جيتـك وأنـا ضايـق وتايـه ومقـهـور=مــن ظـيـم عفـنـيـن ٍ رخـــوم ٍ رديـــه
الوقـت منصفهـم وصايـر لهـم شـور=وأنــا همـومـي وســط قـلـبـي خـفـيـه
كم طعنت ٍ بالظهر مـن كـف ديجـور=يالله عـسـاهـا طعـونـهـم لـــي نــديــه
ما همني مخطي ولا شخص مغرور=ولاهمنـي مــن كــان راعــي خطـيـه
ياكود نفسـي مـا يجـي فينـي قصـور=ولا يجيـنـي شـخـص يخـطـي عـلـيـه
أمشـي طريقـي دايمـا نـور فـي نـور=وأبـعـد عــن المنـقـود وأهــل الـرديـه
وهمـوم قلبـي مبعدتنـي عــن الـجـور=مـاغـيـر أنـــا والظـلـمـه الـسـرمـديـه
مـا عنـدي إلا مرحبـا فـيـك مشـكـور=إقـلــط تـقـهـوى يـــا عـسـاهـا هـنـيـه
وإلا هــلا وأهلـيـن والــورد مـنـثـور=إرحــب بـهـا مــن طيبـهـا نرجـسـيـه

المدينه صابني منهـا اكتئـاب=الشوارع والقصـور العاليـه
الامانـي دونهـا درب العـذاب=واهنيـك يالقلـوب الساليـه
واهني من شاف غدران السراب=في مهاميه الفجوج الخاليـه
ان تعثّر حلم من وقت الشبـاب=الظـروف الاولـه والتاليـه
كل ما قلت السعـاده بأقتـراب=التعاسـه روّحـت متّالـيـه
الطرايد تمتلي منهـا الشعـاب=والكواسر من شقاهـا جاليـه
الرجال عزومها فوق الصعـاب=الجواهـر شكلهـا متلالـيـه
بالاهانه لعقة الشهـد المـذاب=تنقص الاعمار لو هي حاليـه
يقبل الحقران محقور الجنـاب=حقرت الاخيار نـاراً صاليـه
من رضي دوس الكرامه بالتراب=وش بقى له والكرامه غاليـه
الردي ما يستره زيـن الثيـاب=تستر الاجواد لوهـي باليـه