عندي يقين أن الرجوله مواقف=وان المواقف من صميم الرجوله
ياثقل دم الليل لاصار واقف= والصبح أثقل لآتأخر وصوله
ان جيت أبوصف تستضيق الوصايف= والقى حروفي من حروفي جفوله
ودي بقول اللي بقوله وخايف=والخوف من شيٍء تمنيت أقوله
كن الخناجر بالضلوع النحايف=والحزن كنه داخل الصدر دوله
قلبٍ يلوفه من عنا الوقت لايف=والوقت الاقشر درهـمـت بي ذلوله
نفسٍ عيوفه صادفت قلب عايف =باعماقها يختال عزمي بـطـوله
ماقلت عمري راح والله حسايف=ولا جيت أنـافـس شـاعـرٍ صفقوله
وحزني يابن وايل مثل مانت شايف=مّـنه يشيـّـب اللي بسن الطفوله
يوم الوفا فارق صدور الولايف=وكم زول يطعن بالخفا ظل زوله
عزالله أني يابن الاجواد عايف= من وقـتـنـا اللي يـسـتـبـيـح الـرجوله
لكن عزاي أني برؤس النوايف= في مرقبٍ ماكل رجلٍ يطوله
وخذها يقين ان الرجوله مواقف= وان المواقف من صميم الرجوله