اليوم القصه حقيقيه مالها ثلاثه ايام حصلت مع رفيق لي يقول كنت مطفر ما بجيبي سوا سبع ريال يقول وانا ماشي بالسياره ولعت لمبة البنزين حمراء يقول زعلت كن ابشري سجاير المهم وقفت عند المحطه وخجلان اقول بخمسه ريال ولكن طلعت الخمسه بيدي من اجل يفهم ويصب بنزين بخمسه وصادف ان فيه شحاذ جاي من الخلف وما شفته وفكر الشحاذ انه يعطيه الخمسه له وخذها وقال شكرا ورد عليه عفوا ورجع الشحاذ ورفيقي ما يدري يفكر ان اللي اخذ الخمسه عامل المحطه دقايق وجاء عامل المحطه قال بكم تبغى بنزين قال باللي عطيتك قال ما عطيتني حاجه قال كيف ما عطيتك قال ايوه ما اعطيتني حاجه انت اكيد اعطيت الشحاذ وكان مخبي وجهه يكلمه وجهه قدام قال فينه قال راح من هنا وينزل صاحبنا ويلحق الشحاذ ويوم قرب حوله وشافه الشحاذ ويطلق الشحاذ رجله للهرب فكر انه من موظفين مكافحة التسول ويرجع صاحبي بدون فايده واذا راعي المحطه صاب بخمسه ريالات واقف ينتظره يبغى حسابه قال والله ما معي قال وشلون تخليني اصب لك وانت ما معك قال كان معي واخذها الشحاذ وهرب قال انا عامل هات خمسه ريال قال معي ريالين قال له اشتري بها خبز انا حسابي خمسه ريال يقول رفيقي طفيت الجوال وعطيته للعامل قلت خله معك لين اجيب لك خمسه ريال قال عساك ما ترجع روح وراح ويوم رجع للمحطه والا البنزين اللي صب خالص عطاه خمسته وصب مره ثانيه واخذ جواله وصراحه تألمت له اكثر من ما ضحكت وسلامتكم |
كانت في أنسه تعطيني دروس في البيت أنا واخوي
و أخوي دلخ و المُدرسه تشرح لنا مادة الجغرافيا (الكره الارضيه ) يوم انتهى الدرس قالت لنا فهمتوا قلنا بصوت واحد نعم مع هز الدماغ <<<<<<<هنود المهم قال اخوي انا عندي سؤال قالت المُدرسه شو هو حبيبي قال اتحداكم كلكم تجابوا عليه وانا افتح عيوني واذاني ابي اجاوب بسرعه قال اتحداكم هاه اتحداكم هاه تعرفوا ماذا يوجد خلف شبك الكره الارضيه ؟؟؟ <<<<<<<<<غباء بقوه قالت له المدرسه تعرف حبيبي شو جاء على بالي قال شووو يابله قالت اكون قمة الروقان واعملك فلكه ياحمار خخخخخخخخخخخخخخخ |
تسلمين ياريما على المشاركه بس عسى اخوك ما يشوف القصه وتاكلين علقه منه اقوى من علقة ابلته لاهنتي تحياتي |
مشكور سفير المعاني على موقف زميلك ههههههههههههه
راح يدور الشحاذ.......ويوم شافه الشحاذ هرب ههههههههههه موقف جميل ومضحك تحياتي لك ياابو محمد............... |
مواقف رائعه ههههههههههههههه وفيهاحكم انا مره صارلي موقف مع اختي الكبيره الوالده الله يطول بعمرها فيها مرض السكر ورحت شريت جهاز التحليل وبديت امسك العائله بالدور <<جازت لي الشغله وبقى اختي الكبيره رفضت قالت يابنت الحلال فكيني من تجاربك هي دايم تسوي حميه عن السكريات لان السكرعندنا وراثه بالعائله قلت لالالا ضروري احللك بعد هالحميه الطويله والي راح منها حالك المهم يوم حللتها سبحان الله ويطلع عندها السكر300 وتروح تسوي فحوصات كامله طلع عندهاالسكرمن سنه الله يشفيها ويشفياالوالده و جميع مرضى المسلمين |
تحياتي لك استاذي سفير المعاني
توني جايه من موضوع عن بطه فقدة اطفالها تذكرت موقف صار لي قبل كذا اسبوع قبل فتره نزل في الجرايد موضوع مواطنه اشتكت على وزارة الزراعه لتسبب عياده بيطريه في جده في قتل قطتها. وبما اني من سكان جده وبما اني من الي يربون قطط حبيت اشوف اسم العياده علشان ما اتعامل مهعا واخذ حذري.المهم سويت بحث قلت اشوف يمكن احد يعلق على الموضوع ويقول اسم العياده.ليتني ما سويت البحث بان لي كمية الرافق بالحيوان في قلوب بعض البشر..تعليقات تحزن تعليقات خلت الفتاه مسخره واستهزاء لهم شي غريب ليش الاستنكار هذا كله.طيب ما تحب القطط سلمنا تعليقك المشين الي ينم عن ثقافه حواريه فيها قلة احترام لذائقه الناس.من ضمن الردود الي مريت عليها شخص الله يهديه قال وجود القطط شي تافه واستغرب ليش للان ما انقرضت والله العظيم ما تضايقت الا بسبب حكمه على مخلوق من مخلوقات الله ووصفه لها بالتافهه يعني بعض الكلام فيه فجر بدون ما يحس الشخص تلقاه استنكر شي اوجده الله..وربي سبحانه ما خلق شي عبث لكن وش نقول على هالعقول ما اسال الا الصلاح والهدايه لهم كم كلمه هوت بصاحبها الف ذرع في النار وياليت وقفت عند رده (لاااا)صار فيها اقتباس لرده المشهود في الردود الاخرى وكانهم يوافقونه في قوله وانا والله مستغربه وين المراقبين في هالمنتدى من كلام زي كذا اوكي اتفقنا انك ما تحب القطط لكن ليش تستنكر شي من مخلوقات الله وتصفها بالتافهه سبحان الله ونفس الوضع صار لما صار الموت الجماعي للابل استنكار مو طبيعي وين الرافق بالحيوان كل الحقوق مستباحه حتى حقوق الرافق بالحيوان اتذكر زمان وحده من الاخوات حبت تستفزني وجابت لي مشهد انا اتوقع ان صاحبه ما سلم من غضب الله عليه(كان لشخص صب بنزين على كلب وجاء وشب في الكلب النار ولا تشوف الا النار شابه في الكلب والكلب يتصرع من الالم...وش كان الكلب. كلب لطيف اتوقع انه كان يحاول يلعب مع صاحبه)وبس انتظر تعليقك استاذي على مواقف ازعجتني طبعا المشاهدات كثيره خارجه عن نطاق الحيوانات مشاهدات انسانيه لكنها لم تتعبني كثر هالموقفين تحياتي لك |
مشكور اخوي سعود الدوسري
مرورك وتعليقك اسعدني لاعدمتك مشكوره يا الدكتوره شموخ نجد الله يشفي الوالده والاخت ويكفي انك تستطعين ان تقيسين نسبة السكر لديهم واصرارك وضح ختك الانتباه المبكر ويبقى محافظتها بالحميه سلمتي على الموقف |
الاخت دررر
مشكوره على المشاركه والقصه وتعليقي اعتقد بما ساورده لك فيه بسه كانت تجي تحت دريشة الصاله وتنونوا اقوم اخذ لها من الصحن الميسور واعطيه لها يوميا وفيه يوم معزومين ورجعت للبيت لحالي واستقبلتني بالحديقه تنونو رحت للثلااجه وقطعت لها المسيور وعطيته لها ومن لا يرحم لايورحم تقبلي تحياتي |
كويس اجل برسلك قطتي تعيش تحت الدريشه لو حبيت اسافر
شاكره لك حسن ردك وتواضعك الله يخليك للمنتدى اساس منير لكل من يحتاج اليه |
هههههههههههههههه ....... والله ضحكتيني يا دررر..........
