يانتي حكايه بس ياهي حكايه = تحتار في وصفك حروف الابجديه ابلغ حدود الوصف شعر وروايه = ما ترجمت بعض النقاط الاوليّه تدرين وشهو اللي وصل بالنهايه= ترجم كيانك وصف بالاغلبيّه صوتن ورى ضلعي حكى كل غايه =دقّات قلبي ونغمة الحب فيّه |
اتخيلي بالله لحظة بعادك = واتخيلي هالكون وش لون بيصير اتخيلي لو زاد فيني عنادك = وقلبك ترك قلبي لقسوه وتقصير |
الحب ماهو كلمتن عارضيّه ؟؟؟ والاّ سوالف بين الاصحاب تنقال !!! الحب قول وفعل لقلوب حيّه ؟؟؟ فيه الوفا للحب والصدق مرسال!!! |
طيف مرّ بخاطري لحظة وراح = قلت له وقف ترى حظي معاك قلتله يا ليش طيرك فيني ناح = قال مدري يمكن انه هو بغاك بس انا قلبي ترى خلّص وباح = قلت له روّح عسى ربي رعاك الهوى مافيه يا طيّب مزاح = والعفو يشملك من سبّة غلاك يحفظك ربي ويعطيك الصلاح = لا تعوّدها ترى قلبي نخاك |
كل عام وانتم بخير عام جديد بدأ وكلنا امل بالله عز وجل ان يكون عام خير ورضا وسعاده ونتمنى من الله ان يغفر لنا عامنا الماضي وان يسامحنا ومن هنا اطلب منكم جميعا السماح ان بدر مني اتجاه اي شخص اي خطأ غير مقصود فجل من لايخطئ ولا يسهو |
(ضلوعي خمايل يانعه والغلا عسّاس )=ونار الغلا في خافقي شبّت شعوره كما بارقٍ فوق السحايب لمع جسّاس =يرد الحيا .. للخافق اللي نشد نوره ويسقي عروقٍ .. هالكه كم لها يبّاس =عذيبٍ زلاله باللقا .. هلّ ممطوره |
يسعد لي ايامك ويسعد لياليك = ويسعد زمانن فيك قيّض شعوري لجلك كتبت الشعر والقلب باغيك = يا سيّد احساسي وقمّة حضوري |
من الارشيف كلن على ليلاه
كل(ن) على ليلاه في الحـب لـه جيـد=وامر الهوى حسب البشر في حبالـه صوت الهوى والعشق غنوة وتنشيد=وطيورهـا صـدق ووفـا فــي مجـالـه لهف الحضور ونار وصـل ومواعيـد=وربكـة خـطـاوي مشيـتـه واختـلالـه سلهـام عيـن وسهـوة الفـكـر تأكـيـد=تـثـبـت دلايـــل لـوعـتـه وانـشـغـالـه كــل الـدلايـل تثـبـت الـشــك وتـزيــد=انــه تعـلـق واصـبـح الـشـوق فـالـه واللـي علـى مـودي لطـيـره معـاويـد=وان عاش سحر العشق للسحر هاله اضحك وانا في خاطري حلم تصعيـد=انـــي اجـيّــر نـــار شـوقــي خـلالــه وبجملة اشواقي يجـي حـرف توكيـد=فيها المؤكـد عشـق ساكـن فـي بالـه محكـوم فـيـه الـحـب والحـكـم تأبـيـد=وهيئـة دفاعـه تطلـب الـقـرب حـالـه انــا لــه القـاضـي وحكـمـي بتـأيـيـد=اسجنـه فــي عيـنـي واكــرّم سبـالـه وابعد عيون الخلق واشجب بتشديـد=وادلّـــعـــه فــيــنــي وازود دلالــــــه واسـآهـره لـيـل الـهــوى والتنـاهـيـد=واذوّبــــه فـيـنــي وامــيّــع جـبـالــه واشـب لـه مـن نـار شوقـي مواقـيـد=واسقيـه مـن خمـر الـهـوى للثمـالـه واسمع عروقـه تطلـب الاسـم تحديـد=فهـد فـهـد والقـلـب بـيـت(ن) هنـالـه وترقص حشايا القلب فرحه وتجديـد=ياحـلـو ظـيـف القـلـب نــوّر هـلالــه وان كان متظلّم ويشكـي علـى البيـد=واستـأنـف الاحـكـام والحـكـم هـالــه اطلـق سـراح الحـب واعطيـه تعميـد=مـن لايجـي لاقصـاه مابغـى وصـالـه |
ليــت الاماني
لـــيـــت الامـــانـــي تـنــتــهــي فـــــــي عــيــونـــك=واصــيــر انــــا بـســمــه تــجـــي فـــــي مـحــيــاك ابـــي اعـيـشـك وارتـمــي وســـط كــونــك=صوتك هناي وهرجتـي فـي حكايـاك يـالــيــت شــوقـــي والــعــشــق يـجـمـعـونــك=وانـثــر عـلــى خـــدك نـسـايـم سـجـايـاك شمسك دفاي ومرتعـي فـي حصونـك=بامرك اعيش وحافظن لك وصاياك قلبي وروحي يالغلا يطمعونك = هم كلهم لجلك وهم لك سواياك ودي اكون اللمحه اللي بسكونك = واللا اكون الغنوه اللي بشفاياك ياعطرك الفاتن وريحة دخونك = ريقك وطعم العشق واعذب سقاياك يا ذوقك الفاخر وأبهى فنونك =أجمل وأرقى عشق واغلى هداياك يا صوتك وأجزل قصيد بأذونك = لون الحياه وكل فرحه بسمايااك ابختصرها لك وبرضي جنونك = انا نهايات الحلوم برجاياك |
فديت اللي على بالي
فديت اللي على بالي فداه الشعر والمنثور = نطق حرفي لجل عينه حكى قلبي وغنّى شعور هني اللي يشوفونه يشوفون الهنا والنور = ملاك الروح هو خلي ملاك وغالي ومزيون حبيبي سيّد الرقه الى منه حكى اتعب = يتعبّني يعذّبني فديته لاحكى أعجب اذوب بهمسته واغرق الى منه وصف واسهب = ياحظ اللي سمع حكيه ياحظ اللي له ايسمعون سرقت النوم من عيني ياجوري يا رهيف احساس = فديت اللي سكن فيني فديتك يابريق الماس غلاكم عندنا يكبر يالولو عاش وسط الناس = احاكي طيفك الغالي واساهر ليلك المجنون تعجبني تفاصيله واتوه بعالمه وانسى = واعيش بعالم احساسه حنون ولا اظن يقسى سكن في داخل عيوني وفي قلبي نزل وارسى = مناي اّّعيش في قربه وهو في حبنا مسجون جروحه تشبه جروحي ولونه بالهوى لوني =احاسيسه واسلوبه يعيشوني ويغروني ابيع الدنيا من أجله حبيبي هو ومظنوني = يا اعذب من حكى واعذب احاسيس (ن) تعيش الكون عذوب وممتع واشهى يحلّي السكر الحالي = ينور دنيتي نوره واحس الكون به غالي اساهر عشقه الجارف واجاذبه الهوى لحالي = تفاصيله تجنني تعذبني وانا المفتون اعيش بواقعه فيني وفرحه صار يفرحني = وضحكه يبعد احزاني وجرحه صار يجرحني وأزعل لازعل مره وحزنه هو سبب حزني = على واقع احاسيسه اعيش العمر به مرهون |
قدرت تغيب قدرت تغيب . . . ياقاسـي . . .
سألت الشوق هوجاسي , سألت الليل والقمـره=غيابك حيّـر افكـاري , ولاهمـك ولاتـدري قدرت تغيب ياقاسي , قـدرت تولّـع الجمـره=اساهر هجرك بناري , وانت تزيد فـي هجـري سقيتك وصل في كاسي , سقيت الحب في جذره=كتبتك احلى اشعاري , وربّعتك علـى سطـري وحطّيتك على راسي , وامرك كنت فـي أمـره=وسكّنتك وسط داري , ودارك بالهوى صـدري عطيتك كل احساسي , ولك فاح الهوى عطـره=وبعت الحب واسراري , ولا فكّرت في قـدري كتمت الشوق بانفاسي , شهقت الشوق في كسره=ولا لك حس واخباري , سوى ذكراك في غدري طرقت بهجرك اجراسي , قطعت الحب في جسره=تخون القلب وتداري , ووزعته وهـو حصـري تجي هالحين ياناسي , ولا لك عـذر فـي عـذره=وش العنوه وش الطاري , تبيـع بحبنـا تشـري ترى شرع الهوى يواسي , وانا اواسيك في بكـره=ولك عهدي وإقراري , توكّـل لاتجـي بنهـري |
صمتي اسرني
شاعر واترجـم بالاحاسيـس غالـي=واملى حدود الكـون للّـي عشقنـي فينـي جـراءة شاعـر (ن) مايبالـي=ما يحسب احسابـه لـو انـه هزمنـي وفيني بـراءة طفـل خجـلان تالـي=مايرمـق النظـرة بلحظـة نظـرنـي وفيني من الاحساس نبـع (ن) جرالـي=ارقّ مـن شـفّ المطرلـو لمسـنـي ولـي خافقـن يدفـي بـرود الليالـي=ينهز ضلـوع القـاف لحظـة نهزنـي واحـرك اشجانـي وافجـر حوالـي=مليون شاعر وسـط شاعـر كتبنـي واشـب نـار الجـزل اليـا هنالـي=بمداعـب القيفـان لحظـة امـرنـي وارسم على بيـض الـورق ماجرالـي=واخلق حروفي لو سهـرت وسهرنـي احس فينـي شعـور سكـر وحالـي=اليا طـرى للشـوق طـاري لزمنـي ياناعـم الكفيـن نـورك ضـوالـي=والصمت كبّلنـي وجرحـي ملكنـي عايـش انـا مابيـن ذاتـي وحـالـي=تعبت بسكاتـي ولاحـد (ن) سمعنـي يابنت فينـي جـرح وصفـه خيالـي=صمتي جروح وجرحي اللـي امرنـي يازيـن قبـل العشـق افهـم سؤالـي=كم عشق يسكن وسط قلب(ن) كسرني |
بس ابسأل
بس ابسأل يامهاجر في هجيره = هو بقى للوقت فينا شي اسهل واللا اصعب وقتنا فينا مصيره = واللا ماللوقت فينا وقت يقبل هو يبينا نحسب بليّا بصيره = واللا هو بالوقت ضاق وييتملّل هي عيون الناس صابتنا جهيره= واللا وضع الكون واقدار المعلّل واللا اّّنا واللا انتي واللا غيره = واللا طبع العشق فينا دوم يجهل واللا شي (ن) ماعرفت افهم وتيره= ما قدرت اّّحلل اسبابه تسلّل واللا هو حاسد وحاقد فيه غيره = مايبي قلبي وقلبك قال ابزعل ليه بدري ليه يعني وش يضيره= لو نسانا شوي واغضى ثم اغفل ليه صحّى عين تحلم في قريره = ليه يفزع هنوة العشق وتغفّل ليه يذبح طفل يضحك وش يضيره = هو نسى انه فرحنا واللا يجهل وان نور العمر يضوي في مصيره = وان عطر الليل فايح يوم اقبل وان كل احساسنا سافر لديره = بدّل احلام الهنا ظلمه وظلّل وان ورد الشوق صابه زمهريره = ريحه البارد حرق قلبي وعطّل تدري اني كل وقتي عشت سيره = سيرة العاشق وعشقه يوم يرحل بس ابي تعرف بأني جيت حيره = بصوت هادي قلتها لك بس ابسأل |
قلبي وروحي
ادري انا في واقعي عشت احلام = وادري عطيتك فيني اشياء كثيره مانقض عهودي لا ولو طالت ايام = والحرّ مايخلف وعد في عشيره قسمت لك روحي على شاانك اقسام = قلب (ن) وعين وعقل لاجلك سهيره وقسمت لك قلبي على العشق بهيام = شوق ووله واحزان واحيان غيره وقسّمت لك حرفي على الشعر اقلام = نبْط وفصيح ونثر ودروس سيره وقسمت لك عقلي على الفكر افهام = حلم وخيال وواقع (ن)عاش حيره وقسمت لك عيني بنظره و سلهام = لاجلك وغيرك غظّ (ن) ولا اعيره وماهمني في اللي مضى لي ولو ضام = لنّي على عهد الهوى في مصيره وادري انا في واقعي عشت احلام = وادري عطيتك فيني اشياء كثيره وماني على مافات ياصاح ظلاّم = طويت في هجرك دروب(ن) عسيره وابيك تدري اني الحين مانلاّم = على وجودك حلم شخص واميره |
ياصباح الورد
ياصباح الورد ياورد وعبير = يالزيم الشوق واهداب السهر يا زلال القطر يااحلى غدير = يانفيس الناس يا عمر وقدر ياعيون الكون والقلب الكبير = يا امان الروح ياليل وسمر عينك التحنان ودروبك مصير = مرهف الاحساس مامثلك بشر تجرح احساسي واكابر واستثير= من غلاتك طيبتي بعد القهر لو خطيت ادمح واسامح واستعير = من عيونك رحمتي بعد النظر اكتم الاهات لو كانت كثير = وازفر اشواقي وعشقي في نهر اتعب واشقى حبيبي واستغير = لو يلامس بشرتك رشّة مطر عايش(ن) في كوكبك قلبي اثير = في سديم الكون لك نور واثر اشهد اني فيك مغرم والاسير = عايش (ن) لاجلك ولاغيرك امر لو هجرت القلب لو مهما يسير = ما اخونك لو غيابك لي دهر مانسيتك وانت في وسط الضمير = الله اكبر والوريد اصبح ممر في غيابك نجمهم صاير صغير = في حضورك وضعهم محدن حضر لو حسبنا الفرق بحساب (ن) يسير = ضاع ضو النجم مع ضو القمر |
شرع العتاب
لا تعاتبني ترى كثر العتاب = شتت احساسي ولا اقدر اجمعه للعتب يا صاحبي الفين باب =تجمعه فيني وقلبي يمنعه من سأل لا بد مايلقى جواب = وانت تسأل باب دايم اسمعه العتب يشبه ترى درب الحساب = يتعب العاتب ويتعب من معه يقطع عروق المحبه بالعذاب = يظلم شعور الهنا ثم يقمعه يسلب اسباب الرضا بالاغتصاب = للفرح حاجب ودايم يرمعه يفرض اسلوب (ن) يجيب الاكتئاب = يحرم العاشق ولاهو يشبعه يحرق اوراق الفرح والاقتراب = يرمي القلبين وسط المعمعه المحبه والرضا والانجذاب = والتفاهم هي اصول (ن) اربعه من جمعها عاش حبه في شباب = وشيبها شرع العتاب ومسمعه من فقدها بنظرتي وضع الغياب = للمحب اهون ولو هو يدمعه |
كف الاحزان
ضاعت عناويني على كف الاحزان=دان الحزن مني وانا منـه دانـي عمري مضى بالحزن واقع وعنوان=لا شافتـه عينـي لقيتـه طوانـي الحزن اتعبته وانـا فيـه تعبـان=مكتوب له فيني وانا فيـه اعانـي كني سفينة تايهه وسـط طوفـان=ربانهـا ضايـع يـدور مـوانـي الحـزن ياسـادة اذا زار انسـان=ااسـر ومستعمـر وذلـه هوانـي كله سبايب بعد مكحـول الاعيـان=اللي حرق قلبـي وبعـده شوانـي راعي العيون الناعسة ام الاوطان=اللي بها شيـدت قصـر الامانـي اللي على فرقاه انا عشت حرمـان=كني سجين الدهر والدهـر جانـي مـاراح متعنـي ولاهـو بغلطـان=حكم الزمن يفرض وفرضه كوانـي في كل ليلة اذكره اذكـر اشجـان=صوته ورسمه والحكي والاغانـي الله واكبر لاضحك ضحكت اوجـان=وتبان غمـزة وجنتـه بالوجانـي واليا مشى في مشيته عز سلطـان=هيبة ملك والوصف سيـد زمانـي واليا جلس كنه وقف جذعه البـان=من طول جذعه واقـف(ن) بالمكانـي واليا تكلـم كلمتـه وزن ميـزان=اسكت وامتع خاطـري بالمعانـي ماخذ جمال الكون والوجه بستـان=يجهرك نوره من شعاع(ن) يبانـي اذكره لاسلهم في عينـي بتحنـان=احيا واموت بنظرته فـي ثوانـي العشق ماهو عيب والحب ياخـوان=ان ماسكن جوف الفتى صار اناني واللي يناظر كل عاشـق بحقـران=قلبه حديـد وعلتـه شـي ثانـي الحب عذري والمحبة لهـا شـان=ان كان صاحبها نظيـف العوانـي لا واهني اللي على الوصل طربان=يضحك وروحـه دانيـه للغوانـي |
هات الجروح
هات الجروح وصبها بخاطري صب = لا تنتظر مادام جرحي يداويك واليا نويت ابعدك واهجرك واهرب = من جرحك الاول على الثاني انخيك هذي مقاسيم الذي فيك قد حب = مانعترض مادامها قسمتي فيك يمك على سهل المقادير واصعب = بمشي انا عاشق لحضرة معاليك اقلط على روحي ومن نبعي اشرب = واسكن خفوق اللي ملكته بياديك بين المحاني سوّ ميدان والعب = داعب ضلوعي غن ّ أحلى اغانيك واليا بردت احطب من ضلوعي الشبّ = واسهر على دقات قلبي بلياليك يامهجتي ياغايتي وانت مكسب = ارضيك انا والله وشلون مارضيك قلبي بيدينك وانت من روحي اقرب = اقرب من انفاسي واعيش بحراويك منهو على عشقك يغني ويطرب = ابسألك بالله منهو يراعيك |
جمعت الشوق
فديت البسمه اللي ترسم الفتنه على الخدين =فديت الرمش والغره فديتك يانحيل العود جمعت الشوق لعيونك ولعيونك انا تدرين=ابرخص لجلك الغالي فدى رمش العيون السود يا أعذب من سكن فيني وأعذب مابهالثقلين = تعال ولا تخليني ضرير الشوف بالمقصود تعال وعيش بعيوني تعال انزل هنا يازين = ابي شوفي يعيش احلى حكايات الوفا مشهود ابي ترسم لنظراتي خطاوي تحمل الاثنين = وكف الوصل مابيني وبينك حبلها ممدود جمعت الشوق من خافق على خدك نثرته لين = يفوح الورد بخدودك وعطّر للمسا عنقود ضحكت وصار للضحكه بعينك باعث القلبين = بكيت ولا لقيت الا كفوفك تمسح المهدود يطيب الهرج لعيونك واعيش الفرْح ليل وعين = بعد ماذاب فيني صوتك الفاتن وانا موجود تعبت اجمع مساحاتك اتوه بفكرة ابدا وين = اشوف بهامتك دنيا كبيره مالها ايّ حدود ابجمع خافقك فيني ابدّد فكرة الارضين = وفا واخلاص في دولة احاسيس الهوى وورود |
حلم الشقا
ياللي تعيش بماضي الوقـت وشفيـك=عايـش علـى حلـم الشقـا والـزوالـي ترسم معانـاة الهـوى بحلـم ماضيـك=وتعـيـش بالـواقـع بـصـورة خيـالـي نظـرتـك للـعـالـم بـحــزن يـبـاريـك=اجبرت فيهـا الـروح حمـل الجبالـي هون علـى نفسـك وخفـف مساعيـك=مـن نـاشـد المقفـيـن دربــه ظـلالـي ياعابرلبحرالهـوى البـحـر مشقـيـك=وامـواج بحـرك لطمهـا فـوق عالـي مرت سنيـن الدهـر والدهـر يسقيـك=مـر السنـيـن ودمــع عيـنـك مـوالـي واللي رفع سبـع السمـا بعلـم هاديـك=رب الجلال اللي على الكـون والـي مرسي الجبال وغافر الذنب معطيك=من رحمته في يوم عرض السؤالـي ماينفـعـك ذكــره ولاهـــو بـيـداويـك=وشلـون بـه رجـوى امــل للمحـالـي وافهـم تـرى دنيـاك كــاس تـواريـك=ماكـل مـا بالكـاس صـافـي وحـالـي ماتـاقـف الدنـيـا بخيـبـة امــل فـيــك=وحلـو الامـل نلـقـاه لــو بـعـد مـالـي |
لا تزعلي !!!! انا خطيت والله خطيت !!!! لا تزعلي لو قلت انا بعض الحكي!!! ... لا تزعلي وليه تزعلي هو ذنبي قلبي ان حكالك تزعلي !!! لا تزعلي هو ضايقك انك جرحتيني وحسّيت الجروح او ضايقك اني احاول اخذك قلبن وروح !!! ادري خطيت يمكن لأني لك حكيت حاولت احمي حبنا يمكن خطيت لا تزعلي ولا تزعلي ياصاحبي للحب عندي فكر اخر هو مختلف عن حبهم هو حب طاهر ولا تزعلي يانور هالدنيا وجنوني غلطان حبيتك وغنّيتك عيوني ولا تزعلي ادري خطيت يمكن لأني لك حكيت ومادام انك تعلن الفرقا ونسيت راح اوعدك اني على صمتك نويت لا تزعلي لا تزعلي !!! انا خطيت !!!!! |
دايم على بالي وطاريك فيني = ياعيشن روحي ليالي طويله ليت الوصل كاسن توسّط يديني = تشفي دوى ذيك الجروح العليله |
عطر ودخــون
احلى القصيد العذب من حلو منطوق = واثقل حروف بوزن ميزان الاقوال واجمل فكر واحساس في وصف معشوق = وابلغ حكي ينقال في كل الاحوال واقوى شعر مسموع جذاب معبوق = عطره دخون وماه ورد(ن) وشلّال واذوق معاني الشعر في العشق والشوق = والطف نسايم حرف في وصف واذهال في حرف شعر(ن) يشرح الفكروالذوق = يجبرعلى قاريه بالحرف رحّال يلقى ثنايا الجزل بستان مرموق = ويلقى بوسط الجزل دله وفنجال ذلّلت لك بالشعر وقف (ن)و موثوق = باسمك وغربلت الشعر وسط غربال روضت لك خيل الفكر جاك موفوق= وارخيت لك من مزنة الفكر همّال ملعون ابو حرفي وشعري ومحروق = لن كان مايوفي ولاحقق اّّمال فيه الوفا والحب والشوق معتوق= على مواقع روحكم شرق واشمال لكم غلا والله ماهو بمسبوق = ابد(ن) ولا قد مر في كل الاجيال يازين ياللي قلبنا منك مسروق = انا اشهد ان الشوق بالقلب شعّال قلبي غدى طفل(ن) يتيم(ن) ومخنوق = مفطوم قبل يعدّ حولين الاكمال سرت اّّتوجّس قربكم طال في عوق= مدري عذول(ن) جاك ظالم وجهّال واللا ضروف الوقت والوضع مزنوق =واللا تبي غيري وصابك تملّال رد الجواب ارجوك والعذرمرفوق= لاجل الخفوق اللي غدى بعدك اوصال |
جمــعة مباركة |
آنا ويني ؟ آنا موجود بعيونك,,,, وآنا كلّي يعشقونك ,,,, واللا ماتدري عيونك!!!! ياللي تاخذك الظنون!!!!! ليه تسأل وين اكون !!!! وليه تسأل وين اكون!!! آنا موجود بعيونك ,,,,,, هات وعدك ياملاك !! دام قلبي قد هواك !! وامشي معك قلبن وروح!!! واسامرك عشقن وبوح!!! وليه تسأل !!! وآنا موجود بعيونك,,,,,,, بس لحظه بسألك !!!من هو انا بدنيتك !!!! مشتاق والله لشوفتك!!!! وآنا موجود بعيونك,,,,,,, وتدري يالقلب الحنون !!! قلي بس من هو اكون !!! اخاف تجرحني وتخون !!! وآنا موجود بعيونك ,,,,,, ماعاد فيني للجروح !!! ابيك لي قلبن نصوح !!!! وان كان تسأل وين اروح !!! آنا موجود بعيونك وانت تسأل عن مكاني !!!! وآنا اسأل عن مكانك !!!! وانت عايش في حناني!!! وآنا ناقصني حنانك! !!!! اه لو تدري حبيبي !!!!! آنا موجود بعيونك,,,,, آنا ويني,,,, انا موجود بعيونك ,,,, |
زوار مملكتي اسعدتم صباح مساء لظروفي ولإرتباطاتي بالدراسه والامتحانات فلا املك اللا القليل القليل من الوقت سيغيب قلمي عن هنا ربما اقل من اسبوعين القاكم على خير وفقني الله واياكم |
مساء الشوق يا وردة زماني = يا روح العشق واطياف السعاده مساء الشوق يا حلو المعاني = وطن قلبي يبايعك السياده انا لو كان حظي بك رماني = عسى حظي معك يلقى مراده نويتك لين عشقك بي نواني= احبك بعد ربي والعباده |
انا يادنيتي
انا يادنيتي مالي طماعه = والا فكرت حتى في اجتماعه تكفيني ابتساماته وفرحه = فرح خلي يكفيني قناعه اخاف آخذ خفوقه في خفوقي = وتزعج دقة الخافق سماعه واخاف يعيش في قربي ويزعل = ولا يلقى بقربي له طواعه واخاف اني انزّل دمع عينه = واقول له لا واضايقه امتناعه واخاف انه يخاف اني ابزعل = ويشكي خوف عايش في صراعه واخاف انه على سبّة محبه = مريض العشق ماعنده مناعه واعالج لوعته من بعد يشقى = ولا يلقى بغيري له جماعه يعيش بدنيته محروم عاجز = صغير السن عاجز في يراعه انا يادنيتي مالي طماعه = ولا فكرت حتى في اجتماعه تكفيني ابتساماته وفرحه = فرح خلي يكفيني قناعه |
جمــعـــة مباركة |
الحياه طريق طويل!! فيها المصاعب وفيها المستحيل!!! وفيها السهل !!! السهل ان تجد من يجرحك ! والصعب ان تجد من يحس بك !!! والمستحيل ان تجد من يمسح دمع عينيك ويبيع كل شئ لأجلك!!! ــــــــــــــــــــــــــــــــــــــــــــــــــ ــــــــــــــ اجمل مافي الرجل الرجوله , اجمل مافي المرأه الغيره, اجمل مافي الليل الهدوء, اجمل مافي الحياه القناعه, اجمل مافي التعامل الصدق, اجمل مافي الحب الاخلاص , ــــــــــــــــــــــــــــــــــــــــــــــــــ ـــــــــــ الافراط في اللين ضعف, الافراط في الضحك خفه, الافراط في الحذر وسواس, الافراط في الثقه ضياع. |
فلسفة الحقائق واستباق الاحكام احمد الله ان خلقني انسانا مسلما واحمده ان قرأت في كتابه الحكيم ( اقرأ باسم ربك الذي خلق ) هنا امر للنبي وما امر به النبي هنا هو فرض على الامه بالتعلم والقراءه اقرأ في كتب الفلسفه النفسيه وأؤمن بها كثيرا واستطعت كثيرا بفضل الله ان استفيد في تعاملي مع الاخرين وهناك جانب مهم هو جانب أصيل من جوانب الانسان وكيانه الروحي, إرادة وعيٍ وتطلّع إلى الحق. وقد يميل بنا الظن إلى أنه تطلُّع إلى الحقائق كلِّها, ورغبةٌ نهمةٌ في معرفة كلِّ شيء. ذلك أن نزعة غامضة, خفيَّة في أعماقه, تصوِّر له المثل الأعلى للمعرفة معرفةً محيطةً شاملة, معرفة تَهْدُم مثلها الأعلى عن طريق تحقيقه. وليس لنا أن نسأل هنا عمَّا إذا كانت هذه النزعة الغامضة علامة من علامات العقل المطلق، تدمغ النفس المخلوقة وتدفعها إلى التشبُّه بالعارف العليم قدر طاقتها, أو أثراً من آثار العجرفة والفضول. نقول إننا لم نتجاوز حدود الوصف والتحليل؛ ولكننا نعتقد أن النتيجة اللازمة عن هذا الوصف والتحليل نتيجة هامة. إذ يكفي أن يعي الفرد أنه لا يستطيع إلا أن يعدَّ نفسه مقياساً للحقائق المطلقة حتى ينتبه إلى خطورة المسؤولية التي يحمل أعباءها. إن وفاءه لمعنى الحقيقة يُلزِمه بأن يعيد النظر دائماً في جملة أحكامه عن طريق فحص البراهين التي تدعمها. فالتجربة تعلِّمنا أننا كثيراً ما نخطئ ونبدِّل أحكامنا. وسبيلنا إلى رفع الخطأ الممكن أن نكون على صلة حية دائمة بالحقائق التي انتهينا إليها. فإذا ما أعطينا حق التقرير فيها فقد ألزمنا أيضاً بواجب تطهيرها وتحريرها بفضل التجربة والتأمل. إننا لسنا أحراراً في توكيد الحقيقة التي نريد, ولكننا أحرار في البحث عن الحقيقة التي تفرض نفسها علينا. إننا لا نملك الحقيقة إلا عندما تملكنا. لاحقيقة نطلقها دون برهان وإن كنّا مؤمنين بها |
يابحر
يابحر موجك طاوين كل الاسرار = ابسألك يابحر وين امنياتي في لجتك يابحر قاسي وغدار = شاطي عذاب وغبّتك موج عاتي ياطير
ياطير ياللي بالسما فوق طاير = سلّم عليه وبلّغه بالتحيّه قلّه ترى خلّك من الجرح حاير = وشمسك توقّد عقب ماكنت فيّه وش لون صار المرهف اليوم جاير =يقطف ويرمي مازرعت بيديّه |
لم الغضب والانفعال كلنا نغضب فمن لا يغضب ويتأثر ويعبر فهو حتما شخص غير طبيعي ويحمل مشاكل كبيره إنّ الغضب شعور طبيعيّ يخالج الناس جميعاً. حالات غضب يقال من الصعب إعطاء تعريف مقتضب للغضب، إذ إنّ معالمه ليست معمّمة على الجميع بشكل نمطيّ. بل هو ببساطة شعور داخليّ قد يمرّ به كلّ شخص في أيّ وقت . لكن لا بدّ من التنفيس عنه بطريقة ما كي لا يؤثّر سلباً على الحالة النفسية والحياتيه. والاهم بالنسبة لي ان لايؤثر او يؤذي الاخرين هو إحساس تختلف حدّة التعبير عنه حسب الشخص. وأرى ان «الناس عموماً قد يلجأون إلى التفسير أو التعبير عن أحاسيسهم ومشاعرهم ليرتاحوا، وهذا مقبول إجتماعياً. لكن بعض الأشخاص سريعو الغضب وتكون ردّات فعلهم مبالغاً بها، وهذا ما يُعرف بنوبة الغضب ومردّ ذلك هو إمّا طبع المرء وإمّا تراكم الضغوط عليه، فيعمد إلى «فشّة الخلق» هذه. إلاّ أنّ بعض الذين يغضبون بسرعة وحدّة قد يتسبّبون بنفور المحيطين منهم وبخلق صورة بشعة عن طباعهم، ما يستدعي القيام بالسيطرة الذاتية أسباب متنوّعة وأعراض مختلفةكثيرة هي مسبّبات الضغط في الحياة. ولعلّ أبرزها ضغوط العمل او الغضب العاطفي ومتطلّبات ونمط الحياة السريع وقلّة الضمانات، إضافة إلى الملل والروتين اليوميّ. إنّ كلّ هذه الأسباب كفيلة بتوليد شعور الغضب عند الإنسان. فلنغضب ولكن فلننتبه كي لا نؤذي الاخرين |
ياحلو دقّة نبضة الخافق على سمعي = نبضة خفوقك قصايد عشق مجنونه
|
اي والله انّي لا ذكرتك تبسّمت = يرتاح بالي لاطرت لي طواريك يازين مبسم فتنتك لو تكلّمت = الكون يخجل وقتها لا يحاكيك |
شفني قتيلك والسبايب محبَّتك = إعلن عزاي بوسط قلبك وهنّه وان ساءلوك الناس وش عقب سَكْرَتْك = برزخ نعيم وعقبها عشت جنّه |
اسعدتم مساء , تحية مسائيه محمله بعطر التقدير وعبير الاحترام !!!!! تحمل هموما كثيره احيانا تخف وتزول واحيانا تثقل الكاهل بشكل قوي !!!! تحية تحمل استبشار بغد اجمل واكمل !!!! تحية تحمل نظره تأمل لماهو قادم وتحمل احلاما بما يحقق تطلعات التوفيق بإذن الله, واحيانا تحية تحمل القلق كما هو هذا اليوم !!!! وبالنهاية تحية محمله بعطر التقدير وعبير الاحترام واكليل المحبه لقلوبكم النقيه , |
عوده بعد انقطاع اجباري وسلامات منتدانا ماتشوف شر |
ابجمع من خيوط الشمس احلامي = واولّع لك شموع الحلم فيني تمعّن والمح الخفاّق ضامي = يبيك ولا يبي غيرك يجيني |
كل مافيني ينادي قلبك الغالي الفتون =من شرى قلبي وفا والله لا يمكن يهون ليت عينك شوف عيني ياغلا عيني وشوفي = وانتبه لا تاخذك فيني مع العاذل ظنون خل قلبك وسط قلبي وانسى هالعالم جميع = نام مابين المحاني والتحف دمّ الحنون |
الساعة الآن 06:01AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية