لانهاا في طليعة الشركات و لبنهم عن جد ما فيه مثله :sm5: |
اقتباس:
احسبه من الهئية قمت اتلفت فيه احد وراي وينقال اللديرة منت منها تأدب فيها لاني بالطائف سكت :mf_tongue: |
اقتباس:
الغالي الشاعر ريف النشاما تسلم لمحبك على الحضور والمتابعه والتعليق ولعيونك نجيب لك موقف لهذا اليوم يحبه قلبك ورايح تضحك صح اقتباس:
الغالي الشاعر خلف العاطفي مشكور على المشاركه الجاده واللتي تعتبر تحذير من هؤلاء اللصوص ربي يزيلهم ويكفينا شرهم وشر فعايلهم لاهنت اقتباس:
الغاليه زمان العجايب مشكوره على المشاركه وهذا ملقوف وياليت قلتي له من تدخل بما لا يعنيه سمع مالايرضيه وقلتي رد الحليب ولا تعودها و امرك على زوجتك وبزرانك فقط ههههههههههههههههههههههههههههه |
اقتباس:
بكرى بروح ل نفس السوبرماركت وان لقيته بقوله نفس الكلام اللي قلته ولا يهمك عاد تصدق يالوالد بلعت العافية ولا رديت ولا شيء :d |
السلام عليكم ورحمة الله من كم يوم عزمت ناس من اهل جده اعرفهم وكانوا ثلاثه وافطرنا واللي علينا بالخير وقالوا اكرمك الله قلت لهم افا العشاء بعد صلاة العشاء مباشره قالوا اعذرنا ما قصرت وحنا نبي نروح نبيع موتر معنا لفلان زايد عن حاجته قلت تعشوا والله لا اشتريه بس اجلسوا قال احدهم ما ننصحك فيه قلت انا قابله سكر بماء لا يروح قدام ولا يرجع ورا المهم جلسوا وتعشينا ولله الحمد وشريت موترهم المهم انا لي حوالي اثنا عشر سنه تارك القياده لعدة اسباب عملية بالظهر وبعد الظهر قل عندي البصر المهم عطيت السياره واحد سوري صديق لي قلت له رح فيها للمهندس واصلح اي عطل وغير زيوتها وابا اخليها بجده لي ولضيوفي اللي يجون عن طريق الطيران وانا ابا استطيع اروح عليها بالنهار للسوبرماركت والمشاوير القريبه بدل الليموزينات وجت السياره من الورشه اولت امس وخذت فطوري انا وام محمد وافطرنا على البحر عند الامواج وشمينا هواء ورجعنا قبل اذان العشاء بدقائق وركبنا ومشينا بالبدايه كان الشارع منور ولكن عندما وصلنا منطقه النور فيها ضعيف ما قدرت اكمل الى الى مقر سكني وقفت ولبقت السياره قالت ام محمد ليه وقفت قلت انزلي نبي نركب ليموزين قالت قل غيرها قلت لها من خاف سلم وماني خايف على نفسي بقدر ما انا خايف عليك وعلى الناس اخاف اجيب العيد المهم وقفت راعي اللموزين وشلنا شنطة الافطار وركبنا معه وصلنا للعماره قال انا مرسلني لك ريف النشاما وزودت له الاجره هههههههههههههههههههههههههههههههههههه ودعتكم الله |
اقتباس:
وعساك دوم طيب انت والغالية ام محمد ليت من يتعلم منك بس من يسمع :r: |
اقتباس:
الغالية زمان العجايب هلا وغلا ومشكوره على تثبيت الموضوع وشعاري رفقا بالقوارير ازيدك من الشعر بيت رحت واياها للملاهي وركبت واياها سيارات حوالي نصف ساعه وهات يا مصادم ويوم رجعنا قلت لها عساك انبسطتي قالت انا عارفه ليه وديتني الملاهي علشان تبي تصادم البنات قلت افا لاو الله بس ان احاول احسسك واحسس نفسي اننا ما كبرنا واننا تونا لازم ننبسط و رغم انها اتهمتني كان ردي عليها جميل ودبلوماسي مما جعلها تعتذر مني وفقك الله |
ابومحمد
احسن ماسويت. والله يعطيك العافيه ويرزقك بالدكتور اللي يرجع بعد الله قوة النظر قل امين /وترى 12 سنه ماهي بسيطه بس اذا تعودت بيصير الموضوع سهل ///// اما منار... هههههه احس انها نست باقي الحساب من الروعه يعطيكم الف عافيه جميعا |
والله ياهاالموقف لخلاّني اطلع للدورالثالث جري واقفّل على نفسي باب الشقه
اناكل يوم اروح الديوانيه اذان المغرب وذاك اليوم كانت زوجتي مسيّره على الجيران هي وبعض جاراتها وعندخروجي على باب العماره واشوف زوجتى شايله طفلنا يزيد فى اللفّه وبجانبها جارتنا امرأه كبيره وانا انتظرهم الين وصلوا عندي واهجم على الحرمه وانا ادندن " ياهلا ياحبيبي وادخل يديني من تحت لفّة الطفل ابغى اشيله واسلّم عليه والحرمه مكلبشه يدينها فيه وماهي راضيه تفكّه وساكته وكانت الحرمه الكبيره قدتقدمت عدة خطوات وهي تلتفت عليّ وتقول بصوت خايف((فكّها...فكّها .... ماهي حرمتك))وانا انطلق جري الين الدور الثالث واصك باب البيت الين جات زوجتي وشرحت لها القصه واتصلَت على جارتها واعتذرت وكانت زوجة جاري عندها طفل قدولدي وهذا الموقف صار يمزح علي جاري وهوامام المسجد ويقول:: الله ياجار وش الحركات هاذي! |
الغالي
الشاعر الغواص حياك ربي يالذيب هههههههههههههههههههههههه ماردك الا الدور الثالث ثق انه حياء و الحياء خصلة من الايمان و طلعك بسرعه للدور الثالث حياء من الموقف بارك الله فيك والله يخليك ليزيد واخوانه وخواته تقبل تحياتي |
الغواااص
كيف حالك والله انك مستعجل بالحيل هههههههه زين انهم يعرفونك ولا كان علوووم |
مساء الخير
كنت اسولف مع وحدة ايطاليه وصورت معها المهم امي كانت تبتسم وانا بسوي لها اكشن قلت يمه ترى بتحط صورتي في الفيس بوك ههههههههههه وامي صارت مثل هالفيس :sm5::Looking_anim: لان امي ماتحب هالسوالف هههههههه وكل مااشوف الصورة اضحك :d |
اقتباس:
الغاليه رسيس حياك الله والف مرحبا بك مشتاقين لك ولمواقفك المضحكه والله لا يخليك من امك مشكوره على الحضور والمشاركه وفقك الله تقبل ي تحياتي |
السلام عليكم ورحمة الله قصة اليوم يستفاد منها قبل خمسة ايام خرب عندي مكيف وطلبت احد المصلحين للمكيفات ان يكشف عليه وجاء وقال يحتاج ماطور وتكلفت الماطور خمسمائة ريال قلت قل غيرها قال اللي سمعت وكان واثق اني ابا اصلحه تعرفون الجو في جده يحتاج تشغيل المكيف قلت خليه ابا اشتري جديد قال طيب بعنيه قلت اشتر قال بمية ريال قلت له ما تسوا ابا اعطيه الحارس ويبيعه بمعرفته حاول لقا ما في فايده جبت غيره اول ما دخل قلت له ارجو ان تكون من اللي يرسلون لاهلهم فلوس حلال لانني حسيت فيه مصلحيين كذابين قال ايش فيه بابا قلت هالمكيف كشف عليه قال بابا فيه زيت قلت لا فيه زيت اكل قال جيب جبت له زيت بفنجال وطلع نصف المكيف من مكانه وزيت المروحه واعاده وشغله واشتغل قلت كم حسابك قال بابا اي شي قلت لا لازم تقول انت قال عشرين ريال عطيته خمسين قلت عشرين شغلك والثلاثين حلال عليك لصدقك وكل الشغله فقط خمس دقايق وزهمت بعدها على الاول قلت تعال ابا ابيعك المكيف وجاء بسرعه قلت كم تشتريه قال بخمسين قلت انت اول تقول بميه قال والله انا بابا خسران لو اخذته قلت طيب اجل انت حرامي قال ليه بابا قلت المكيف شغال وانت تقول ماطور محروق وانفجع يوم شغلته قال كيف انت يصلح قلت جاني ابن حلال وصلحه وهو بمكانه يا قليل الذمه انت من اللي يغيرون مواطير المكيفات الاصليه بمواطير تجاريه وخجل من نفسه لهذا انتبهوا منهم وقيل التعيس من اتعظ بنفسه والسعيد من اتعظ بغيره ودمتم |
كنت ازور وحده بالمستشفى الا معنا بالاصانصير واحد كاشخ وعين ربي عليه وراز عمره بواحد يمشي وراه ويرفع صوته وهو يكلم وبروح لعمي فلان وبغير سيارتي ومن هالحكي اللي مأخوذ خيره على قولتهم
توقف الاصانصير الا المرافق يقول لو سمحتي طويل العمر بيطلع مدري وش اسوى له ارش ورد مثلا":mf_tongue: وهو خارج من الاصانصير زلق طويل العمر قدامي طااح على وجهه وخربت الكشخه والشماغ بجهة وحالته حالة بس الله لايبلانا ما يشوف تحته معلق عيونه بالسقف التواضع زين :sm5: لا شعوري جتني نوبة من الضحك ما قدرت أمسك نفسي :d حتى اللي بزورها ما قدرت ادخل عليها ابي أمسك روحي ما أضحك مو قادرة :d وبرجع للسيارة الا واقف ينتظر سيارته بنفس المواقف وترجع لي نوبة الضحك :d:d الله يسعده لو ما أعرفه خلاني أضحك من زمان ما ضحكت كذا :yasser: |
حياك الله يا زمان العجايب
اسعدتينا الله انه يسعدك بهذا الموقف اللي ما ينحسد عليه صاحبه والله يجزاك خير على دعائك له لانه تسبب بضحكتك اللي عسى دايمه بما حصل عليه وهذه تنبيه له ولخويه ان الكبر لله وحده وفقك الله تقبلي تحياتي |
اقتباس:
ضحكت على الطيحة والشماغ بطرف والجوال في ذاك بسم الله تبعثر بس ما فيه الا حنا في الممر ي حليله السعيد :d |
حياك الله يازمان العجايب وحيا الله الجميع بصراحه يا زمان قال المثل لاتطنز على اخيك يعافيه الله ويبتليك وهذا المثل انطبق علي في يوم من الايام القريبه وحنا بالمخيم في الثمامه فيه شايب صديق لي من الروح للروح واحب اعمل فيه مقالب لكن في ذلك اليوم ربي هو اللي كتب الله عليه ان يتليقف ويروح لمشب النار يجيب منه مركب الدلال والاباريق رغم ان فيه من يقوم بذلك غيره اصغر منه سن وكان العامل دوبه مبعده من النار من اجل يشيل الجمر ويجيبه للخيمه وشايبنا قصد المركا ومن عجلته شال المركا والله ينجينا واياكم من النار وصعق صعقه يسمعه اللي بالرياض من حر المركب ورماه ونحر الخزان وصار يحط يديه بالطين اللي تحت الحنفيه على شان تبرد الحراره وضحكنا وانا اكثرهم ضحك عليه وربي جازاني على ضحكي عليه وكان فيه خيمه للشباب رحت لهم اسولف معهم وانا قايم ابا ارجع لربعي اللي بالخيمه الاخرى طلبوني الشباب اقعد زياده معهم قلت ابشروا ابا ارجع لكم بس اروح اطمئن على عمكم الشايب بعد احتراق يده وعلى فزتي طفت الكهرباء وظهرت من الخيمه وانا امشي بسرعه وظلام وشوفي على قدي والا حبل الخيمه امام مشفته والا اول ما يصل الارض وجهي تقول كأن مصارع رماني بقوة وانا ازعق افكر راسي انفجر وهم يفزون ويوم شافوا وضعي الشايب ضحك ونسى الحروق اللي بيده بشكل هستيري والا الشباب حافرين حفره ومغطينها بكرتون وفوقها تراب بوجه العدو ومع هسترة الشايب ورقصه واذا هو داعس على الكرتون ما درى ان الشباب حاطين فخ يبونه يطيح به احد على شان يضحكون وهو يطيح فيه وصرخ صرخه من الفجيعه يسمعونها اللي بجده وانا اقوم على صرخته من مطيحي ورغم اني اتألم الا اني عجزت امسك روحي من الضحك والله لايعيد هاك الليله من شي شفته بعدها اربعة ايام وانا راسي يؤلمني والشايب اخذ مده وحروقه متعبته وربي شفاه وشفاني ومشكوره يازمان وسلامتك وسلامة الجميع وللجميع تحياتي |
اقتباس:
ههههههههههههههههههههههههههههههه سبحان الله كن الله مسلطك على هالاشكال مثل راعي الكوكتيل هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههه اتوقع عرفتي وش اقصد ان شاء الله تتذكرينه |
امس صار لي موقف محرج وطريف .. كنت حاط سيارتي في الورشة اصلحها وركبت لموزين ووقفت عن الصرافه اصرف والموزين واقف المهم طلعت مستعجل وركبت الموزين وقلت له حرك بسرعه ولا دققت بوجه السواق والا الحرمتين اللي يقولن خير ان شاء الله ههههه انا انلخمت وطلع اني راكب لموزين ثاني من جنب اللي فيه هههه والله وانزل وانا منحرج واعتذر منهم واركب الموزين و داقها لطمه هههههه
|
| الساعة الآن 01:12AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية