![]() |
اقتباس:
هقوتك وانا اختك الاختباررر مسوية فيني كيذا بس اصبري علي بعد بتشوفين عجايب :thumb: ننتظرك ي قميل :r:r |
اقتباس:
وننظرك تتقهوى معنا |
لينا
يسعد مساك ومجلس عامر بك وباالجميع عابرسبيل معرف جميل ويستحق الحضور لكن وين القهوه :r: |
موضوع يحمل فكره رائعه الشكر للأخت لينا البراهيم لهذا المجهود المتوّج بهذه الفكره الجميله والروعه ان يكون لنا شرف قراءة اخينا عابر سبيل متابع ومستمتع بطعم قهوتكم هنا |
موضوع جميل ومجلس عامر بأهله
وهذا انتي يالينا تبهرينا دائماً بماهو جديد ومفيد لهذا المنتدا الرائع بأهله وننتظر اخينا عابر سبيل على الاجابه بكل وضوح ننتظر بشوق >>>لي عوده ان شاء الله لطرح اسأله ان كان لنا صلاحيه بتدوينها هنا للاجابه عنها لكم جل محبتي وتقديري كونو بخير |
اقتباس:
بسم الله الرحمن الرحيم في البداية احب اشكر اختي .. لينا البراهيم .. على هذا الموضوع الجميل والذي بلا شك فيه من التجديد والتعرف اكثر على بعض من ملامح شخصيات أعضاء منتدى . رهب . الأدبي . واتشرف بأن أكون أول من يستقبل ضيوفه في مجلسه العامر وأقول لهم على الرحب والسعة وانا كلي آذان صاغية لماتطرحونه من أسئلة في كل شئ . اسمي ....عبدالله عمري .. العمر كله مؤهلي التعليمي .. خريج كلية المعلمين عملي ... معلم أو مدرس .. علشان مايزعل الوزير السابق الحالة الأجتماعية ... متزوج وهواياتي متعدده منها . الفن التشكيلي . الخط . الرياضة وخاصةً كرة القدم . ولعله يجينا عرض من اي نادي في العالم وبالملايين ان شاء الله لأني اجد في نفسي نبوغ متأخر . وأرحبو مرةً أخرى
ياما حلا الفنجال مع سيحة البال = في مجلس مابها نفس ثقيلة هذا ولد عم وهذا ولد خال = وهذا رفيق(ن ) مالقينا مثيله |
اقتباس:
http://upload.rhb-reema.com/index.ph...etfile&id=3152 وان شاء الله اعجبك ديكور مجلسي وانتبهي لا تطيحين في الوجار وتكسرين المواعين نعم نحن اسرةً واحدة ولا اعتبر الأعضاء الا أخواني واخواتي وانا مااعرف سنكر اعرف سكنر وابي اجيب لكم تمر وأقط ويبيس وكليجا وفتيت مع القهوة وبالنسبة لسؤالك عن سبب تغيير معرفي من مخلص الى عابر سبيل هو أن . مخلص .. مافيه اكشن ولو جزئتي الأسم الى نصفين لطلع لنا .. مخ لص .. ! ويمكن اعدل اسمي .. عابر سبيل الى عابر سبل . كما هو مكتوب في عنوان الموضوع . معجبني ومناسبة الأبيات الشعرية في توقيعي . هذي من حبيبنا واديبنا .. ابو فهد .. ومشاكسةً منه وكنت ناوي ارد له الجميل بأبيات شعرية . ولكن على قولة المثل .. انفخ ياشريم قال مامن برطم ملكة الشعر ضعيفة . وساهر . الحمد لله مايقدر يعطيني مخالفة .. لأني ماأحب السرعة قبل وبعد ساهر . الا اذا جاءتني مخالفة طائشة . يعني نقلت من شخص مخالف الى آخر غير مخالف هذا شئ ثاني وبعدين انتي تسوقين علشان تأخذين مخالفة ؟! واكثر قسم يشد انتباهي هو قسم . فسحة الروح .. اكثر من رأي .. مساحات أدبية . نعم عدد الأصدقاء وكثرتهم يدل على ان الشخص انسان اجتماعي . والآن وصلنا الى مربط الفرس . وهو السؤال الكبير . لماذا لم اوديكم لحديقة الحيوانات ؟! السبب واذا عرف السبب بطل العجب هو انكم ماتنعطون وجه . رحت بكم للبر ولا اعجبكم هربتوا وخليتوني لوحدي اهيم في الصحراء والمثل يقول .. مايعجبكم العجب ولا الصيام في رجب . لكن بعد هذا القاء خلاص .. طاح الحطب .. دعوا القيادة لنا وتمتعوا برحلة سعيدة الى سفاري الملز . خذي :r: |
اقتباس:
واجابتك جازت لي بصراحة والف شكر على سعة بالك في كل الاقساام شهادة لك عااابر سبيل انت من الاعضاء لهم مكانة اخوية احتفظ فيها لـ طيب التعامل معك الله يحفظك دوم بعينه التي لا تنام ويخليك لـ غاليك <<< عيني على الراديو خاطري فيه :d |
الغاليه لينا البراهيم الله انه يسعدك بجميع اوقاتك بكل خير كما اسعدتينا بمقدمتك بهذا الموضوع الخاص باستضافة العضو الغالي عابر سبيل وفقه الله فشكرا لك ولكل من حضر وطرح اسئلته على ضيفك العزيز وانا بدوري سوف اطرح عليه كم سؤال وارجو ان تكون خفيف عليك س/ انت لك هوايه بجمع التراث والصور القديمه فهل سوف تقوم بوضع صور ما تحتفظ به من تراث اوصور لنا هنا بالمنتدى س/2 هل انت لاعب كرة قدم لانني احس بذلك واي فريق تنتمي له وهل انت مقتنع بفريقك في الوقت الحاضر السؤل الاخير/ هل لك كتابات ادبيه او صحيفه بصفتك ملم ومثقف واستاذ ومربي اجيال واين تكتب ما ترى انه واجبك اشكرك واشكر الاختين لينا البراهيم وزمان العجايب وكل من شارك ومن سيشارك وفقكم الله لما يحبه ويرضاه للجميع تحياتي |
الله الله
على الابداع ياليناااا:e: ماشاء الله طرح جميل مميز وحسااافه جيت متاخره اعذروني كنت مسافره بس لحقت عليكم :d ومنوووور الاخ عابر سبيل <<<< عبدالله :r: بداية يا استاذ او معلم عبدالله عشان مايزعل وزير التعليم سابقااا;) اي مرحله تدرس وماهو تخصص حلمك في الحياة؟ هل تتقبل آلنقد آلصريح ولكن دون تجريح؟ ( مآ أخطيت ولكن ذنبي "تقديري لهم" كآن بزيآده) إذآ أردت أن توجهه هذي الآبيآت لـِ شخص لمن تقولها؟:yasser: وبصراحه على كثر تواجدك في المنتدى احس انك انسان غامض هل احد قالك قبلي انك غامض :):mf_tongue: وبالنسبه للشعر اكثر شي تميل له الشعر الفصحى او العامي ماالذي يلفت انتباهك بسرعه في الشخص الذى امامك؟ وسلااااامتك ومنووووووووووووووور ياعابر سبيل :r: بس ترا محد صب لي قهوه لحد ذلحين:nono: |
الساعة الآن 12:53PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية