الرب ياوي والمخاليق يقسون=ولابه بكل الكون فاالناس ياوي
جادت قرائح للمخاليق بلحون=من واهج الدنيا وكثر البلاوي
واخذن من القيفان مافاق مليون=وكلن على ليلاه جر الغناوي
قصائدن عاشن ومن قال مدفون=والشاهد اللي عارفين الخلاوي
صارت على الالسن تعابير وشجون=منها دلاله والحكم والرجاوي
ومنها الذي باالبيض دائم يبكّون=مجنون ليلى مالقى له مداوي
ومنها الرثاء بيح مع الناس مكنون=ياما على الفرقا تعض الشفاوي
ومنها الهجاء ولع مع الناس غليون=مثل القدح فائح بليا عراوي
احدن على غيره بلا اسباب مشحون=وفي خلق ربي ماشين باالحراوي
صار الفضاء كله باالانفاس كربون=ولاينطح الناخي بطعن المطاوي
واللي جهل باالناس ماهوب مجنون=والمعرفه للطيب هي المناوي
ومنها قصيدن للمراجيل عربون =يستاهل التمجيد طير النداوي
كتبت قولي واطيب القوم يوحون=اللي عليهم سايقين العزاوي
اللي لهم باالطيب بيرق وماعون=مانالوا الطيبه بكثر المناوي
رجلن على كثر المخاليق دندون=اللي به العسرات تصبح رخاوي
من قدر ابوماجد تغنيت بفنون=اللي على كل المشاكيل قاوي

ولابه بكل الكون فاالنـاس يـاوي
,
,

دمت بود
عبير الروح
,
,