الـحــلـم وردي يـازمــان الـمــشـاريـه = بين الاماني والامل والحقيقه
صدق الغلا ياسكة الغي والتيه = بيض النوايا والقلوب الرقيقه
الضيق مايبْعدك عن حي تغليه = لو تشتعل كل الاماكن حريقه
والمر كأسه نشربه لجل حاليه = لو مانطيقه غصب عنا نطيقه
ياشين وقت أفراق غالي لغاليه = بين المواجع والجروح العميقه
القلب هم البعد والهجر طاويه = بعد أختلافات العهود الوثيقه
اللي بقى ياهاجسي وش تسميه = والجرح يكبر من رفيق لرفيقه
جرحً سكن بين الخفوق ومحانيه = يكبر مابين الثانيه والدقيقه
أسج والذكرى القديمه تصحيه = ماكن صوتي نــّـشـف الهم ريقه
وعشقي وتفكيري وصدري ومافيه = هتان وطعون الليالي عتيقه
شعري كتبني في شوارد معانيه = يالهاجس اللي بين همً وضيقه
ماكل مايطري على البال نبغيه = ولاكل نفسً للمواصل شفيقه
وصدق الغلا فوق العتب والمشاريه = نبض الصدور اللي وفاها حقيقه