عيوني تخطي النوم وتخمـه

بدونك حالتـي والله حزينـه
أحس الكون خلي ما فيه أمـه
أحس الدار موحوشة وشينـه
بعد ماكانت من الناس زحمه
كئيبة هالشـوارع والمدينـه



صح لسانك وعلا شانك الشاعر محمد القباني

أنا لك والزمن لاتشيل همه=فداك اللي مكانك وسط عينه
أشمك ورد وأحلى ورد أشمه=من أنفاسك شذاه وياسمينه
لذا معذور قلبي يوم دمه=بديت تزاحمه لطف وسكينه
عيوني تخطي النوم وتخمه=بدونك حالتي والله حزينه
أحس الكون خلي ما فيه أمه=أحس الدار موحوشة وشينه
بعد ماكانت من الناس زحمه=كئيبة هالشوارع والمدينه
تصوّر طفل محروم ٍ من أمه=تصوّر كيف عايش في سنينه
فلا هو عاش مع خاله وعمه=ولا هو في رعاية والدينه
حبيس الهم والحرمان سمه=ودمعاته مابين فينه وفينه
ربا بأحضان من لا فيه رحمه=وعاش بدنيته مثل الرهينه
هذاك الطفل في حزنه وغمه=وأنا قلبي عليك يشكي ونينه
أعرفك زين بك عهد ٍ وذمه=ولك بين الملا صورة حسينه
فلا تجعل حياتي تكون نقمه=ولكن .. حس بي شوق ٍ ولينه
عليّه طلتك خير ٍ ونعمه=فلولا البحر ماسارت سفينه
دقيقة .. وماتقوله في متمه=كلامك يسلب عقول ٍ رزينه
خذيت الروح وخفاق ٍ تضمه=وهان العمر لك وأشياء ثمينه

صح لسانك أخوي


محمد القباني

قصيدة تحمل مشاعر

وأحاسيس راقية

إلى الأمام دوماً

ولا هنت


تقبل تحياتي