والله ما شفتي شي ... انا بنسبه لي في حارتنا اخوان شياطين... والله حتى الشياطين يفرون منهم ... هذولا انا اقول يا كلون الشجر والحجر .... المهم هذولا عندهم جار مصري مسكين .. قالو لازم انخوفه .. راحو عيال الذينا وخذو ديــــك وصبو عليه بانزين ..وشبو فيه ونطلوه عليه في حجرته ويركض الديك في حجرته ولا تسمعين إلا صياح المصري ... المشكله المصري ما عرف ان هذا ديك ... وهو يطالع ما يشوف إلا ضووووووو تركض وتصييييييييييح ... المصري طلع من الحجره وكنه مجنون ..خخخخخخخخخ وفيه سالفه لهم بعد ... وش مسوين؟؟؟؟؟؟؟ ماخذين قطو ... وحبو يسوون فيه عمليه تجريبيه ... خذو من المستشفى ابره ... وعبوها ما ودخلوها في القطووو المسكين ... وهم طبعا ماسكين القطو.. علشان ما يهرب ... ودخلوه في القطو ... وراحو واضغطووو .. ألابره ... ليما انتفخخخخ القطو ... وهو حي وطلعوها وعبوها ودخلوها ثاني مرررررره .... وهكذا ليما مااااااااااااااااات ... والله لتشوفينه تقوليييييييييييين كوووووووووره منتفخه بزياده .... انا ما اقول إلا الله لا يبلانا ... ويغفر لنا ... مشكوووووووووووور اخوي الغالي /سفير المعاني ... على هذا الطرح الممتاز ... ولا عدمناك ولا تحرمنا من جديدك.... |
مشكور/ع القصه ابوفيصل
بس صراحه حرام عليهم.....وما يجوز يعذبون سواء الحيوانات او الطيور........ هذا هم مسلمين بعد لا حول الله ....... لو هم في الغرب كان ركبوهم قضيه خاصه حقوق الحيوان الله يهديهم......ويهدي الجميع ويمكن سمعت عن قصة الهره اللي احبستها وحده ....ودخلت بسبب ذلك النار.....لانها لا اعطتها اكل ولا خلتها تأكل من قشاش الارض.......... |
اخوي ابوفيصل الودعاني مشكور اخوي والله موقف محزن بجد الله يتوب عليهم ولاهنت اخوي سعود الدوسري مشكور على المداخله وبيض الله وجهك على المتابعه تحياتي |
أنا أحكي لكم قصة ....محرجة مرة
أخواني الكبار كان عندهم مجلس وغرفة جلوس في بيتنا خاصة لهم هم وأصحابهم طبعاً اصحابهم دايم عندهم بشكل مستمتر المهم ... في يوم من الأيام كان الشباب عند اخواني وناس منهم اولاد جيراننا وغير كذا صحبة من الطفولة معهم ...فهمه طلعوا كلهم وفيه واحد منهم باقي ولد جيرانا وصاحب اخويه من الصغر قال انا راح انزل البقالة وارجع قالوا له طيب طبعاً الوضع عادي يخلي الباب مفتوح يرحو يجي عادي لأنه مكان للشباب مخليه الوالد لهم... ومن قرادة حظي تو اختكم متحممه وطالعة وفرحانه انا ووجهي اني نظفت المهم طلعت من هنا وتعال شف الطلبات روحي جيبي ...روحي ودي .. كرهت نفسي ودي اني .. انطقيت في الحمام :mf_tongue::mf_tongue::mf_tongue:.. ووقتها جاء اخوية الكبير يقول روحي شيلي الشاهي من غرفة الجلوس قلت له مافيه احد قال لا مافيه خالدبس طلع البقالة وبيرجع روحي بسرعة... قلت طيب وانا مسكينة ما لحقت ادلع نفسي بعد النظافة ..:(1:(1:(1 تخيلوا الوضع اثر الأخ خالدكان هو جالس في امان الله:yasser::yasser::yasser: مرتز في الجلسة هو ووجهة وانا دخلت الصالة:d:d:d وعندنا في الصالة مرايه كبيرة شفت نفسي طبعاً ما صدقت وش الجمال ذا وش الدلع ذا :sm5::sm5::sm5::sm5:قاعده اتدلع وماخذه راحتي ابسط حقوقي:thumb::thumb::thumb: صح اثر الأخ قاعد يسمع انحاس مررره :nono::nono::nono: ... اصبروا باقي ما دخلت باقي باقي ما شاف الخلقة انا كنت شي الله لا يوريكم فاله الشعر ولبسي الله يسترنا يعني خلاص نظرة شرعية على أصولها... المهم شفت المرايه قعدت اغني وياليتها اغاني تفتح النفس ..تخيلوا وش هي الأغنية ...طيب راح اسمعكم.. اسمعوا...احمممم هيله يارمانه هلا هيله يارمانه الحلوة زعلانة الحلوة زعلانة مين يراضية هلا مين يا راضيه هلا ..انا اراضيها وبرحي افديها هلاهلا هلا..وداعسة هلاهلا:whistling::whistling: وارقص إلين ما حسيت بنفسي إلا وانا وسط الجلسة وتخيلوا وش شفت الأخ خالد:d:d:d قاعد وتقول انه علبة الوان .. دورو ليه انا عاد وقتها تقول قطوه غرقة:Looking_anim::Looking_anim::Looking_anim: وتسحب نفسها بشويش ... وطيران على اخواني اسب والعن فيهم وش فيكم تدخلوني عليه ... المهم اخواني جررررري على الغرفة وين حصلوة مندس واراء الباب تقول شاف جنية مالت علية بس تصدقون ما لمته والله لي اكثر من عشر دقايق معيشته رعب مسكين واتخيلوه محشور في الغرفة ما هو قدر يشرد ... ويدعى يارب ما تدخل يارب ما تدخل ..وطبيت علية المهم هو خاف من تلطيم اخواني له بس ربك ستر ... والله كل ما تذكر الموقف اطيح من الضحك على شكلي وشكلة ... وترا عاد اختكم تخصص نظرات شرعية عندي دكتوراه وافكر اسوي ما جستير... وسلامتك عساها حلوه بس... اشكرك اخوي وتقبل مرروري... توقيع: د: النظره الشرعية |
اقتباس:
ههههههههههههههههههههههههههههه من جد موقف محرج..... بس تعالي يالأثرية منين طلعتي هالأغنية..... يااااااااااااااااه قديمة هيلا يارمانة لعبدالحميد السيد... ياااااااااااااااه رجعتيني لأيام الكويت |
مرحبا كيفكم؟؟؟
اليوم صار معاي موقف صح انه احرجني بس موتني ضحك بكليتي القديمه جوال الكامراه ممنوع وهذا النظام ماشين عليه اللي بعض الاحيان يتهرب الجوال بس من يوم نقلت للكليه الجديده اشوف الكل معاه جوال بكامراه ولا احد يكلمهم ويمشون بكل ثقه ومستغربه من هذا النظام المهم جات في بالي ليه مااخذ جوالي معاي وانا عادي ماشيه في امان الله عند البوابه الرئيسيه للكليه اشوف زحمه على غير العاده قلت يمكن انا متأخره علشان كذا واسمع ان فيه تفتيش على الجوالات عاد انا ادري ان حظي عنيييييييييييييييييييييييد بس مو لهدرجه عاد نص ساعه قاعده برا ماابي ادخل فكرة ادق على ابوي بس اللي كانت جنبي دقت على زوجها وعصب عليها !!!!!!!قلت بنفسي ليه بايعه عمري والله انه يدفني قدام باب الكليه المهم توكلت على الله وخرجت الشريحه والبطاريه وحطيت الجهاز تحت قدمي في الصندل الله يكرمكم وخفت من المشي اضغط على الجوال ويتكسر عاد حرام توه جديد قمت امشي على اصابع رجولي كل من شافني سطح ضحك ههههههههههههههههههههههه والله متحمسه بالمشي وانا داخله قاعده ادعي يارب تعميهم عني وبالاخر بعد كل هذا التعب والتحدي طلع التفتيش على البطايق حقت الكليه الحمدالله والشكر والنتيجه تأخرت عن المحاضره واخذتلي كلمتين من الدكتوره وبعدين مشي الحال توبه ماعاد اخذه لو يعطوني وزني ذهب وهذا الموقف وسلامتكم |
ههههههههههههههههههههههههههههههههه
ههههههههههههههههههههههههههههه لاعاد تاخذينه يابنت الحلال والله موقف خطير <<تتخيلك وانتي تمشين |
الاخت الكريمه نبض قلب ابها تسلمين على هالموقف المحرج لك بس مالك ذنب في اللي حصل يتحمل اخوك الذنب دمتي بخير الاخت الحظ العنيد تسلمين على الموقف واللي فيه ريح ما يستريح الحمد لله انه صار التفتيش على بطاقه دمتي بخير تحياتي |
بسم الله الرحمن الرحيم
اسعد الله مسائكم بكل خير مره من المريرات واليوم بين اليوميات كنا نجهز لرحله للبر والوالده دائم تحب تجهز الاغراض وتشيل هم كثير لاننسى قلت يمه لاتعبين نفسك ترا ماقدمنا احد الاتراب خذي ااشياء االخفيفه الا عندي ولد اختي جالس عمره 9سنوات وبس سمعني تقول صابه سكني بسم الله علينا وجلس يناقش قال تقولين تراب <<مافيه خاله ولاشي الوالد يمون هههههههههههههه اسمعيني حنا وش مخلوقين منه من تراب صح ونعود لتراب صح وشهو له تقولين لجده ماقدمنا الاتراب ههههههههههههه المهم سمعته ولاماسعت قمت اصرف الموضوع قلت يالله حبيبي روح جهز الكوره حتى تلعب وتنبسط قال لا انتي موتقولين تراب وشهوله العب فيه قلت يالليل المعزا وياصباح البعارين مامن فكه منك وش جابك بس هههههههههههههههههههه المهم وبعد كم محاوله اشو انه نسى الموضوع وماشاءالله هالولد اتوقع له مستقبل ذكي حيل و يكتب شعر مادري من وين يجيبه ناويه اسوي عليه حملة تفتيش خاف انه يسرقه هههههههههههههه ودمتم بخير ولي عوده |
حلوة ...حيل ياشموخ ... انتبهي يمكن انه يسرق اشاعرك...لا ماشاءالله عليه شكلة ذكى ...بس انتبهي لا تلقينه كاتب قصيدة في التراب... وبعيد عادي ترا أولاد الزمن هذا رافعين الكلافه من دون طلب ...يعني انا اصحاب...
|
شكرا اخت شموخ على الموقف والله يخليكم
لبعض ولا يفرقكم من بعض بالود والمحبه ودمتي تحياتي |
موقف اليوم امس مروني اصدقاء وقالوا نبي نظهر نتنفس الهواء بر يكون قريب وغدانا معنا قلت تبون شي قالوا ابد سلامتك واذا فيه ترمس شاهي جاهز وكرتون بسكوت قدامي قلت اخذهن معي زود الخير خير وصلنا المكان اللي هم مخططين عليه وفرشنا الفرشه وجلسنا ويتكلم واحد منهم قال يومك جايب شاهي وكيس تخاف ما نشبعك قلت افا لا والله هذا حلا بعد الاكل وما فيها شي لقيته قدامي جاهز وخذته وما رايح اجبر احد على اكله الدعوى بسكوت وشاهي قال الصديق نمشيها والا هذا نقص بحقي انا المتكفل قلت ولا نقص ولا حاجه واقوم وارجعهن للسياره وارجع واجلس ونسولف ونضحك قال كانكم ما جعتوا قالو الا جايعين قام الاجودي نزل كرتونه وفيه ترمس شاهي وبيالات وصحن وملعقه كبيره وزبدية زلطه ويرجع ويجيب الحافظه ويفرش السماط ويحط الصحون البلا ستيك ومن حسن الحظ اني متغدي وما دروا قال تفضلوا وفتش الحافظه واذاهي فارغه بس فيها صحون مغسله هو خطفها من خرشته يحسبها الغداء ويزهم على اهله يسب و يشتم ليه وين الاكل قالوا انت اللي ما شلته قال ليه تحطون الصحون بالحافظه شلتها وجدتها ثقيله وفكرت انها الاكل قلنا له ما صار الا خير قال لا الا صار شر انتصرتوا علي قلنا الا خسرنا طبخة ام ياسر بس ابشر بالعوض البسكوت موجود واذا الربع بطونهم تصرصر ونزل البسكوت والله يقبل د عواتهم لي وهذا الموقف سببه العجله وعدم التروي والف شكر تحياتي للجميع |
ههههههههههههههههههههههههههههههههههههههههههههه
ياعم سفيرماشاءالله عليك كنك حاس انه هالرجال مطيور يحليله ويهايط مايبغى بسكوت خخخخخخخخخخخخخخ يالله موقف خطير وبنفس الوقت احراج انا لومنه ماامرمن شارعكم شهر هههههههههههههه قصه رائعه وماننحرم من مواقفك الحكيمه وفقك الله |
أهلين :blushing:
هالاسبوع احس مخي مخبط ومااقدر اجمع شي :K_crying: المديرة اليوم شايفه دفتري وطبعا كل درس مدون له تاريخ ففي احد الدروس انا كتبت التاريخ 29 _3 وقالت لي 29 _3 يوافق يوم خميس !! وطبعاً شعوري محرج وطااااااح وجهي لاني أصلا استحي منها وهي تحترمني كثير ولي معها صله قرابه وأحرجتني اكثر انها قالت صححي التاريخ ولاكتبت على الدفتر ملاحظات وياكثر هالاسبوع موافق لااحسد عليها:d |
سفير ))حلوه مافي غدا وصحون فاضيه بعد ومغسوله ههههههه الحمدلله اني ماكنت موجود ههههههه
بصراحه ونا اقرا القصه حسيت بالجوع / تحياتي لك /سفير المعاني |
يعطيك العافيه
اخوي: سفير موضوع جداً جميل و مواقفكم اجمل --> قمت افر بهالذاكره وتذكرت موقف صار معي انا والشله . كنا رايحين للبحرين عددنا خمسه ونمشي بالسياره على الطريق إلا وقدامنا نقل جماعي كبير سد الشارع لاهو مخلينا نسقط عليه ولا هو بيسقط علينا لفينا يمين لف يمين يسار--> يسار في راسه شيء ؟ المهم انا اللي اسوق -->:d راحوا فيها اجل قهررررررني وانا ادوس ع البانزين واحده لين وصلت له ونفتح الداريش ويالله ياعيال ماعندنا شيء نحذفه به غير علب الكولا -:whistling:--> القزاز و تشششششش ماتسمع غير صوت القزاز وكسرنا دريشته ومدري جته اصابات ولا لا خله عشان يعرف مره ثانيه يساقط سعوديين :d |
اليوم سددت فاتورة جوالي بالخطأ عن طريق الصراف الآلي
http://img489.imageshack.us/img489/353/50ui5.gif كنت مستغربه المبلغ اكثر من فاتورتي قلت ممكن رسوم الخدمة (مو هذي حجة الاتصالات ) بعدها اكتشفت انه الارقام الاخيره خطأ http://img489.imageshack.us/img489/151/49vu9.gif |
الاربعاء كنت بالسوق وضربت الرقم السري خطأ مرتين
بعدها سحبت البطاقه !! مع شعوري العميق بالاحباط وأقول في نفسي كيف انسى الرقم وله سنوات يوم الاربعاء ايضا وفي اثناء الدرس كان عن عمر بن الخطاب وانه استحدث بعض المدن مثل الفسطاط وفيه طالبه ذكيه تحب تسال عن كل شي قالت ابله ايش معنى الفسطاط وانا اقول في قلبي هذي والله النشبه طبعا انا عارفه ان معناها الخيمه لكن نسيت وتداركت الموقف وقلت لها سوف نتكلم عن التفاصيل الجانيه في وقت اخر وفعلا كان وقت الحصه اوشك على الانتهاء |
الاخت شموخ نجد
الاخت رسيس الاخ عاسف الخيل الاخ الذهبي الاخت ريما اشكركم على مشاركاتكم وتفعيلكم لهذا الموضوع فهو منكم واليكم ودمتم بخير تحياتي |
موقف اليوم
كنت انا وصديقين مسافرين الى حايل منذو يومين وماشين بالسياره ومبسوطين وهالامطار والجو الجميل ومررنا وشفنا مسيل ووقفنا نتمتع بالمنظر وكان المطر متوقف ونزلنا من السياره ونزل صديقنا السائق وترك السياره وهي شغاله وذهبنا للمسيل ببعد اربعون متر وعندما بقينا حوالي خمس دقايق وحنا كاشخين بثيابنا وغترنا وعقلنا الا وامر ربي يصدر وتهطل السماء بشكل قوي ونجي نركض للسياره نبي نركب خايفين على ملابسنا من البلل وكل واحد يقصد الباب يفتح من اجل يركب ولم تنفتح السياره رص صاحبنا زر القفل بدون ان يعلم ان المفاتيح بداخل السياره كعادته واذا واحد منا لابس بشت شتوي ونتماسكه ونحطه مثل الخيمه فوق روسنا ليقينا من المطر ونبي احد يوقفلنا واذا شافونا المارين وقلنا يبي يوقفون داسو البنزين المهم ويوقف لنا شاب يبلغ من لعمر خمسه وعشرون سنه قال سلاما قلنا والله المفاتيح بداخل السياره قال لا تحركون خلوكم مكانكم وهو يدوس على النزين ويفحط يتركنا قلنا وراه هون يفزع لو اخذنا معه عن المطر والهوى قلت والله بلاه المياه اللي بثيابنا وبشتنا لونعصر سيلنا وادي وسيارته نظيفه ربع ساعه واحد يقول يرجع واحد يقول ما يرجع الا والشاب راجع ومعه مصلح مفاتيح جابه من البلد اللتي لا تبعد عنا عشرون كيلوا وكلنا بصوت واحد بيض الله وجهك ونجي نعطي راعي المفاتيح اجرته قال الشاب اجرته يركب الشايب معي ولله ثم والله ان تركب قلت بس ياولدي ثيابي مبلوله قال ولا يهمك تركب تركب وركبت بعد ان جبت فرشه معنا من شنطة السياره وفرشتها على المرتبه بغى الشاب حلف وحلفت قبله لافرشها وافق قال المهم تركب معي ومرينا بلد المصلح ونزلناه واستمرينا متجهين لمدينة حايل الله يعمرها وحلف وقال العشاء عندي الوالده مزينه العشاء قلت بس حنا نبي نروح مستعجلين ونبي نروح نسكن حاجزين السكن ونعطي الغسال ثيابنا قال بعد العشاء المهم وافقنا ورحنا وتعشينا وبيض الله وجهه وليت غريبه على ابناء منطقة حائل خصوصا ولا على على ابناء المملكه عموما هذا الطيب والكرم والله يلحقنا رد جزاه والله لو عندي بنت لاخطبه لها وهذا ينغذا ولده رغم انه تربى يتيم تحت تربية والدته ابقاها الله له وابقاه لها والله يوريها بره ويوفقه اين ما اتجه وحل ورحل ودمتم بخير تحياتي للجميع |
ما شاء الله تبارك الله عليه والله انه يسر خاطري ويثلج صدري أذا سمعت ان عيالنا باقي على الشيمه والكرامة والعادات الزينه ...الله يبض وجهة ويرزقة ببنت الحلال واكيد إللي مثلة وشرواه البنات يتمنونه راعي نخوه...الله يخليه لأمه ويخلي أمه له ويمد له في عمرها...
أم القصة فالله يعطيكم العافيه قصة حلوه بس عسى ما لحقكم برد ...وترا ولا احلى من الجلوس تحت المطر خيال مره في السنه نحس انا في جو اروبي ...تسلم والله قصة حلوة وقل لخويك لا عد يعيدها هالمره لقيتوا اجودي المره الجايه ما تدرون من بتلقون...تحياتي لك. |
أختي رسيس مواقفك مره حلوه ه بس الله يهديك دوني الرقم السري كا أحتياط في ورقة في محفظتك يعني سبحان الله بني أدم نساي ...
اما البنت انا مكانك أطلعها برا لا تفتح فمها ومحد طلبها تتكلم..هههههههههههه لعانه صح.. والله وإللي يسمعني يقول ما كنت كذا ههههه شاكره لك الموقف الحلو هذا الله يعطيك العافيه تحياتي لك.. |
هلا بالجميع سوالف ومواقف رائعه فكره جميله حيل بحكي لكم موقف مره محرج مر فيني رحت مكه للعمره انا ومعي صديقه وعندما انتهينا طلعنا من باب الملك عبد العزيز سيارتنا في المواقف واسولف انا وصديقتي ومتجهين للسياره ركبت انا اول ومن ثم صديقتي وسكرنا الابواب وجلسنا والسواق راكب بالسياره حكينا شوي السواق ما حرك السياره ناديته فلان وش فيك نبي نروح نتعشى وراك ما تمشي التفت الرجال وقال عفواُ اخواتي انتو غلطانين تصورو الفجعه ووجيهنا ؟ واشوى ما طار بنا والأدهى ان سواقنا يشوفنا ونسيت اقول انها توأم سيارتنا ههههههههههههههه |
ههههههههههه...حياك بينا غلاتي رهب :054:والله موقف محرج :blushing:....ابشرك أختك صار لها نفس الموقف :K_crying:أيام المدرسه والله احراج مررره:O_stupid: لا وطلعت بهدوء يوم شفت الوجهه:MCPEa251::MCPEa242: ههههههههه:whistling:
|
مشكوره اختي نبض قلب ابها تسلمين على متابعة الموضوع والمشاركين وتعليقاتك اللي تفتح النفس بس نبي بعد منك المشاركه بمواقف طمعين بحضورك دمتي تحياتي |
هلا وغلا بالاميره ام نواف الله يسعدك وين ما وجهتي لخير نورتي الموضوع بحضورك وبالموقف اللي ما تنحسدين عليه وصار ابن حلال لكن كني اشوفك وانتي تعتذرين منه سلمتي ام نواف ولا تقاطعينا الله يسلمك ودمتي بخير تحياتي |
السلام عليكم ورحمة الله وبركاته :
اليوم الظهر رحت للاتصالات علشان اطلع بدل شريحة بدل فاقد بدل اللي ضاعت وكان معي واحد من زملائي خلصنا من شركة الاتصالات . وقال نبي نروح للاستراحة ونتغدى قلت مو مشكلة وكنا واقفين بالسيارة عند الاشــارة <<<< طبعاً انا السواق وكانت خلفي سيارة ازعجني يكبس ويضرب بـوررري بيطلع يمين ولكن انا حاشره ومسكت معي انا وخويي عناد اني مااطلع رغم اني اقدر اخليه يطلع يمين المهم فتحت الاشارة المفروض هو يطلع يمين وانا اطلع يسار الاخ طلع معي يسـار وطاير ومعصب وحالته حـالـه قال خويي اللي معي هـذا شكله ناوي شـر قلت خلنا نشوف وش عنده المهم تعدانا الاخ وياشر لنا اننا نصفط يمين قال خويي صفط سفطت قلت ابشوف وش تاليتها معـه <<<< ناوي نخربها انا وخويي وننزل من السيارة ويجيينا معصب وحالته حاله انا تاخرت على الدوام وليش مافتحتو الخط ليـه انا قلت لخويي اذا قرب من عندنا عطـه مخمس على وجهه يوم قرب من عندنا اطالع بوجهه الا خويي بالدوام واسلم عليه ونسولف شـوي وتعذرنا من بـعـض . ونسولف قال انا متاخر على الدوام الحين بسبتك ياغالب <<< ومسكت معي طناخة قلت له خلاص لا تداوم اليوم والله يستر من بكرى هههههههههههههههههههه |
هلا بك غالب تسلم على الموقف والحمدلله انه طلع زميل لك والا كان علوم مشكور اخوي ولا تقاطعنا لاهنت تحياتي |
سلام عليكم ياالربع اليوم موقف لااحسد عليه ههههههههههههههههه انا من عادتي لمااتكلم بالتلفون انسى نفسي واروووووووووووووح واسولف ولا عاد ادري باللي حولي المهم وقفت اليوم الصبح عند الصرافة و دق علي واحد من الشباب وسلام وسوالف وضحك وهذيك النكت وهذاك التقطيع >>اقول له وجهك تقول ست دقايق من حصه علوم هههههه تشبيه صعب المهم كان وراي وانا عند الصرافه حوالي اربع سيارات ومن ضمنها ابوي ومعه اخوي ولاانتبهت لهم ههههههههههههههههههه واخر شي اتصل بي ابوي وحصله انتظار وقلت لخويي الوالد يكلمني شوي واكلمك ويوم رديت عليه قال وينك فيه بسرعه من دون سلام ولاكلام قلت عند الصرافة اللي في محطة ال راكان قال قدم قبل انزل الحين واتوطاك ههههههههههههههههههههههههههههههه ويوم اطالع بالمرايه الا سيارة ابوي وسيارت نااااس يؤيؤيؤيؤ واقول سم سم ابشر طال عمرك والله وحلفت ماعاد اتكلم بالجوال عند الصرافه كل الاحترام لكل من مر من هنا اخوكم عبدالرحمن |
تسلم عبدالرحمن على هذا الموقف اجل محير الناس وانت مانت داري الله يعطيك العافيه تحياتي |
[table1="width:95%;"] | [/table1]هذا الموقف صار معي الفصل الماضي كان عندي اختبارين مادة الصبح وماده الساعه وحده بعد الضهر انا طبعاً مواصل بس طالع مبسووووط لان الاختبار سهل والدرجه ان شاءالله كامله << كثر منها طلعت حوالي الساعه 2 ونصف فرحان ومستانس رجعت للبيت صراحه تعبان بس مبسوط قلت بتغداء وانام تعرفون ان الغداء يتاخر تغدينا الساعه 3 دخلت لغرفتي بنام الا الوالد يصوت على تعال ابيك رحت نزلت للوالد قال صل واذا صليت خذ العلاج ذا جيبه لي من الصيدليه اخذت علبت العلاج وضيت وصليت ومشيت للسوق كان معي اخوي الصغير << امووووت فيه يا حظه هههههه مريت على السوبر بشتري له عصير و بسكوت <<احلف باقي الصيدليه مريت على الصيدليه ونزلت كان المحاسب على يمين الباب اعطيته كرتون العلاج طالع في قال: اي ده قلت : موجود عندك مثله قال : انت فيك ايه انا حسبته ما فهم قلت : ياخي زي العلاج ذا عندك قال: ياخي احنا مكتبه مو صيدليه وانا اطالع جنبي كان فيه شنطه ومراسم وانا اموووت قال: انت شارب حاجه قلت: مووووووووووووووواصل مواصل وهو يمووووت ضحك المشكله ان الصيدليه بجنب المكتبه ههههههههههههههههههههه لا تضحكون ترا المواصله شينه ههههههههههههههههههههه بااااااااي |
الساعة الآن 10:29AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية