عزي لمن مثلي حياته زحاليق=كل مارفع راسه تجيه الأعاقه
ولا كمى اللي عاش عمره تلا فيق =أبسط حوايج دنيته بطقاقه
ليتك يبن عمي على حالي أتويق=كني مريضٍ ناخر الدود ساقه
واليوم صبري صارمافيه توفيق=أوصبرن بليا فود فعل الحماقه
ياالله ياخالق جميع المخاليق =ياعالم بخافي الأمور الدقاقه
تجيرنا من نار تشوي المعاليق=يارب أنا مالي على النار طاقه

لا تشتكي يا هام سنجاروطويق=حبل الوصل مشدود عندي وثاقه
فزعاتنا ماهي برد الطواريق=أبشر وحنا يالبناخي رفاقه
من غربنا إلين توصل تشاريق=فدا ولك فوق القرابه صداقه
نزيل عنك كل ما يمكن يعيق = واللي تبيه يجيك طيب ولباقه
حنا ليامن وصلت نشفة الريق=نزيد للجهيل جهل و حــــماقه
بالجنه العليا نمارق وأباريق =والعبد بالدنيا كثير أنزلاقه
الصبر والسلوان جعل الله يتيق=قلبك لهديٍّ يرتضيلك سياقه
ويجيرك الفتنه وبطش المطاريق=في ساعة والمرء تلتف ساقه