|
اممممم
اممممممممممممممممم بصراحه انا لماكنت صغيره طبعا كا اطفال السعوديه يكرهون الروحه للمدرسه وانا ما بقت حيله الا سويتها من ضمنها جدتي كانت تبي تروح عمره حطيت شنطتي المدرسيه معهم بالسياره :whistling: ولا دوامت اسبواع كامل كله بس علشان اغيب طبعا راحت كل الحيل عني في يوم كنت مالي اي مزاج اروح للمدرسه صحتني الوالده وانا ابكي بقووه قالت لي يالله قومي المدرسه قلت مخي يوجعني حييييل ما اقدر ادرس:mf_tongue: الاكيد اني بعد مخي يوجعني امي خلتني اروح للمدرسه غصب عني :d |
ليس في كل مره تنطلي الحيله يانوف
والأم عادة تعرف اولادها وحركاتهم واصلي اشكرك |
واحد من عمامي يحب سواليف القنص والبر ومعروف انه ما يجلس في بيته في الشتاء بالمخيم دايم
المهم كان ودنا نطلع معه ونشوف الطيور وكان المتحدث الرسمي بسم البنات انا وبنت عمي ثاني وطلبناه اخيرا بعد حب خشم من كل البنات وافق نروح ليلة وحده ويرجعنا من بكرى بس البنات طبعا" طلعنا وفرحنا كثير بالجو والحركات اللي مسويه بالمخيم وكان فيه ارانب حيه بالقفص البنات كل وحده خذت ارنب وقالت هذا لي ثم رحنا للطيور ونسميهم هذا لي وهذا لفلانه عمي تضايق ولا الومه حسنا عليه جوه اخر شيء بلش فينا كيف يسكتنا بالليل وحنا 5 بنات جاء وقال ترى فيه ذيب يحوم حول المخيم ولا تطلعون منه ابد امسكن ارضكن عاد شف الخوف اللي صار فينا وطول الليل ولا نوم ونعد الوقت متى يجي الصباح وانا واثنين من بنات ينقال فينا شجاعة شوي قلنا بنسمع فيه صوت ذيب ثم نرجع للبنات نقول صوته جوعان وطول الليل وحنا برج مراقبة وبسم الله اللي تبكي واللي تقول من اول وحده ياكلها الذيب واللي حاجزه اخر مكان بالخيمة ولا تنشاف من البطانية واللي توصي وووو وحالتا" حاله ننرحم :(1 ولا نمنا ابد ويوم اصبحنا الا جاء عمي قال وش فيكم قال بنرجع نبي اهلنا قال تغدوا وحنا نبي الفكة بعد يومين علم قال ترى ما فيه لا ذيب ولا شيء حتى صوت الذيب ترى الهندي يقلد الصوت ما خليتوا شيء ما بثرتوه بالمخيم حتى ضيوفي استحوا منكم عمي الله يغفر ويرحمه واذا تذكرت الموقف انا وبنات عمي نضحك ثم نبكي عليه لان روحه طيبة وحبيب حيل للصغار وكان يحبنا البنات بالحيل :r: |
يوم من عمري
واستنهضت الذاكره لتاخذني لعوالم البراءه المغموسه بالعناد يوم له مناسبه سأذكرها ومن ثم سأسرد ماذهبت له الذاكره من ذكريات الماضي الجميل بالأمس حادثتُ أختي الصغرى ... رغد .. وهي تدرس بالمرحله الإبتدائيه .. وبعد التحايا والسؤال عن الحال .. بدأت بسرد الأخبار خبراً تلو آخر واستوقفني من نشرة الأخبار موقف يمر على الكثير منا في المدارس بلا علامة استفهام؟؟ أو حتى تعجب !! قالت لي: بأنها في إحدى الحصص خرجت عليهم المعلمه محدثة جموع الطالبات بقولها ... إن بنات المعلمات (صديقاتها بالمدرسه) هن ذوات أصل وفصل والبقيه يفتقدن التربيه وأصولها !! سكت .. أنا!! وبفضول سألت: رغود وش سويت ؟؟ قالت:ولاشي قلت : ولاشي .. يابنت :Looking_anim:.. مارديت عليها قالت: لا مارديت قلت: متأكده :whistling: !!! قالت: ايه مارديت .. ثم اردفت .. أنا واثقه من نفسي وماحبيت أرد عليها لانها بتحطني في راسها وتاكل شوي من درجاتي قلت :بس هذا :Looking_anim: قالت:أصير أحسن من بنات المعلمات علماً وهي خلي كلامها ينفعهم أو يزود درجاتهم قلت: يابنت ماثارت فيكم واحده بسبب هالكلام قالت: تعودنا على كلامها وضحكت :d ... وبعد انتهاء المكالمه أخذتني الذاكره لموقف يقارب موقف أختي في الفعل ولكن يخالفه في ردة الفعل!!! كنت بالإبتدائيه وفي الصف السادس تحديداً .. كعادة الأطفال فيما بين الحصة والأخرى .. تبدأ الضجه بسبب الأحاديث المتبادله .. وفي غفلة منا دخلت معلمة حصة العربي وهي مشتاطة غضباً :flaming: .. وفي ثواني طبقنا البيت القائل : قم للمعلم وفه التبجيلا.. كاد المعلم أن يكون رسولا فبادلتنا الفعل بالتوبيخ بصوت عالٍ على الضجه التي أصدرناها وبلا تردد اتهمتنا بقلة الأدب .. وعقاباً لنا سنحرم من الذهاب للمكتبه كما وعدتنا الاسبوع الماضي وأيضاً لابد أن نتسمر في أماكننا وقوفاً .. زيادة في التنكيل .. وحباً في بسط النفوذ طبقنا العقوبات .. وبعد 5 دقايق .. فتحت فاها .. وقالت كل واحده تاخذ دفترها وتروح للمكتبه قدامي بسرعه طبعاً بنات الفصل نفذوا وبسرعه .. وماينلامون فالمعلمه تخوف اذا صرخت وأختكم في الله جنى .. متسمره في مكانها .. وبعد صديقاتي العزيزات ( دلول وأمونه ومهاوي) .. تحنطوا معي .. خاطبتني بعنف وبنبره لاأطيق توجيهها لي : ياست جنى مابتروحين المكتبه؟ قلت: :N_no: قالت: يالله تحركي بسرعه:I_angr1: قلت: :N_no: انا أنفذ كلامك وعقوبتك واذا غيرتي رأيك معناته انت غلطت بحقنا واحنا ننتظر الاعتذار !! شلون رديت عليها وبقوه .. مدري .. بس متاكده اني كنت على حق لانها مااحترمتنا .. المهم غلّظت مربية الأجيال الأيمان بانها بتنقصنا بالدرجات ومن هالكلام .. وانا وزميلاتي أصرينا مانروح معها للمكتبه .. ومن باب الوفاء بما قطعته على نفسها .. أُكلت علينا درجات كثيره في تلك الماده ..!! والحق يقال زعلت على درجاتي وبكيت بعد .. بس يالله تصرفي صار وكان فطري .. وعدينا المرحله لمراحل ومابقي من الموقف الا الذكرى من أمس أفكر وأقول أنا صح وإلا أختي رغود !!! واحترت بين الثقه و عزة النفس .. بين المصلحه الخاصه أو المصلحه العامه .. بين تقبل الخطأ أو رفضه .. بين التغاضي عن خطأ الأكبر سنّاً لمكانته .. أو الوقوف عند خطأ المربي لانه قدوه !! فكرت كذا قلت أنا صح وفكرت كذا قلت أختي صح .. ووصلت إلى أن الخطأ على مربي الأجيال (المعلمه) فهي من افتعل مواقف متشابهه لاتليق بمكانتها كمربيه بردّات فعل طفوليه متفاوته. يوم سعيد للجميع |
صعبه ياجنى قبول المعلمه بتصرفك لأن في هذا ضياع هيبتها , بعدين يمكن تصير ملطشه للبنات , لو قلتي لها بينك وبينها افضل , انتي ماشاء الله قياديه لكن تمردك عنيف .
|
اعترف ياسعود بالمرحله الابتدائيه كنت عنيده ..
وكنت أرى الخطأ وأصححه فوراً ولاأفكر في تبعات الأمر .. وقد يكون صغر العمر سبباً يشفع لي .. وإن كان هنالك من عتب على تصرفي فالعتب على المعلمه أشد فهي المربيه .. كان بإمكانها أن تمتص الموضوع وتحول مساره لصالحها ولكن للاسف لغة الصراخ ورفع الصوت بالباطل لغة لاتليق بها وللأسف أصرت على استخدامها .. بالمناسبه أحلى الأكشنات التمرديه في حياتي كانت بالمرحله الإبتدائي .. كنت دافوره وقوية شخصيه .. تقلدت منصب مهم وهو رئاسة جمعية النظام بالمدرسه .. لإحدى معلماتي الفضل في اكتشاف قدراتي .. أدين لها بذلك شكراً ياطهر |
اختي العزيزه جنــى الياسمين
معرفة مكامن الخطأ بداية الوصول لعلاجه , وبعض المعلمات للأسف تنقل مشاكل بيتها معها للمدرسه , يعني اي معلمه بينها وبين زوجها او اخوها مشكله , تجي وتحط الحرّه في الطالبات , اما معلمتك التي اعطتك قياده , فيمكن لها نظره مختلفه وهو الأحتواء , لأنه نفسيا حين يضج المعلم من احد الطلبه ويفشل معه يحتويه بوضعه مسؤلا عن الأمر الذي يعاني منه , طبعا انا مااتكلم عنك ( بسم الله عليك ) بس هذي قاعده معروفه اتمنى لك الخير |
صح هي قاعده معروفه تطبق للتغلب على التمرد السلوكي .. طبقتها إحدى المعلمات على بنت الجيران عندما كانت في الصف الثالث ابتدائي .. فهي كانت لاتجلس بين الحصص في الفصل أبداً ودوماً ما تجدها في الممرات .. متمرده على عريفة الفصل .. فجعلتها المعلمه عريفة الفصل والتزمت بالنظام قبل أن تطبقه على غيرها ..
أعرف بأني كنت متمرده على الاساليب التي أراها خطأ ولاأسكت عن قول الحق و معلمتي لم تكن لها نظرة الاحتواء من المؤكد لاني كنت على أدب سلوكي رفيع وشخصيتي القويه وشطارتي وحبي للنظام جعلني محبوبه عند الجميع من المعلمات وخصوصاً تلك المعلمه .. ماتصدق قد أيه أتمنى أشوفها مره ثانيه .. أتمنى أن لاتحرمنا من تواجدك الدائم هنا .. فالجميع متابع لما تكتبه |
|
هلا بظل الياسمين
ايه هذي سمعتها مره زمان , رجل عفوي صادق , جازت لي شكرا لك لاضافتها ,,, يمكن تذكرتي موقف او سمعتي بمثله ... عادي اختي تحياتي |
| الساعة الآن 02:52AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية