اشكركم وهذا مجلسكم جميعا ... كي نصافح ذكرياتنا معا
كل الود |
يوم آخــر :
في صبيحة يوم ناكد فتحت عيناي على صوت امي تقول لي لاداعي للمدرسه اليوم؟ فاستغربت . ولكني حين نهضت من فرشي شاهدت في مدخل البيت شيئا اشبه بالطاوله ولكني عرفته اراه في مسجدنا باستمرار ... كان ذلك مايعرف بخشبة غسيل الموتى . وأرادت امي ان تختصر علي الحيرة فقالت ( اخوك مات ) ... جريت الى الشارع لآاعرف ماذا افعل ..؟ شعور طفل يعلم انه في مصيبه ولايعرف حجمها ؟ مشيت في سكك الحي لا ألوي على شيء ! لعله هروب من موقف حزين ورغبة في عدم التصديق , احاسيس صبي فقد جزءا منه وسيبقى وحيدا في عالم لايعترف بالضعيف .... رآني احد الجيران وانا اتخبّط في مشيتي فسألني مابك؟ اجبت ان اخي مات ... فهوّن علي الأمر وطلب مني العوده للمنزل ... وقد كان . الى يوم آخر |
اقتباس:
تقطيع بصل الله يعين:d |
زمان يازمان العجايب
ايام لم تعد سوى ذكرى و كوميديا سوداء الله يرحم امي |
يوم من عمري وحكايتي مع القطط
يوم كنت صغيرة كنت أموت بالبسه وتلقاني كل بسة قاشتها بشنطة المدرسة وانا راجعة مره راجعة مع بنات عمي للبيت الا في نفس الشارع بسه والدة وصغارة عنده تجمعنا عليها الا ميته والخمس الصغار حتى مو مفتحين عيونهم ، وعلى طول طلعت دروسي وحطيتهم في شنطة المدرسة ورجعنا للبيت لان الوالدة لو شافتهم بتصير علوم وفي عقوبات وعلى طول للسطح وهات عناية يومين ولوالدة ما تدري الا اخوي اللي اصغر مني درى وصار يهددني حلي الواجبات ولا بعلم امي ، شربيني مويه ولا بعلم امي ، وزعي جدولي ولا بعلم امي ، خليني افوز عليك بالآتاري ولا بعلم أمي وسلسلة من التهديدات بعلم أمي مره وصل الحد عندي قلت علم أمي ، بسم الله الا كنه طياره وعلم أمي باللي في السطح طبعا" البسات يحرام عطهم للسايق ومدري وين وداهم ، وخلتني اغسل السطح كله ، ولا طلعات ولا شيء لمدة اسبوعين وصرت أغسل صحون العشاء عقوبة لي وردعا" لآمثالي ويحرام يروحون لـ خوالي وجمعة عمامي يوم الجمعة وانا مسجونة بالبيت والمجرم اخوي يقول اقولك اعلم امي ليه ما صدقتيني ؟ المشكلة يوم كبرت أكره الحيوانات بالبيت ولا الوم أمي على موقفه بس لو ما عاقبتني ذاك العقاب الآقشر . |
القطط حلوه وشكلهم ظريف انا احبهم بس يكونوا كبار .
بس حرام ولله عقاب ماما لك اكبر من حجم الفعله ! باين عليك مطيعه لأنها قست عليك كتير ونفذتي طلباتها اكيد السايق رماهم .. يعني وين بيوديهم؟ بس حرام صغار مره . لو تركتهم لك تهتمين فيهم كان ربي عطاك اجر كبير يلله ... الله يرحمهم . |
الكاتب سعود شكرا لك على صراحتك المهم بناء على طلبك ساسرد لكم يوم من عمري كنت ابن التاسعه من عمري وكان بجوارنا جيران ليس لديهم اولاد بل بنات ثمان بنات فيه اثنتين منهن متزوجات والباقي بالمنزل واصغرهن بالعاشره ولكن كنت لا احبها كنت احب ام السابعة عشر الوسطى بالبنات حيث انها تقربني لنفسها بحنانها لي و استانس وانا عندهم وكان ابوهم وامهم حنونين وطيبين جدا ان كانو احياء الله يزيدهم صحه وان كانوا اموات الله يغفر لهم وكانوا يفرحون بوجودي بين بناتهم ويحرصون على اكرامي واحيانا انام عندهم ويجون اخوتي ويطلبون ان يصحوني وكان ابوهم يرفض ان يصحيني ويقول الولد ولدنا خلوه وباكر يجيكم واذا اصبحنا وافطرنا خبز وفول رحت لاهلي وشوي وانا راجع لهم حتى ا والدتي رحمها الله صارت ترسل معي اكل يكفي عشره وتوصيني حطه وارجع واذا حطيته وجيت ارجع تحلف علي مريم ان ما اروح وكانت الابنه الوسطى اسمها مريم ونناديها بريوم فقالت لي حط بالك الليله تنام عندنا قلت ليه قالت ابوي وامي يبي يسافرون يومين ويرجعون وسوف يطلبونك من اهلك تبات معنا يعني تصير رجال البيت فرحت لانني احبهم الا الشيطانيه سويره المهم وافقوا اهلي على الطلب وطول الليل سواليف وحجاوي ونمنا الا ريوم مسويه نايمه وهي ما نامت وجت وقومتني وقالت انا مستاحشه قم جسرني وقمت فرحان ان معي احد يسولف قالت قوه للمقهات سعود يعرفها يعني المجلس ورحنا وصارت تسألني متى تبي تعرس ومنهي اللي انت مختار وكم تبي تعطيها مهر وش تبي تسوي ليلة العرس قلت لها انا صغير اخواني قبلي قالت طيب اذا كبرت قلت لها اتوظف واجمع قروش واعطيهم لها قالت طيب منهي ردية الحظ قلت انتي وهي تخمني وتقول يابعد قلبي انت والله لو اعلم انك تبيني صدق لانتظرك لين تكبر ولكن ابا اعلمك عن الزواج علشان تفهم وعلمتني عنه الله يذكر ذيك الايام بالخير وشكرا لك اخ سعود لفتح هذه الصفحه وشكرا لمن سبقوني بذكرياتهم |
اخ سعووود
بالنسبه لسمعت العائلتين ..الموضوع لم ينتشر ولم يفصح بالخطووبه ...لان من عادات منطقتنا لا نفصح بالزواج الا بعد عقد القرآن .... والشي الاخر ... كيف الموضوع اكبر من مشاده والامر هو مشاده فقط ودخلت فيها الكرامه ... على العمووم محد يحس بالنار الا رجل واطيها .... اشركرك على حسن تفاعلك ...... |
اخي العزيز سعود
تتمايل الكلمات وتتراقص الاحرف امامي فلا اجد مااكتبه لك لروعت ماتخطه اناملك الجميله حقيقه اصبحت اتوق بانتظار جديدك لي عوده مواقفي وذكرياتي كثيره منها الاليم ومنها الجميل |
هلا اخوي قمم المعالي
انت انسان نقي وتحفظ العشره وتعرف معنى الامانه لكن البنات اذا بغوا شي الله ياقاك من فعايلهن ياكثر سواليفي معهن .... ليتك تتابع سلسلة بعض من عرفت ... يسعدني رايك كن بخير |
الساعة الآن 03:17PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية