أقبلت و مـن الإرتيـاب إمجـرَّد=شاعر وفي يمناي سيـف إمجـرَّد
ومن ال(أنـا و الكبرياء)الضحلـه=ذاتي و أداتي ممحلات ٍ جـِـرّد
بيّنـت و الأيـام دولــه ...دولــه=وردتت يوم إن الكثير إمّورّد
و ورّدت شعري فكري المتصـدّر=مـا أصـدّر المستورد من السـِّرَّد
جيت الحصان إبن الحصان الصاهل=معـرّب ٍ ماجيـت لفـو مـشـرّد
وليا مشيت آصـَـل ولاقلت أفعل==الردّ كاش 00ولاعن الكاش أنرد
و من مِـزعله ثوبي يكف إردونه=لادنـّـق يـْـلبِّس نعول المِرّد
و راع الفضاويّـات و الزاروبـه=يصير عنتـر عبـس لامـن بـرّّد
ومن ما يحشـِّم ما حِشم له شارب=ولا يساوى له ريال إمخرّد
ومن ما حمى ثقافته وآدابه=مــا صان بنـت أفكاره من الشِرّد
الثلم لا برّق بك العماوي=ياممسّح الريضان ياكيف الرَّد
وحنا ليا قمنا نفك القاله=وليا عطينا عطوة ٍ ماتنرد
ياقارع ٍ بالحانيه طنبورك=بلا منافس دندن و تفرّد
الطِّرش تعتاش الــتليد الوارش=و الطَّرش محقور العشاش إمطرّد
ومثلك رجل ماهو بقد مواجه=ومنك كثير من الضعوف إمقرّد
طوبى لنا يا الأغينااااء بأنفسنا=منك غصـن تسامحه مـا ورّد
قطر الندى وليا إعتلوا لظهوره=لبّاس طاس و جـوخ درع مْـزرّد