|
هههههههههههههههههههههه يعطيك العافية اخوي معتق اماااليوم موقف يااخي ماانحسد عليه والله فكينا الابل من الشبك نبيها تشرب من البركه اللي بالسوق >>>قل والله المهم وتنفك كلها وطبعا معها حشوان والله ويروح اثنين حشوان وينحاشون وكان معي صالح السوداني واصيح عليه ياصاااااااااااااااااااااااالح وصالح كان يكلم اما العيال في السودان ههههههههههههههههههههه ابيه يجيب الحشوان ولا يوقف عند الابل وانااروح اجيبها والزول يسولف واسمعه يقول لها ===والله ياخديجه الامور ماسمحه الامور متصعبه والامور معغده هههههههههههههههههه وتروح الحشوان ياالربع ماجابها الا اخوي مسفر وانواع الطلايب على راسي انا وانواع التهزيئ عاد مسفر اخوي انواع المشاكل والله كل الود والاحترام لك عزيزي سفير المعاني على الفكرة الرائعه اخوكم عبدالرحمن الدوسري |
الله عليك يا سعودي فرحان ونعسان تسلم الموقف مضحك جدا لاهنت على المشاركه هلابك عبدالرحمن الحمد لله على العقلان دامها رجعت الحلال ما يضيع والسوداني معذور لاهنت تحياتي |
ههههههههههههههههه
مواقف رائعه وفيها دروس عساني بس اتعلم منها والله يكثرمااخبص انواع الفهاوه مره اختي الكبيره جتنا زيارده وصلحت لي بسبوسه:e: يعنني انها مفجاءه عاد انا ادمان عليها احبها موووت ولازعلت يراضوني بسبوسه عاد كلن يتفنن :whistling: والمووويهم كان وقتها العصر توني صاحيه من النوم ومقفله النفس:nono: الا الشغاله جايبتها لي المهم حاطتها وراحت وجيت ابكلهاالاالبسبوسه محترقه شوي :(1 ماضبطت كالعاده<<تتشرط بعد وانزل تحت معصبه وش هالبسوسه المحروقه من الي مصلحها لايكون هالي ماتفهم وتجربون فيني وامي تطالع فيني <<يعني اهجدي وبقق عيوني بقمة الفهاوه:Looking_anim: هذي اختي ولاااناااحلم:d الي اختي جالسه قدامي بالصاله قالت اناالي مصلحتها والشغاله تعرفك تحبينهاوطلعتها فوق وحنا ماندري انهاوصلتك ههههههههه هدي يابنت الحلال تيوتيوتيو:(1 قلت لاشعوريا يالله حيها وين فلان خخخخخخخ ارقعها طلع وجهي الوان انواع طيحت الوجه:sm5: والكل ضحك علي:mf_tongue: وبعدين كليتها لعيونها بث:e:يعني لواني ساكتها من اول ابرك:thumb: وسلامتكم احذروا تكرروها ترا جلست كذا شهرماحط عيني بعين اختي:yasser: |
مرة أنا وخالتي خارج المملكه
في مجمع تجاري وشافت تحفه وأعجبتها وأشترتها وفي الطابق العلوي للمجمع شافت نفس التحفه بسعر اقل بكثير قالت لازم ارجع التحفه واسترد فلوسي الخاله ماتعرف بــ الانجليزي الا Money ,yes,no قالت لي تعالي تفاهمي معه بحكم انها ماتعرف الا Money ,yes,no قلت لها خلاص شريتيها وانتهى الموضوع .لاترجعينها بس صممت ترجعها قلت انا مانيب خويتك هههههه لاتفشلينا وانا برستيجي ماسمح لي اروح بس كنت ارقب المنظر من بعيد الخاله راحت له واشرت بيدها للسماء تقصد (اني رايت التحفه فوق بسعر ارخص) ووضعتها وقالت no no no ثم اشرت بيدها وقالت Money Money Money عصب الرجال ورمى بالفوس على الطاوله ههههههه ورجعت والابتسامه على وجهها وقلت لها والله ياخاله انك انت التوووووحفه وكل ماتذكرت هالموقف أضحك |
قبل يومين رحت انا وزميله لتوجيهه التربوي
بخصوص بعض الاجراءات المهم السائق هو تابع للمدرسه شايب ولايعرف يسوق عليمي وسيارته تجيب الهم وامامه شاحنه ولا وقف الا باللحظه الاخيرة وانا وضعت رأسي على كتف صديقتي :(1 وبعدها دخلنا التوجيهه كان مبنى كبير والعمل شكله مريح لاطالبات ولا تصحيح وصعدنا للطابق الرابع ونظرت للطابق من أعلى كان مرة شاهق :sm5: وقلت لصديقي اقول لهم وظفوني ولا بقط نفسي :d ههههههههههههه قالت لالالا بسم الله عليك طبعا انا امزح وعند العودة مع السائق الغبي قالت صديقتي كيف نرجع معه؟ خصوصا ان السائق الخاص لايدل مقر التوجيهه والوقت داهمنا ..:nono: فقلت اذا ركبنا نتشهد وخلاص هههههه قالت انا نسيت ما أقول لزوجي هههههههه قلت عادي لاتقولين له المهم رجعنا مع نفس السائق فقلت له لو سمحت انتبه للسواقه المهم انه صار يسوق ببطء ومع زحمه السيارات يرتبك:Looking_anim: ورفع ضغطي كننا في سفر ! قلت له انت تسوق بعير يااخي اسرع ههههههه ونظر لي من المراَة بحقد وعلى يمين الطريق مجمع تجاري (احتفظ باسمه ) >>احلفي ههههههه فقالت صديقتي ماودك بس نروح نتقهوى :yasser: قلت لها ايه وانت ماقلتي لزوجك :d ووصلنا للمدرسه على خير وكان نهايه الدوام وعند الباب سائقنا وركبت سيارتنا وشعرت بالفرق كان يوم مليء بالتعليقات شر البليه مايضحك |
الاخت شموخ نجد والاخت رسيس الله يعطيكن العافيه على المواقف وعلى تواجدكن واثراء الموضوع دمتن بخير تحياتي |
السلام عليكم الموقف اليوم مزعج لي ولصاحبي بس قد يضحكم انتم احبتي البارح جاني امر من صديق لي بجده برورة الحضور وهو غالي ورحت احجز ما لقيت وفيه رفيق لي شايب يسوى الف ولد من جميع النواحي قال والله ان اروح بك رفيقك يستاهل من يلبي رغبته قلت على بركة الله ورجعنا للبيت واخذت حوائجي مثل الكمبيوتر وحطيت ملتزاماتي الضرورريه في شنطة الكمبيوتر وتوكلنا على الله الى جده الساعه العاشره صباحا وعندما جت الساعه الواحده مساء بعد الظهر واطلع الكمبيوتر وافتحه واتصفح الموقع والا التصفح بطي وارجعه مكانه وافتكر شي مهم نسيته تصدقون وانا اصفق بيدي واقول ما هيب هي بصوت عالي وينفجع صاحبي من قو الصفقه باليدين والصوت قال خير قلت نسيت مفاتيح الشقه قال افا قلت ما عنك خفا واقوم باتصال بصاحب لي اجنبي بجده قلت له رح لمصلح المفاتيح وخله يفتح الشقه راح وعيا راعي المفاتيح يقول جب لي امر من الشرطه قال ماعندي امر الشقه لرفيقي قال وبعد الشقه ماهي لك يفتح الله انسى ورجع صاحبي واستأجر له دريل من نجار وجابه وتوه يشتغل سمعته جارتي وطلت وشافت ان اللي يحاول بالدريل بالباب فكرته حرامي واتصلت بالشرطه و قالت فيه حرامي يكسر شقة جارنا وجارنا مسافر وعطتهم العنوان وجت فورا الشرطه وقبضة على صاحبي قال لهم راعيها قايلي افتحها وهو بالطريق جاي لجده قالوا كم تلفونه وجا يفتح تلفونه والا بطارية التلفون خالصه قال لهم ما اعرف رقمه اصبروا اشحن البطاريه واظهر الرقم واتصل عليه قالوا ضف عفشك واشحن بالقسم وشالوه هذا وانا ازهم عيه وتلفنه مقفل وقول عما وراه مطفي تلفونه المهم ارجع لصاحبنا المحجوز بعد ساعه نادوه قالوا وين رقم صاحب الشقه وش اسمه واسم اوه وعائلته قال اسمه فلان وانا اعرفه بابو محمد من يوم عرفته واسم عائلته قال والله نسيت طمس على قلبه ونسى اسم عائلتي كان المناوب ابن حلال حس بصدقه طلعوا الرقم قالوا اتصل وعطناه لا تكلمه جاء يتصل والا الشحن منتهي رصيده مسبق الدفع قال ما فيه بقاله قالوا وش تبي بها قال ابي بطاقة شحن سامحوني ما فيه رصيد قال له ضابط خفر المناوب امل علي الرقم املاه واتصل قال لي انت وينك فيه قلت بين مكه وجده امرك قال اناشرطة حي ........ قلت خير قال خير بس توجه لنا فورا قلت حاضر ورحت لهم قالوا انت معمد احد يفتح الشقه قلت نعم وش اسمه قلت فلان قال ما تعرف انه ممنوع الا بامر قلت والله اول مره ويمكن اني ما فكرت لحظتها قالو عطنا بطاقتك وخذ امر منا وافتحها اما ونادوا صاحبي وافرجوا عنه ورجعنا ونروح لصاحب المفاتيح بالامر ويجي معنا فورا بموجب الامر ونفتحها ودخلنا نضحك على صاحبنا وقصته بالتوقيف قال والله احرم افتح شقه لو هي شقتي وسلاااااااااااامتكم |
الله يسلمك ياابومحمد
وفعلاً موقف مزعج ومضحك بنفس الوقت . والجاره هذي ماصدقت خبر هههههههه يالله خله ياخذ فتره نقاهه بالتوقيف :) لنا عوده قريبه .. |
هلا وغلا با ابو خالد الله يسعدك ويخلي خالد لك ويخليك له امين يارب مشكور على الحضور والمداخله وبانتظار حضورك دمت لمحبك تقبل تحياتي |
اولا : يعطيك العافيه اخوي سفير
على الموضوع الرائـــــع وصراحه مواقفـكم رووعه ومن يوم ماحطيت الموضوع يااخوي سفير وانا اشغل الذاكره لكـــن تخذلني دايم >>اللي يشوفها يقول سنه ماجالها موقف مضحك:d هههههه وحبيت اقولكم هالموقف صار لي في السوق السنه اللي راحت وكنا في بريده هالمره دخلت انا واخواتي محل احذيه الله يكرمكم وتفرقنا وكل وحده تدور لها وكان بكره العيد وشوي مربكين المهم لقيت لي صندل اعجبني فـ بسال اللي يبيع بكم ؟ وادور المحل مافيه رجال غير واحد لابس ثوب ومالبس شماغ >>واذا يعني :d >>انا قلت اكيد انه راعي المحل قلت / لوسمحت هذا بكم هو التفت لي واشوفه يضحك واقول في نفسي الحمد لله وش يضحك عليه ذا وقال كلمه بس ماسمعته ورديت وعدت الكلمه ( اخوي لو سمحت هاذي بكم ) ؟ واشوف يضحك وتغير وجهه ويحرك يدهـ ( الزبده) اني مافهمت عليه وانا اقول لأختي وش فيه ذا >> احس انه رفع ضغطي قالت جيبي >> يقالك انها بتحل المساله قالت : هذا بكم ؟ قال / انا مو راعي المحـــــل :sm5: يوووووه وانواع الضحك انا واخواتي وطلعنا من المحل بسرعه وانا اضحك ودخلنا محلات وطلعنا وانا أضححك |
هلا وغلا بالاخت همس تسلمين ياهمس على حضورك ومشاركتك بالموقف المضحك ونتمنى الحضور بموقف اخر تحياتي لك |
مشكورين على المواقف الطريفه
حقيقه استمتعت بقرائتها تحياتي للجميع |
ههههههههههههههههههههههههه والله ياابومحمد الموقف للرجال ماينحسد عليه والله ماافتح الشقة كم مرة احاول اكسر شقة ولد عمي اذا ضاع مفتاحي واتوهق وربك ستر |
الموقف ^^^^^^^^ ههههههههههههههههههه مافيني حيل اكتب لاني تعبان << نصاب يذكره اللي قبلي ( عبدالرحمن ) هههههههههههههههههههه اقط :) ولا الشاهي هههههههههههههههه << تكلم زين ولا برا << يرفع الضغط ههههههههههههههههه |
اليوم موقف الله لايعيده هههههههههه قال ولد عمي سعد وهو ساكن بالرياض وانا جيتهم اقضي معهم بعض الايام نروح ونغير ياابو داحم شقتنا نبي نستاجر استراحه بالسنوي قلت خير انشالله المهم كلمنا الشباب وتجمعنا كلنا وكل واحد دفع قطته ورحنا صوب الدخل المحدود عشان نجيب لنا اغراض من بيت خوي ولد عمي والشباب راحو يستاجرون الاستراحه ويوم رجعنا اتصلنا بالشباب وين الاستراحه وصفوها لنا ورحنا فعلا ولقينا ولدعمي الثاني وقال لنا هذي هي ومشى على طول يجيب السيارة اللي فيها الاغراض واقوم انا وسعد ولد عمي وندخل الاستراحه ونتفرج ونشوف الملعب حق الطائره ونشوف بيت الشعر والتلفزيون وادخل على طول واول مادخلت المجلس كانت فتحتي للباب سريعه ويعني فتحت واحد يمون وبقوة بعد هههههههههههههههههههههههههه والا والرجال اللي يقوم من الفرشه ومعه عصا ويقول خير خير خير انشاالله وش عندك؟؟؟؟؟؟ واناظر الا وانا غلطاااااان واللي غلطنا ولد عمي اللي قال هذي هي وراح ههههههههههههههه وانااقول له حنا غلطانين قال انتوا ؟؟ يعني مو لحالك قلت لا مو لحالي معي ولد عمي الا ولد عمي يقول وش يبي هذا ههههههههههههه قلت الا حنا اللي وش نبي ههههههههههههههههههه والله تفشلنا وطلعنا ونتصل على جابر اللي قال لنا هذي هي وانواع التهزيء هههههههههههههه كل الود |
هههههههههههههههههههههههههههههههههههههههه الله يرجك عبدالرحمن ههههههههههههههههههههه اما على طووووول مسكين صحيتوه من النوم ههههههههههههههههههههه << هذا المستخدم ميت من الضحك اقول قسم بالله انكم تحفه |
اليوم بقوولكم عن موقفــ
انا اعتبرهـ مزعج في شهر رمضان اللي فات اليوم / والله ماادري لكن في بداية رمضان الساعه / 3 المؤذن يأذن لصلاة الفجر وراحوا اخواني للمسجد وقلت فرصه ادخل رهب >ماعندي شغل ومدري احس اني أخرت الصلاه المهم فتحت قوقل وكتبت >> منتديات رهب حرف تلو الاخر م بعدين ن بعدين ت ......... إلخ وكنت اكتب بسرعه وعلى طول ضغطت انتر رفعت راسي لقيت مكتوب بالقوقل >> الموت سبحان الله يعني وش جاب >> منتديات رهب الى الموت خفت والله وتروعت وقمت صليت على طول واتمنى هالموقفــ يكون عضه وعبرهـ للي يأخر الصلاة |
عبد الرحمن الدوسري مشكور على الموقف اللي فعلا محرج احمد الله انه ما لحطك بالعصاء اللي معه ههههههههههه الاخت همس مشكوره على الموقف اللي يذكر الانسان بربه سبحان الله تحياتي للجميع |
اليوم انا كنت في بندة
وعند المحاسبه طلع صوت ونور على شاشه العرض مبرووووووووووك انت الفائز :s49::s49: اغراضك مجانا بس خسارة ان مشترواتي بيبسي وجالكسي وشيبس هههههههه فعلاً الانسان طماع والقناعه كنز لايفنى |
مشكوره اخت رسيس
وعقبال الفوز بمرسيدس بالجايات دمتي تحياتي |
من بؤك لباب السماء
هههههههه |
اليوم حضرت عدة محاضرات في ارامكو من الساعه 9 ص
حتى 4 عصرا وفيه بريك ساعه فقط طبعا كلها في محيط العمل والمحاضرات باللغه الانجليزيه والكورس لمدة شهر المحاضرة الاخيرة الدكتور غير مسار المواضيع وبدأ يتكلم عن نفسه وانه عاش في المملكه 29 سنه ولايعرف العربيه طبيعي انه مايعرف لان الشعب بيتكلم لغته وتكلم عن رحلاته داخل المملكه وانه زار الاحساء والرياض وجدة والقطيف وانه والدته اعجبتها الاعمال اليدويه في القطيف وجاب صورة له بالشماغ ولامه بالحجاب وجاب صور احنا في السعوديه ولازرنا هالمناطق مثل جبل قارا في الاحساء طبعا العرض بالبروجكتر وتكلم عن الكبسه السعوديه وانه شاف الناس ياكلون بيدهم وصار ياكل بيدة بس انه يعاني من مشكله تساقط الارز :d وقال المملكه في السابق كانت عاديه وبسرعه تطورت وانه فرح حينما شيد ماكدونالز على الكورنيش ليت من يصكه بس;) وقال عندكم في المملكه مشكله تخيلوا وش قال :Looking_anim: قال مشكله هنا الواسته الواسطه :d وقال انه زار برج العرب ودفع 14 الف في الليله من هنا استنتجت ان المهايط داء عالمي :d وانا امر من بعيد ولافكرت حتى اتقهوى فيه حدي اصورة من بعيد وقال اجمل مدينه هي الخبر:thumb: لانها قريبه من البحرين والبحرين فيها سينما >>مخه يبي له فرمته وقال انه زار مصر وماعرف الاكلمه وحدة وهي بقشيش:d وزار لبنان وتوقع ان الناس يرحبون بــ السلام عليكم لكنه يقول تفاجأت انهم يقولون بنجور راقت له الكلمه;) وعند عرض صورته بالشماغ قال لكل دول الخليج طريقه في اللبس وان الشمري يميل شماغه :whistling: مع ضحكات الموجودين فله هالبريطاني :d |
عاااااااااااااااااااد
انا موقفي ما يرقع جتني طالبه في ثالث ثانوي تشكي من زميلته انه تسرق منه اغراض (( الله واكبر الاغراض ذهب )) وعدته احل المشكله وينقالي بالمدرسه حلالت مشاكل وانشغلت مره الي صارت الساعه 11 الظهر وتذكرت ولا من ناديت تخليوا البنت التي تسرق والمفروض انادي المسروقه علشان اسألها عن حالة زميلته وفشلتي لمى درت البنت اني اقوله من يسرق بفصلكم ؟؟؟؟؟؟؟؟؟؟ ونسيت هي السارقة وحاولت ارقعها من يمين ويسار وفوق وتحت والبنت تبكي منهاره وتحلف ما سرقت والله رحمته بجد والعجله شينه والنسيان اقششششر . الا والد الطالبه يتصل وزعلان من الموقف وفهمته الموضوع بس وانا اعتذر له . موقف شييييييين |
هلابك اخت رسيس اولا الله يوفقك في دراستك توفيق عبيده الصالحين ثانيا على قولتك هالبريطاني فله راح وزار وصرف ولبس وتعلم من طبايع البلد ولهجتهم وعرف القبايل لاهنتي تحياتي |
هلابك اخت يا زمان العجايب يكفي انك حاولتي رد الحق لصاحبته ومن اعتذر عن خطاه الله على نيته عطاه لاهنتي تحياتي |
هلابكم احبابي السلام عليكم ورحمة الله اليوم جايكم بقصة وقعت البارحه حيث ان احد اصدقائي الشياب يحب الخروج للمنتزهات الجميله ويحب يخرجني من البيت وزهم علي وقال تولم انا جايك نبي نطلع انا وانت قلت الا تعال ونجلس بالبيت وعندنا الكمبيوتر ونعلمك واوريك الالغاز قال لا لازم نطلع المهم بعد ساعه وصل عندي وكان بيته بعيد اضافة على الزحمات فقدرت مشواره واخذت كمبيوتري معي وقبل نمشي جانا عبدالعزيز البليهي وقال وين قال الشايب منك خوه نبي نروح للمنتزه نشم هوى قال ايه مدام الامر شمت هوى انا خابر منتزه على مستوى فيه بحيرات وشلالات واشجار وجلسات مفتوحه ومغلقه قال الشايب انعم واكرم المهم الشايب راكب على ابو غمارتين وانا عندي كسر فرحت ان عبدالعزيز يبي يروح ونركب معه سيارته مريحه وسواقة الشايب تعرفون سياقته احيانا يربط فرامل بدون داعي ومشينا على بركة الله وراح بنا للمنتزه الحقيقه انه جميل وهادي وشال الشايب الكمبيوتر وحلف ما يشيله الا هو ودخلنا وصرنا ندور على جلسه فاضيه ونمشي انا والشايب وقال شف عبدالعزيز وجد مكان واذا فيه الطريق العريض لفه بعيده وفيه طريق مشايته اربعين سنتي قال يالله قلت خلنا نروح مع العريض قال لا انا شباب وابصير اللي جهة البحيره ونمشي انا رجل على الثيل ورجل على المشايه واذا في البحيره سمك وفيه سمكه جنب الشايب بوسط البحيره وارتفعت وارتطمت وهو غافل وفز والا الشايب بوسط الماء هو والكمبيوتر والله لا يوريكم تبدد عفشه الا الكمبيوتر ماسكه ما رماه العقال والغتره والطاقيه غطسن بالبحيره المهم فصخت غترتي وقلت له امسكها ومسكها بيد والثانيه فيها الكمبيوتر قلت خلاص ارمه يخلفه الله قال خذه يمكن يصلح الكلام تراه بثواني المهم رماه على المشايه وعجزت اسحبه ومن فرج الله يجون العمال ويمسكونه ويطلعونه وقال لاحد العمال وش اسمك قال راجو قال راجو ياعصابة راسي طلع غترتي وعقالي وطاقيتي واعطيك عشرين ريال ما كذب العامل خبر وفسخ قميصه وبنطلونه ونزل وجانا عبدالعزيز وشال الكمبيوتر وجلسنا والرجال يرشح ويسب المنتزه وطريقه يقول هذا حباله المهم انا خلاص انتهت ماموريتي بس اضحك وهمي كمبيوتري وطلعته تعرفون اني شغلته واشتغل تبي تقولون غير معقول الا معقول لاني مدخله بكيس شفاف وثانيه عليه ولا وصله الماء بس الفاره هي اللي خربت فقط الحلال ما يخرب لانه جايني هديه جزاء الله من اهداه لي بالخير المهم انبسطت على كمبيوتري والعامل راح ونشف غترته وطاقيته وجابهن وانبسطنا وقال الشايب والله لولا ها الطيحه ان المنتزه زين قال عبدالعزيزانا اصيح عليك اقول رح مع الجهه الثانيه وانت مدرعم قال الشايب كل غلطه بتعليمه وانتهت القصه المؤلمه والمضحكه بنفس الوقت ارجو ان لا اكون اطلت عليكم وسلامتكم ودمتم بخير تقبلوا تحياتي |
هههههههههههههههههههه
هههههههههههههههههههههههههه انا اتخيلك يابو محمد هههههههههههههههه عينك على الكمبيوتر ماهو خويك والله العظيم موقف وقصه اني اقراء وانا اضحك من قبل تنتهي القصه الله يسعد ايامك يابو محمد ياراع المقالب تسلم ولي عوده |
ههههههههههههههههه
يازين المشهد اللي قدامك تشوفه . وياشينها من طيحه :) هذي اسباب الدرعمه القشرا :) عسى ماجته كدمات والاجروح وربي يسعدك يابومحمد أضحك وكني اشوفك يوم انك رامي الغتره عليه :) لي عوده .. |
اقتباس:
هلا وغلا بك يا زايد بغيت اروح معه بس ستر الله علي كان ماسكن يدي قبل يطيح خايف علي هههه واطلقت يدي قلت خلني امشي على هوني وفكني الله والا لو انه على مسكته الاوله رحت بخبر كان والكمبيوتر ماهمني بداله كمبيوتر اللي هامني شايبي لأن الكمبيوتر ما همني ورغم ذلك ستر الله عليه وسلم وهذا من فضل ربي وان صاحبي سلم بس بصراحه كان عنده كم شعره سوداء براسه راحن عليه من الفجعه ههههههههههه بكره يبي يسبني بيقول عيالي يدخلون ويقرونها ويدرون ان ابوهم طايح الرجال يتشبب ما يواطن العواده تسلم لي على مرورك وتعليقك الحلو ومنتظر عودتك يالغالي تحياتي |
اقتباس:
هلا وغلا استاذي ابو خالد اي والله شينه بس الحمدلله سلامات وضحكنا يوم طاح وبعد خروجه وكان يقول اطيح وتضحك قلت الحمدلله انك سالم وما قدرت اوقف الضحك هذا طبع وغصب علي اما كأنك تشوفني وانا اعطيه طرف الغتر يتمسك فيها لايغرق لانه كالخ وهو يرافس ومسك الغتره وجلست قلت اركد العمال جايين يخرجونك وابوفارس ما جاء الا متاخر يوم شافنا من بعيد والعما يظهرون صاحبي وخاف علي عندي عمليات وكسر توه ما بعد جبر وجاء فاكر اني اللي طحت بس والله رغم الموقف الا انها احلا طلعه لي جلسنا هاك الليله وتعشينا ولا خرجنا الا لين قالوا شطبنا اتكلوا على الله اكرك على مرورك وانتظر حضورك تقبل تحياتي |
والله مواقف يظل للزمن ذكرى ما احد ينساها فيكم خصوص الشايب الي طاح
بصراحه ربي سلامه من الرضات والجروح والله يضحك شايبكم باقي متمسك بالطاقيه والشماغ والله مو لشي بس خايف ام العيال تكشفه ويتفشل معها موقف بصراحه حلو وضحكت بصراحه والله انكم شيبان فله الله يحفظكم ويحميكم تحياتي لك استاذي والف سلامه عليك. |
الحمدلله على السلامه كل هالكارثه بأسباب سمكه , هههههههههه وشلون لوهو غيرها ههههه كان اعلوم هههههههههه بس ماعليك شايبكم عصري اشوا من شيبان اللي الواحد يبقى يونس حاله راح للبر او النفود واحيان الربع الخالي هههههههه الله يبيض وجه راجو والله مااقصر اسعدك الله ابو محمد |
مرحبا :r:
يومياً يعني نقطع مسافه لان بين كل مبنى واخر مسافه والساعه 12 يكون وقت بريك والجو حار وفيه سيارات صغيرة اللي تكون مكشوفه للتوصيل داخل المباني ويسوقها فلبيني واحد اجودي والثاني نفسه شينه ودايما نروح مع الاجودي وان مالقيناة مشينا المسافه قريبه مرة نسيت نفسي وقلت له Can I drive ضحك وقال نووو وقبل كم يوم شفنا الثاني وجه ابن فهرة عصبي قلنا له وصلنا أشر بيدة يعني ماني فاضي >>تتخيلون الفشيله!:whistling: بس بالوقت هذا شافه واحد مسؤل قال له وقف وصل عماتك:d ووصلنا وهو ماله نفس مايستفاد: العماله الوافدة أحيانا ودك تقص لسانهم |
موقف أمس
كنت في موفنبيك وعلى وقت دخولي كان المطرب يغني :m39: ياهل السامري لاتوجعونـي شيلكم يالربـع يثـر عليّـه واتنهد وانـا كـل طعونـي من العواذل وراعين الوشايّـه حسبي الله عليهـم فرقونـي مع وليفٍ بلا ذنب وخطيّـه لاتوجع ترى اللي يسمعونـي فيهم اللي شكى فرقا خويـه لاسمعت النغم وعذب اللحوني هلت العيـن والعلـه خفيّـه طبعا من احب الاغاني لي:d لااحد يسال ليه;) فقلت لصديقاتي كأنه داري بوقتي وبعدين غنى يادار لاهنتي ولا هان راعيك ولا هان شعب كرمو رايه الدين حب وكرامه دارنا اليوم نحميه ونروي ترابك من دمانا مباهين حنا لابو فيصل دروع لاراضيه وحنا اذا صاح المنادي ملبين هو أول مرة قال ابوفيصل ثم تدراك وقال ابومتعب طبعاً حزنت الله يرحم الميت ويطول بعمر الحي وأثناء مرور العروسه وعلى الممر قطت الورد :03: كانت طاولتي قريبه التقطت الوردة :in_love: لانها كانت قريبه مني طبعا ضحكت بس يالله فال خير والله يوفقها شكر لصاحب الموضوع على المساحه :r: |
مشكور اخت رسيس على حضورك وعقبال الورد من يديك بعد التخرج لاهنتي تحياتي |
سفير المعاني
من يوم دخلت هالتريننق وانا مواقفي كثيرة بس اتمنى اكون ضيفه خفيفه الظل:d يوم الاربعاء صار موقف كل ماتذكرته اضحك نهايه الدوامات وكلاً نفسه بخشمه وعند تطبيق البصمه زحمممممه المهم انا وصديقتي اخر شي وامامنا كذا واحد ووحدة المهم فيه واحد مصري او سوري المهم قال لنا خلاص بصموا قبل يعني هو شاف انه من الذوق نكون قبل وانا عادي ماتفرق معنا كلها ثواني المهم واحد قال له واحنا نسمع ليه تخليهم قبلنا >>يعني حسيت كلامه مافيه شي من الذوق ! فــ صديقتي بصمت على عجاله وجاء دوري وبصمت ببطيء عناد لكلامه وضربت الاي دي ببطي وهو يتكون من خمس ارقام بعدين فيه مادة مُعقمه تنظف بها الايدي بعد البصمه ..طبعا هى على رغبه الشخص بعد البصمه اخذت المادة المُعقمه وهو يطالع معصب ولابصم يدة الابعد مادهنت يدي بالمادة على رواقه:whistling: بس يستاهل:yasser: |
صراحه هالموضوع رووعه حيل فيه مواقف خطيره
ههههههههههههههه جزاك الله خيرالعم سفيرالمعاني تمتعنا دايم بروحك الحلوه الله يطول بعمرك امممممممم اناقبل فتره ارسلت لشخص الله يذكره بالخير مسج فجيت بكتب كلمتي الدائمه دمت بخير كتبت دمت بخيل ككككككككككككككككككككككك ابي الحق اضغط الكيبور الاطارت الرساله خخخخخخخخخخخخخخخخخخخ ورسلت مسج اعتذر والحمدلله تفهم الموضوع ياشينه من موقف قمة الاحراج من جد |
بالعكس ياخت رسيس انتي من انعش هذا الموضع بالمواقف اللي تضحك وتنبه في أن واحد شكرا لك ودمتي بخير تقبلي تحياتي |
الغاليه شموخ نجد هذا اشوى انتبهتي له واعتذرتي بس غيرها واجد تفوت عليك ولا تدرين بها مشكوره تحياتي |
ههههههههههههههههههههههههه
اي بالله ههههههههههههههههه طارت ولاقدرت الحقها وكان به جديد لي عوده لمجلسك عساه عامر بوجودك يارب |
| الساعة الآن 10:05AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية