شهر(ن) يشع بطلته نور الإيمان=وأرض الرسالة تبتهج في حضوره
شهر بقدومه أشرقت كل الأوطان=شهر(ن) تميز بالسنة عن شهوره
شهر الفضيلة والتسامح والإحسان=هدي السكينة فيه مصدر سروره
شهر أوله ( رحمه ) وتاليه ( غفران )=وفي أوسطه كل الذنوب مغفوّره
من يدعي المولى فلاهو بخسران=ومن يرجي الله مايخيب شعوره
سبحانه اللي خالق الإنس والجان=يقطع عروق الشر ويفني جذوره
نقرأ الكتاب ونطلبه عالي الشان=يغفر لنا وأبليس يدحر شروره
شهر(ن) يساوي بالعمر حفنة أزمان=مافيه مسلم جاهل(ن) في أموره
أسمى المعاني تسمو بروح الإنسان=ويفوح ريح المسك نفحة عطوره
ولو كل مجد(ن) له مسيره وبرهان=كان أعظم حروف الكتابه سطوره