ياصاحبي شكراً على الجرح لاهنت=جرحٍ عدم قلبي وروحـي نحرهـا
قلبٍ صرخ بالاااه والمتهم .. أنـت=وخواطرٍ حضرة جنابـك كسرهـا
عز الله انك خنت قلبي ولا صنـت=قلبٍ مشاعر مهجتـه لـك نثرهـا
وعز الله انك في سلوم الهوى شنت=وجسدت روح الحب ببشع صورها
وعز الله انك يا اريش العين مازنت=في صاحبٍ دونك يدوس بخطرهـا
وفيت من شانـك ولامـرةٍ خنـت=وعيني على غيرك تغض فبصرهـا
كم ليلة يقسـى زمانـي ولا لنـت=وعينٍ من اسبابك مبيّـن سهرهـا
واليوم ماتسوى بعيوني ولا سنـت=وغيم المشاعر لاتحـرى مطرهـا
لحظه حبيبي قبل مانسى!!! اذا كنت=تبغى حقيقة ماحصل؟ باختصرهـا
((والله لو عيني بكت من جفا بنت=اني باصابيعـي لغيّـب نظرهـا))