شبكة رهب الأدبية-ريما محمد السديري - قصيـدتين .. أتأمل فيها أعجابكم

- بـيـت الـقـصـيـد (http://www.rhb-reema.com/vb/forumdisplay.php?f=40)

- - قصيـدتين .. أتأمل فيها أعجابكم (http://www.rhb-reema.com/vb/showthread.php?t=10426)

اقتباس:

[/table1]

:

:

القصيده الثانيه :

[table1="width:85%;background-image:url('http://www.rhb-reema.com/vb/mwaextraedit2/backgrounds/25.gif');border:4px double black;"]

[/table1]

وسلامتكم ..:r:

المشاركة الأصلية كتبت بواسطة س ـا س (المشاركة 94641)

السلام عليكم ورحمة الله
يسعدني أن أقدم لكم آخر ماكتب
ولو أني أميل للنقد أكثر من كتابة الشعر ..

ولكن يشرفني أن ألبي رغبة
الأستاذ الغالي / خليل العجاج بقصيدتين .
متأملاً أن تعجبه .. وتعجبكم جميعاً .

[table1="width:85%;background-image:url('http://www.rhb-reema.com/vb/mwaextraedit2/backgrounds/39.gif');border:4px double black;"]

غيرت وجهة نظر ماكنت عارفها ..
الا بعد ماعرفت اني على فالي

ماكنت اناظر وانا اللي كنت شايفها ..
الصوره اللي ملامحها على بالي

وش عاد ينفع معاها لو أزخرفها ..
طاحت بعيني بعد ماكانت بعالي

حقيقة الوضع أكبر من سوالفها ..
وشلون الاول غدا في عيني التالي

وشلون منهو اشوفه في مشارفها ..
يمشي ودربه مع العذال ميّالي

الوقت يعرض خفاياهم ويكشفها ..
ولافيه قول(ن) على ماقيل ينقالي

بعزف على الحرف في ذكرى مواقفها..
وبغني احساس مواله وموالي

بعض الحقايق تحزن من يصادفها ..
والبعض الآخر يجي من مرها حالي

ولاشافت العين شي(ن) مايشرفها ..
ماتلتفت له لو انه دايم اقبالي

ألتفت حولك .. وحاول تنتبـه !! ..
كل شي بأولوياته أصول

ماحسبت حساب منهو تحسبه ..
والأصابع بين قصر وبين طول

كان لك راي(ن) معايه اسحبه ..
أنت مايحتاجلك بالراي قول

أنت أسمك من حياتي بشطبه ..
منت كفو اللي على فكره يجول

انت وينك وين منهو تطلبه ..
وانت مالك في نظر عيني قبول

أبتعد كل الأماكن مضربه ..
والمسافه ترفض اراء الحلول

الوصل صحرا بعيني مجدبه ..
وقلبك الممحل يخليني عجول

مابقالي شي منك استغربه ..
مسرحية طيش من عدة فصول

أتسائل بك ومالقى أجوبه ..
مثل صوت الناي مع قرع الطبول

ياسفاهة قلبك وماأكذبه ..
مالقيت بوجهك أحساس(ن) خجول

كنت اشوفك غيرهم مالك شبه..
كنت احس انك من الخلق معزول

واتفاجئ أن حبك تجربه ..
عمرها فتره ولا فيهـ ـا ميول

ماعرفت احساسي وشلون اكتبه ..
لاتبسم وجهي وقلبي زعول

تسلم يدك والابيات التكتبه=نضم راقي مازجه جوهر ولول
اجمل التعبير وسكبت اعذبه=صح الله لسانك وتسلم ماتقول

اقتباس:

المشاركة الأصلية كتبت بواسطة مستبده عسل (المشاركة 94806)

قصيدتين رائعتين

صح لسانك وسلم احساسك

صياغه رائعه وتسلسل جميل

ياخذنا معك

تقبل مروري واعجابي

كلـــــــــــ الحبــــــــ

:

صح بدنك أختي
وأشادتك بـ جد أسعدتني
تقديري لك ولحضورك المميز
تحياتي لك .

اقتباس:

المشاركة الأصلية كتبت بواسطة خلف الشلهوب (المشاركة 94891)

هلا وغلا والله بالغالي ساس

باختصار اقول لمن لايعرف ساس
انه شيخ وابن شيوخ وشاعر ولد شاعر
وسيفصح عن اسمه بدال اللقب في
الايام القليله القادمه

..

القصيده لاتعليق عليها لأنها مهداه الى
استاذي واخي خليل العجاج وتلبية
لرغبته فهو الملزم بالرد عليها

لك مني الشكر والتقدير يالغالي

اخوك

خلف

:

الشاعر والمبدع والأكثر من رائع
الغالي على قلبي كثيراً ( خلف الشلهوب )
ماأقول ألا .. هلابك أكثر وأكثر ياطويل العمر .

وأقولها وأعيدها أنت مكسب كبير للمنتدى
اللي تكتب فيه .. لأنك بحر في الجزاله .

واللي يعرف خلف عن قرب
يعرف أنه ملك بأخلاقه وأنسانيته ..

وبأذن الله سوف أفصح
عن أسمي قريباً .

محبتي
وغلاتي
وتقديري لك ياخلف :r:

اقتباس:

المشاركة الأصلية كتبت بواسطة المورقي (المشاركة 94943)

جميله طال عمرك هذه الدرر

صح لسانك ملايين

:

الشاعر القدير / المورقي
صح بدنك ..
وأنا ممتن لهذا الأشاده الرائعه من شاعر رائع
تحياتي لك ..

اقتباس:

المشاركة الأصلية كتبت بواسطة كامل الاوصاف (المشاركة 95001)

حقيقة الوضع أكبر من سوالفها ..
وشلون الاول غدا في عيني التالي

وشلون منهو اشوفه في مشارفها ..
يمشي ودربه مع العذال ميّالي

الوقت يعرض خفاياهم ويكشفها ..
ولافيه قول(ن) على ماقيل ينقالي

بعزف على الحرف في ذكرى مواقفها..
وبغني احساس مواله وموالي

بعض الحقايق تحزن من يصادفها ..
والبعض الآخر يجي من مرها حالي

ولاشافت العين شي(ن) مايشرفها ..
ماتلتفت له لو انه دايم اقبالي

شكراً للمميز خليل العجاج الذي أهدانا نحن قراء
منتدى رهب شاعر و شاعر رائع ومميز بحجم المبدع
س ـا س
صح لسانك أخي العزيز على هذه الروائع
وفي أنتظار جديدك دائماً

:

الأخ / كامل الأوصاف
صح بدنك ..
وبمنطق ردك بهذا الحضور
أيقنت بأنك أسم على مسمى ..

محبتي وتقديري لك أخي الكريم .

اقتباس:

المشاركة الأصلية كتبت بواسطة جايز الشمري (المشاركة 95022)

سـ ـا س

نص سلس ومعقد بنفس الوقت

تعمقت في محيط الشعر و ابهرتناا في درر المعاني

اجزلت ولاا هنت

مع كل الود
جاايز

:

الأخ الشاعر / جايز الشمري
شكراُ لك ولحضورك ..
أسعدتنا ياالغالي بهالكلمات الطيبه
وأعتز بهذه الأشاده الرائعه منك
والله يعطيك العافيه .
تحياتي لك .

اقتباس:

المشاركة الأصلية كتبت بواسطة مذهلـــــــــــــــــة (المشاركة 95106)

وإن كنت أرى أن الابداع له كوامن في نفس من يجيد أي فن .... فإحساسك المتدفق بقوة كان هو الحكم والناقد بل والدافع ..

قبل اي شيء ... إلا أن الأستاذ / خليل العجاج يستحق الشكر على اخراج جوهرك لنا بتحفيزك ....

تقبل احترامي ...

:

الى الأخت المذهله / مذهله
غمرتيني بلطفك وأسعدتيني كثيراُ
بهذا الوصف الرائع ..
الذي يدل على شفافية ونرجسية أحاسيسك .
لاأقول أختي الكريمه ألا .. ربي يحفظك لأحبابك .

كل التقدير .

اقتباس:

المشاركة الأصلية كتبت بواسطة محمد الحارثي (المشاركة 95140)

.
.
.

ساس أنت تصب الشعر .. كي يشرب غيرك ..
نهر عذب تدفقت منه تلك المعاني وتلك البلاغه ..
وأيضاً قلم ناقد إذن سنستفيد منك كثيراً هنا ...
أيها المبدع .. نطمع فالمزيد ... وسجلني معجب بما تسكب ليرتوي عطشي ...
دعواتي لك أخي الكريم بكل ماهو جميل ...

.
.
.

:

الأخ الشاعر / محمد الحارثي
تواجد شاعر بقامتك على متصفحي
بحد ذاته أعتزاز وفخر لي .

فما بالك عندما اقرأ هذه الأشاده منك
بكل تأكيد أشعر بنشوه السعاده الحقيقيه
التي تجعلني بمحل المسئوليه الأكبر في طرح جديدي .

وعسانا نكون عند حسن الظن .
تحياتي وتقديري لك .

اقتباس:

المشاركة الأصلية كتبت بواسطة عواد العنزي (المشاركة 95169)

تسلم يدك والابيات التكتبه=نضم راقي مازجه جوهر ولول
اجمل التعبير وسكبت اعذبه=صح الله لسانك وتسلم ماتقول

:

الأخ الشاعر / عواد العنزي
صح بدنك اخوي .. وربي يسلمك ياغالي
كل الشكر على ردك الرائع .

( وأخاف أرد بيتين .. ونقلبها مساجله :) )

تقديري لك ولهذا الحضور اللي يشرح الصدر

صح لسانك وعلى شانك
الشاعرالقدير؛ساس
قصايد رائعه بماتحوي من عذوبة
الكلمات فلاتحرمنا قادمك
ننتظره بشوق
لاعدمناك
دمت بخيرومحبه